Jean - Claude Morati, a passione di u mondu campagnolu
"Quelques aspects de la vie rurale en Corse d'hier"
Jean-Claude Morati, a passione di u mondu campagnolu
Dapoi a so retirata di l’Educazione Naziunale, iss’anzianu prufessore agregatu di scenze, hà vulsutu mette tutte e so cunniscenze linguistiche è u so travagliu à prò di l’altri è masimu di i più ghjovani. Cusì, hà scrittu parechji libri da u primu « Quelques aspects de la vie rurale en Corse d’hier » sin’à l’ultimu esciutu pochi tempi fà «Animali è piante... ». L’occasione di sfuglià qualchì pagina di a so vita…
Di regula, sò l’artisgiani chì sò messi in vale cù « Sapè fà ». Artisgiani, creatori, pruduttori è tanti altri. S’è n’avemu sceltu d’aghjustà à Jean-Claude Morati, hè ghjust’appuntu perchè hè in leia diretta cù u mondu campagnolu. Per prova, qualchì libru chì trattanu di i stuvigli, sosule, animali, pesci, piante…
Un percorsu principiatu à a fine di l’anni ottanta dopu à studii in Marseglia una carriera d’insegnante in scenze cù appena di medicina. Natu in Aiacciu ma di ceppu cinarchese (Casaglione), u prufessore hè statu ciuttatu, da zitellu, in a lingua corsa. « A me lingua materna, spiega l’autore,
studiente, eramu 80 Corsi è si parlava nustrale. Hè quì ch’aghju principiatu à piglià note... »
Si capisce, subbitu a so passione, ma à tempu, a so manera quadrata arrimbata nantu à u so percorsu d’insegnante, di cuncepisce e so opere. Dopu à difficultà per publicà, « era difficiule di publicà un libru di 1200 pagine, aghjusta l’autore, mette in piazza u so associu « Corsu » chì li permette, dapoi, di fà esce e so publicazione. «À a fine di a me carriera, aghju principiatu à scrive un primu librone « Quelques aspects de la vie rurale en Corse d’hier », cù 1200 pagine è 2000 disegni fatti cù a piuma... » Issu primu libru, hè statu fattu cù u me tintu di babbu. Ma, è malgratu un libru tamantu, dicia à l’epica, chè isse tematiche ùn eranu micca state sfruttate abbastanza. Tandu, aghju cuntinuatu nantu à u listessu versu cù « Topi, topi, topi, pulenta è porri », chì trattava di caccia fora di legge... ».
Cù « Spirginate di robba nostra », chì piglia a seguita, si tratta di spechji culuriti di a lingua corsa – sempre 1200 pagine- è 5000 pruverbii, detti...Dopu, a robba purcina cù tuttu u sapè fà ch’è noi pudemu ritruvà intornu.
« Animali è piante : 1600 nomi, 230 disegni
« A Corsica d’eri si pianta per mè dopu à a guerra d’Algeria in u 1962. Ci hè statu una rumpitura tamanta cù u mondu paisanu... »
« Dumane, dumenica in casa » induve l’autore mette in vale tutte e sosule nustrale di e nostre minnane (400 chì seguitanu e stagione cù carne, licumi…) seguita.
L’ultimu « Animali è piante» si scrive in a listessa andatura nustrale cù, à tempu, una leia maiò trà l’autore, a lingua corsa è a disciplina insegnata.
« A tassunumia hè a scenza di a classificazione di tuttu ciò chì campa : animali è piante. Di fattu, in tutti i libri chì eranu publicati nanzu, mi tuccava sempre à circà u nome scentificu, a famiglia è dinò à u cuntrariu, u nome corsu ind’altri libri. »
Un travaglione, fruttu d’inchieste nantu à u terrenu, di studii nantu à e bestiame, flora... « Sò note ch’aghju racolte per esce issu libru chì nantu à li stessu modu chè l’altri... » chì sbocca nantu à 1600 nomi (francese, scentificu è corsu) è 230 disegni.
