Delia Sepulcre-Nativi: Una vucazione artistica
À l’età di vintinove anni è dopu avè ciuttatu in u mezu di l’arte da zitella, Delia Sepulcre-Nativi vole sempre crede in u so celu stellatu.
Delia Sepulcre-Nativi
Una vucazione artistica
À l’età di vintinove anni è dopu avè ciuttatu in u mezu di l’arte da zitella, Delia Sepulcre-Nativi vole sempre crede in u so celu stellatu.
Difficiule, cù un babbu pittore, una mamma teatrina è una surella attrice, d’ùn piglià un versu artisticu. Un percorsu logicu per Danae Sepulcre-Nativi chì hà s’ella hà cunnisciutu l’universu culturale zitella. « Aghju travagliatu cù mamma, spiega l’artista, un travagliu di sicuru nantu à u teatru ciò chì m’hà permessu, di ghjucà, appena più tardi ind’ a pezza « L’indomita donna ». Passiunata d’u teatru, a zitella seguita u so percorsu scularu. « Aghju fattu tuttu l’elementariu in Alata è à u Liceu Letitizia ind’un filu piuttostu litterariu. Dopu à u me basciliè, aghju passatu un BTS di cummerciu. Hè quì chè u teatru s’hè impostu cum’è una necessità. Nè a litteratura, nè u cummerciu mi cunvenianu, mi sò subbitu resa contu chè u teatru era a me strada. Cusì, è dopu à u me BTS, aghju lasciatu tuttu... »
Da Aiacciu à Parrighji
Danae si ritrova in Parrighji ind’a famosa scola Pygmalion, chì travaglia nantu à u sinemà, a musica è u teatru. Una sperienza d’un annu nanzu di cuntinuà à a scola di u « Jeu » sempre in a Capitale. « Mi currespundia forse megliu, masimu nantu à u ghjocu d’attore cù un travagliu impurtante nantu à a spressione curpurale è parechje altre discipline. I primi tempi eranu appena duri ch’eru allutanata da a Corsica. Ancu assai, a me surella Delia era accantu à mè qualchì tempu. Fù un aiutu necessariu... »
U travagliu cù « Le Jeu » chì li permette d’arricchiscesi è di sbuccà nantu à un primu rolu à u sinemà ind’un filmu cortu nantu à a zitellina di Napuliò realizatu da Isa Dolce è esciutu in u 2018. « Ghjucavu Letizia, a so mamma, fù da veru una bella sperienza. » Dui anni dopu, sempre un filmu cortu, « Résurrection » cù un’interpretazzione particulare postu ch’ellu era un filmu « mutu » chì cuntava u percorsu d’una famiglia ruzzicata da i so demonii…
Qualchì prughjettu in capu
Danae face a so strada ma vole sempre andà più luntanu. Tandu è ancu s’ella face parechje scene di teatru, vole fà cuncorsi naziunali . È ghjè cusì ch’ella participeghja à e prove per entre in u famosu cunservatoriu di Parrighji. « Ci hè trè tape per entre, aghju francatu e duie prime ma aghju fiascatu à a terza. Fù una dillusione tamanta, masimu ch’aviu travagliatu mesi sani per pudè francà issu ultimu passu. À dilla franca, aghju messu u tempu per pudè riparte ch’eu vuliu piantà tuttu... » Qualchì mese dopu, ripiglia fiatu...È a so strada. Serà l’epica di a seria « Paese » difusata nantu à Via Stella è induve ella ghjoca, cù a so surella Delia, u rolu, d’una piccia. Babu è mamma in tuttu què ? « M’anu sempre lasciatu travaglià solu è nanzu à tuttu, fà a me strada da per mè senza alcuna influenza. Più ghjovana, mamma mi dava qualchì cunsigliu. » Di settembre, à l’occasione di a rientrata, Danae spera cuntinuà nantu à u listessu filu artisticu. « I prughjetti, ùn mancanu micca ch’elli sianu à u teatru, e serie o ancu à u sinemà. Sò sempre in cuntattu cù tutti i membri di a me prumizione, avemu fattu un cullettivu « Et basta », forse, hà sbuccà qualcosa... »
Una strada ch’ùn face chè principià per Danae Sepucre Nativi.
