I ghjovi di i Salini : cultura, sportu, scambiu è spartera
A seconda edizione di << I ghjovi di i Salini >> s'hè tenuta cinque volte nantu à a piazza Jean Casili durante u mese di lugliu.
I ghjovi di i Salini : cultura, sportu, scambiu è spartera
A seconda edizione di « I ghjovi di i Salini » s’hè tenuta cinque volte nantu à a piazza Jean Casili durante u mese di lugliu. Urganizata da u CPIE, cù partenarii cum’è u centru suciale, u cunsigliu citadinu di u quartieru è u sustegnu di a radiu d’avvicinera Frequenza Nostra, a manifestazione s’hè compia cù un bellu mumentu di spartera chì hà adunitu l’abitanti di i Salini è ancu aldilà…
Adunisce a ghjente, pocu impreme a so religione, u culore di a so pele, u so età o u so nivellu suciale hè, in tempi d’oghje, un’imbusca tamanta induve certi pulitichi cercanu à fà si una piazza per vince qualchì voce. Ci sò quelli chi parlanu è quelli chì facenu. Cusì, l’annu scorsu, u centru suciale di i Salini è u cunsigliu citadinu, cù u sustegnu di a Municipalità, a CAPA è u Statu, anu avutu l’idea di mette in piazza une manifestazione chì adunisce a ghjente di u quartieru è d’altrò per un mumentu di spartera chì manca ind’a nostra sucetà. Cusì sò nati « i ghjovi di lugliu ». Una prima edizione chì hà permessu di fà cunnosce e missione o i scopi di u CPIE, di favurizà a leia suciale è travaglià dinò nantu à l’ambiente è dunque u frazu. « Circhemu à sviluppà animazione, infurmazione,
spiega, è à mette in piazza parechje attività. Ci sò pruduttori, artisgiani, i scagni di furmazione di a merria d’Aiacciu, ballu, cantu, bissicletta... Hè impurtante, ind’u mondu ch’è noi campemu, di pinsà à l’altri è masimu à i zitelli. Sò l’avvene.»
Un esempiu da seguità
Questu annu, i partenarii si sò ritruvati sempre nantu à u listessu locu durante i cinque ghjovi di lugliu. È per compie, una meza ghjurnata dedicata, a settimana scosra à l’associu Inseme. D’un cantu, un centru d’infurmazione cù l’associu « sportu è svantagiatu », l’AFPA, a Missione Lucale, a prevenzione di a ghjuventù, un serviziu di prevenzione di a CdC, attività cum’è maschera per zitelli, vendita di pruduttu bio o artisgianali è da l’altru attività diverse : kangoo jumps (per saltighjà), ballu, viulinu, cantu è un mumentu abbastanza longu dedicatu à u pugilatu.
« Un’attività populare, spiega Filippu Carlini (Ring di Carghjese),
l’avemu prisentata durante cinque settimane, permette à ghjovani di sprimesi à mezu à valori di rispettu, fratellanza è travagliu. Femu, à tempu, a prumuzione di l’attività. »
Versu sette ore è mezu u macellaru « Boubou » Charki hà rigalatu un vitellu arrustitu vendutu cù sandwich è qualcosa da beie 3 e. Tutti i benefizii anu esse rimessi à l’associu Inseme. À fighjulà i sguardi di a ghjente, à l’occasione di l’ultimu ghjovi di lugliu di questu annu (ci n’era cinque), ci hè stata l’impressione di rivede i quartieri di a nostra zitellina. « Quì, ùn ci chè spartera, aghjusta Felice Bonardi, animatore di a radiu Frequenza nostra è à prò di u sviluppu suciale dapoi anni è anni, pocu impreme u nivellu suciale, suldarinu, religiosu è ancu puliticu. Tempi fà, tutti i partiti pulitichi, u PCF, u CCB...facianu u so ballu è tuttu u mondu ci andava, senza cuntà i macci di ballò. A ghjente ghjunghjia per ballà o ghjucà. Oghje, ritruvemu à pocu pressu, u listessu spiritu. Ci vole à mette in piazza i cartulari educativi in tutti i quartieri d’Aiacciu, osinnò, a droga hà da piglià a suprana. »