Dapoi ch’ellu scrive, l’autore ne hè à più di 4000 pagine è 6000 disegni ch’ellu face da per ellu. Ùn si pianterà forse, micca quì. Aspettemu a seguita…
Dapoi a so retirata di l’Educazione Naziunale, iss’anzianu prufessore agregatu di scenze, hà vulsutu mette tutte e so cunniscenze linguistiche è u so travagliu à prò di l’altri è masimu di i più ghjovani. Cusì, hà scrittu parechji libri da u primu « Quelques aspects de la vie rurale en Corse d’hier » sin’à l’ultimu esciutu pochi tempi fà «Animali è piante... ». L’occasione di sfuglià qualchì pagina di a so vita…
Di regula, sò l’artisgiani chì sò messi in vale cù « Sapè fà ». Artisgiani, creatori, pruduttori è tanti altri. S’è n’avemu sceltu d’aghjustà à Jean-Claude Morati, hè ghjust’appuntu perchè hè in leia diretta cù u mondu campagnolu. Per prova, qualchì libru chì trattanu di i stuvigli, sosule, animali, pesci, piante…
Un percorsu principiatu à a fine di l’anni ottanta dopu à studii in Marseglia una carriera d’insegnante in scenze cù appena di medicina. Natu in Aiacciu ma di ceppu cinarchese (Casaglione), u prufessore hè statu ciuttatu, da zitellu, in a lingua corsa. « A me lingua materna, spiega l’autore,
studiente, eramu 80 Corsi è si parlava nustrale. Hè quì ch’aghju principiatu à piglià note... »
Si capisce, subbitu a so passione, ma à tempu, a so manera quadrata arrimbata nantu à u so percorsu d’insegnante, di cuncepisce e so opere. Dopu à difficultà per publicà, « era difficiule di publicà un libru di 1200 pagine, aghjusta l’autore, mette in piazza u so associu « Corsu » chì li permette, dapoi, di fà esce e so publicazione. «À a fine di a me carriera, aghju principiatu à scrive un primu librone « Quelques aspects de la vie rurale en Corse d’hier », cù 1200 pagine è 2000 disegni fatti cù a piuma... » Issu primu libru, hè statu fattu cù u me tintu di babbu. Ma, è malgratu un libru tamantu, dicia à l’epica, chè isse tematiche ùn eranu micca state sfruttate abbastanza. Tandu, aghju cuntinuatu nantu à u listessu versu cù « Topi, topi, topi, pulenta è porri », chì trattava di caccia fora di legge... ».
Cù « Spirginate di robba nostra », chì piglia a seguita, si tratta di spechji culuriti di a lingua corsa – sempre 1200 pagine- è 5000 pruverbii, detti...Dopu, a robba purcina cù tuttu u sapè fà ch’è noi pudemu ritruvà intornu.
« Animali è piante : 1600 nomi, 230 disegni
« A Corsica d’eri si pianta per mè dopu à a guerra d’Algeria in u 1962. Ci hè statu una rumpitura tamanta cù u mondu paisanu... »
« Dumane, dumenica in casa » induve l’autore mette in vale tutte e sosule nustrale di e nostre minnane (400 chì seguitanu e stagione cù carne, licumi…) seguita.
L’ultimu « Animali è piante» si scrive in a listessa andatura nustrale cù, à tempu, una leia maiò trà l’autore, a lingua corsa è a disciplina insegnata.
« A tassunumia hè a scenza di a classificazione di tuttu ciò chì campa : animali è piante. Di fattu, in tutti i libri chì eranu publicati nanzu, mi tuccava sempre à circà u nome scentificu, a famiglia è dinò à u cuntrariu, u nome corsu ind’altri libri. »
Un travaglione, fruttu d’inchieste nantu à u terrenu, di studii nantu à e bestiame, flora... « Sò note ch’aghju racolte per esce issu libru chì nantu à li stessu modu chè l’altri... » chì sbocca nantu à 1600 nomi (francese, scentificu è corsu) è 230 disegni.
Dapoi ch’ellu scrive, l’autore ne hè à più di 4000 pagine è 6000 disegni ch’ellu face da per ellu. Ùn si pianterà forse, micca quì. Aspettemu a seguita…