• F.P.
Una vucazione artistica
À l’età di vintinove anni è dopu avè ciuttatu in u mezu di l’arte da zitella, Delia Sepulcre-Nativi vole sempre crede in u so celu stellatu.
Difficiule, cù un babbu pittore, una mamma teatrina è una surella attrice, d’ùn piglià un versu artisticu. Un percorsu logicu per Danae Sepulcre-Nativi chì hà s’ella hà cunnisciutu l’universu culturale zitella. « Aghju travagliatu cù mamma, spiega l’artista, un travagliu di sicuru nantu à u teatru ciò chì m’hà permessu, di ghjucà, appena più tardi ind’ a pezza « L’indomita donna ». Passiunata d’u teatru, a zitella seguita u so percorsu scularu. « Aghju fattu tuttu l’elementariu in Alata è à u Liceu Letitizia ind’un filu piuttostu litterariu. Dopu à u me basciliè, aghju passatu un BTS di cummerciu. Hè quì chè u teatru s’hè impostu cum’è una necessità. Nè a litteratura, nè u cummerciu mi cunvenianu, mi sò subbitu resa contu chè u teatru era a me strada. Cusì, è dopu à u me BTS, aghju lasciatu tuttu... »
Da Aiacciu à Parrighji
Danae si ritrova in Parrighji ind’a famosa scola Pygmalion, chì travaglia nantu à u sinemà, a musica è u teatru. Una sperienza d’un annu nanzu di cuntinuà à a scola di u « Jeu » sempre in a Capitale. « Mi currespundia forse megliu, masimu nantu à u ghjocu d’attore cù un travagliu impurtante nantu à a spressione curpurale è parechje altre discipline. I primi tempi eranu appena duri ch’eru allutanata da a Corsica. Ancu assai, a me surella Delia era accantu à mè qualchì tempu. Fù un aiutu necessariu... »
U travagliu cù « Le Jeu » chì li permette d’arricchiscesi è di sbuccà nantu à un primu rolu à u sinemà ind’un filmu cortu nantu à a zitellina di Napuliò realizatu da Isa Dolce è esciutu in u 2018. « Ghjucavu Letizia, a so mamma, fù da veru una bella sperienza. » Dui anni dopu, sempre un filmu cortu, « Résurrection » cù un’interpretazzione particulare postu ch’ellu era un filmu « mutu » chì cuntava u percorsu d’una famiglia ruzzicata da i so demonii…
Qualchì prughjettu in capu
Danae face a so strada ma vole sempre andà più luntanu. Tandu è ancu s’ella face parechje scene di teatru, vole fà cuncorsi naziunali . È ghjè cusì ch’ella participeghja à e prove per entre in u famosu cunservatoriu di Parrighji. « Ci hè trè tape per entre, aghju francatu e duie prime ma aghju fiascatu à a terza. Fù una dillusione tamanta, masimu ch’aviu travagliatu mesi sani per pudè francà issu ultimu passu. À dilla franca, aghju messu u tempu per pudè riparte ch’eu vuliu piantà tuttu... » Qualchì mese dopu, ripiglia fiatu...È a so strada. Serà l’epica di a seria « Paese » difusata nantu à Via Stella è induve ella ghjoca, cù a so surella Delia, u rolu, d’una piccia. Babu è mamma in tuttu què ? « M’anu sempre lasciatu travaglià solu è nanzu à tuttu, fà a me strada da per mè senza alcuna influenza. Più ghjovana, mamma mi dava qualchì cunsigliu. » Di settembre, à l’occasione di a rientrata, Danae spera cuntinuà nantu à u listessu filu artisticu. « I prughjetti, ùn mancanu micca ch’elli sianu à u teatru, e serie o ancu à u sinemà. Sò sempre in cuntattu cù tutti i membri di a me prumizione, avemu fattu un cullettivu « Et basta », forse, hà sbuccà qualcosa... »
Una strada ch’ùn face chè principià per Danae Sepucre Nativi.
• F.P.