Una riesciuta maiò è un esempiu da seguità, perchè micca in d’altri quartieri d’Aiacciu…
A seconda edizione di « I ghjovi di i Salini » s’hè tenuta cinque volte nantu à a piazza Jean Casili durante u mese di lugliu. Urganizata da u CPIE, cù partenarii cum’è u centru suciale, u cunsigliu citadinu di u quartieru è u sustegnu di a radiu d’avvicinera Frequenza Nostra, a manifestazione s’hè compia cù un bellu mumentu di spartera chì hà adunitu l’abitanti di i Salini è ancu aldilà…
Adunisce a ghjente, pocu impreme a so religione, u culore di a so pele, u so età o u so nivellu suciale hè, in tempi d’oghje, un’imbusca tamanta induve certi pulitichi cercanu à fà si una piazza per vince qualchì voce. Ci sò quelli chi parlanu è quelli chì facenu. Cusì, l’annu scorsu, u centru suciale di i Salini è u cunsigliu citadinu, cù u sustegnu di a Municipalità, a CAPA è u Statu, anu avutu l’idea di mette in piazza une manifestazione chì adunisce a ghjente di u quartieru è d’altrò per un mumentu di spartera chì manca ind’a nostra sucetà. Cusì sò nati « i ghjovi di lugliu ». Una prima edizione chì hà permessu di fà cunnosce e missione o i scopi di u CPIE, di favurizà a leia suciale è travaglià dinò nantu à l’ambiente è dunque u frazu. « Circhemu à sviluppà animazione, infurmazione,
spiega, è à mette in piazza parechje attività. Ci sò pruduttori, artisgiani, i scagni di furmazione di a merria d’Aiacciu, ballu, cantu, bissicletta... Hè impurtante, ind’u mondu ch’è noi campemu, di pinsà à l’altri è masimu à i zitelli. Sò l’avvene.»
Un esempiu da seguità
Questu annu, i partenarii si sò ritruvati sempre nantu à u listessu locu durante i cinque ghjovi di lugliu. È per compie, una meza ghjurnata dedicata, a settimana scosra à l’associu Inseme. D’un cantu, un centru d’infurmazione cù l’associu « sportu è svantagiatu », l’AFPA, a Missione Lucale, a prevenzione di a ghjuventù, un serviziu di prevenzione di a CdC, attività cum’è maschera per zitelli, vendita di pruduttu bio o artisgianali è da l’altru attività diverse : kangoo jumps (per saltighjà), ballu, viulinu, cantu è un mumentu abbastanza longu dedicatu à u pugilatu.
« Un’attività populare, spiega Filippu Carlini (Ring di Carghjese),
l’avemu prisentata durante cinque settimane, permette à ghjovani di sprimesi à mezu à valori di rispettu, fratellanza è travagliu. Femu, à tempu, a prumuzione di l’attività. »
Versu sette ore è mezu u macellaru « Boubou » Charki hà rigalatu un vitellu arrustitu vendutu cù sandwich è qualcosa da beie 3 e. Tutti i benefizii anu esse rimessi à l’associu Inseme. À fighjulà i sguardi di a ghjente, à l’occasione di l’ultimu ghjovi di lugliu di questu annu (ci n’era cinque), ci hè stata l’impressione di rivede i quartieri di a nostra zitellina. « Quì, ùn ci chè spartera, aghjusta Felice Bonardi, animatore di a radiu Frequenza nostra è à prò di u sviluppu suciale dapoi anni è anni, pocu impreme u nivellu suciale, suldarinu, religiosu è ancu puliticu. Tempi fà, tutti i partiti pulitichi, u PCF, u CCB...facianu u so ballu è tuttu u mondu ci andava, senza cuntà i macci di ballò. A ghjente ghjunghjia per ballà o ghjucà. Oghje, ritruvemu à pocu pressu, u listessu spiritu. Ci vole à mette in piazza i cartulari educativi in tutti i quartieri d’Aiacciu, osinnò, a droga hà da piglià a suprana. »
Una riesciuta maiò è un esempiu da seguità, perchè micca in d’altri quartieri d’Aiacciu…
