Cuncorsu Lingua Materna : dui prima premii di qualità
Marcuri u 16 di ghjugnu, à u Spaziu culturali Natale Luciani in corti, i dui prima laureati di u cuncorsu Lingua materna erani fieri è cuntenti di prisintà i so criazioni ..
Cuncorsu Lingua Materna : dui prima premii di qualità
Marcuri u 16 di ghjugnu, à u Spaziu Culturali Natale Luciani in Corti, i dui prima laureati di u cuncorsu Lingua Materna erani fieri è cuntenti di prisintà i so criazioni à u publicu…
Di ghjinnaghju scorsu, in li paghjini di u vostru ghjurnali, v’annunciavamu a nascita d’un cuncorsu novu chjamatu Lingua Materna
è urganizatu da a Missioni Criatività di l’Università Pasquale Paoli purtata da Davia Benedetti.
À i studianti chì participavani, li tuccava à prupona un prughjettu criativu da valurizà a lingua è a cultura corsa senza timatichi o disciplini artistichi imposti. A qualità di i travagli mandati hà purtatu a ghjuria à dà dui prima premii di 1000€ inveci d’unu !
Dopu à i discorsi d’apartura di Davia Benedetti è di u prisidenti di l’Università Dumenicu Federici, hà pigliatu a parolla Jessica Buttafoco, studianti in siconda annata di Master Lingua Corsa Midiazioni Culturali è Animazioni. À fiancu à una bella squatra tecnica è artistica, hà sceltu di fà un filmettu.
Tandu, in u solcu di a so alternenza à l’Uffiziu di l’Ambienti di a Corsica, t’hà avutu l’idea di valurizà u patrimoniu matiriali ballendu in lu famosu paesi abbandunatu d’Oci in Balagna ma dinò u patrimoniu immatiriali cù a fola di u murtulaghju missa in canzona da Ghjilormu Ferrari cù u so gruppu E Porte.
Pà Jessica, si tratta di « sveglià a cuscenza cullettiva è fà rinasce a memoria di i lochi cù un’antra manera di tramandà ».
D’altrondi, da fà chì u prughjettu ùn si pianti quì, li piaciaria à prupona u cuncettu in tutta a Corsica.
« Par capisce u me prughjettu, ci vole à capisce ciò ch’e sò : una zitella di Marignana chì da chjuca, hà intesu cuntà tutte ste fole… » : funi quissi i prima parolli d’Eléa Battini-Arabi ghjunta à a fini di a terza annata di a so Licenza d’Arti Plastichi.
Da sapenni di più è da fà crescia a qualità di u so prughjettu, Eléa hà fattu a so inchiesta da scopra tanti foli d’ogni pievi di Corsica cù un quistiunariu publicatu annantu à i reti suciali.
U travagliu di a ghjuvanetta intitulatu « Raconti : Mimorie d’altri tempi » nasci da una vera riflissioni artistica da capiscia l’universu di sti raconti tradiziunali è falli campà aduprendu parechji materii è formi d’arti da a futugrafia à u scrittu cù l’aiutu d’altri studianti è da u tissutu à u legnu travagliatu cù i tecnulugii di u Fab Lab di Corti da duv’elli venini d’altrondi i trufei di sta prima edizioni.
Ci vò à dì chì a so opara, Eléa, l’hà da arricchiscia è avaria da duvintà una mostra chì si miritaria di fà u ghjiru di Corsica.
Si spera chì sti dui belli opari primiati darani à i studianti a vulintà di participà un antru annu à u sicondu cuncorsu Lingua Materna !
Marcuri u 16 di ghjugnu, à u Spaziu Culturali Natale Luciani in Corti, i dui prima laureati di u cuncorsu Lingua Materna erani fieri è cuntenti di prisintà i so criazioni à u publicu…
Di ghjinnaghju scorsu, in li paghjini di u vostru ghjurnali, v’annunciavamu a nascita d’un cuncorsu novu chjamatu Lingua Materna
è urganizatu da a Missioni Criatività di l’Università Pasquale Paoli purtata da Davia Benedetti.
À i studianti chì participavani, li tuccava à prupona un prughjettu criativu da valurizà a lingua è a cultura corsa senza timatichi o disciplini artistichi imposti. A qualità di i travagli mandati hà purtatu a ghjuria à dà dui prima premii di 1000€ inveci d’unu !
Dopu à i discorsi d’apartura di Davia Benedetti è di u prisidenti di l’Università Dumenicu Federici, hà pigliatu a parolla Jessica Buttafoco, studianti in siconda annata di Master Lingua Corsa Midiazioni Culturali è Animazioni. À fiancu à una bella squatra tecnica è artistica, hà sceltu di fà un filmettu.
Tandu, in u solcu di a so alternenza à l’Uffiziu di l’Ambienti di a Corsica, t’hà avutu l’idea di valurizà u patrimoniu matiriali ballendu in lu famosu paesi abbandunatu d’Oci in Balagna ma dinò u patrimoniu immatiriali cù a fola di u murtulaghju missa in canzona da Ghjilormu Ferrari cù u so gruppu E Porte.
Pà Jessica, si tratta di « sveglià a cuscenza cullettiva è fà rinasce a memoria di i lochi cù un’antra manera di tramandà ».
D’altrondi, da fà chì u prughjettu ùn si pianti quì, li piaciaria à prupona u cuncettu in tutta a Corsica.
« Par capisce u me prughjettu, ci vole à capisce ciò ch’e sò : una zitella di Marignana chì da chjuca, hà intesu cuntà tutte ste fole… » : funi quissi i prima parolli d’Eléa Battini-Arabi ghjunta à a fini di a terza annata di a so Licenza d’Arti Plastichi.
Da sapenni di più è da fà crescia a qualità di u so prughjettu, Eléa hà fattu a so inchiesta da scopra tanti foli d’ogni pievi di Corsica cù un quistiunariu publicatu annantu à i reti suciali.
U travagliu di a ghjuvanetta intitulatu « Raconti : Mimorie d’altri tempi » nasci da una vera riflissioni artistica da capiscia l’universu di sti raconti tradiziunali è falli campà aduprendu parechji materii è formi d’arti da a futugrafia à u scrittu cù l’aiutu d’altri studianti è da u tissutu à u legnu travagliatu cù i tecnulugii di u Fab Lab di Corti da duv’elli venini d’altrondi i trufei di sta prima edizioni.
Ci vò à dì chì a so opara, Eléa, l’hà da arricchiscia è avaria da duvintà una mostra chì si miritaria di fà u ghjiru di Corsica.
Si spera chì sti dui belli opari primiati darani à i studianti a vulintà di participà un antru annu à u sicondu cuncorsu Lingua Materna !
