<< O Gurmandia >>, l'attellu " dolce " di Delphine Morellini
Delphine Morellini cuncepisce dolci di qualità à modu soiu è à partesi da prudutti corsi cum'à a nuciola o u brocciu
Sapè fà : « O Gurmandia », l’attellu « dolce » di Delphine Morellini
Stallata dapoi ghjugnu scorsu in u so attellu di Prunete, vicinu à Cervioni, Delphine Morellini cuncepisce dolci di qualità à modu soiu è à partesi da prudutti corsi cum’à a nuciola o u brocciu.
Cù un babbu anzianu pastizzeru-ind’è Angeli in Bastia- è una mamma chì li piace monda à cucinà, u percorsu prufessiunale di Delphine Morellini era dighjà sulcatu. Eppuru hà messu qualchì annu per sbuccà…
« Sò stata da zitella bagnata in st’ambianza quì, spiega a pastizzera, trà forni è paghjole. M’hè sempre piaciutu à cucinà ancu eiu. Ma ne aghju pigliatu cuscenza tardi... »
Da a passione à u mistieru
U so basciliè S in a stacca, Delphine vole travaglià ind’un laboratoriu d’analisi. Di fattu, sceglierà un laburatoriu, ma micca u li stessu. « Faccia sempre biscotti, dolci, torti à l’occasione d’anniversarii. E mo amichi mi dicianu sempre di fà ne u mo mistieru. Per mè, era solu una passione. Eppo, aghju francatu u passu... »
Trè anni fà, a Cerviuninca face a scumessa di passà da a passione à un mistieru. Tandu, face qualchì staziu ind’è specialisti monda rinumati - Philippe Conticini è Pierre Hermé- passa u so CAP, « in tantu chè candidata libera ch’ùn vulia vultà à a scola », è i so primi passi inde l’emissione « Les rois du gâteau, gestita, nantu à M6 da dui altre persone rinumate, Cyril Lignac è Frédéric Bau. « Da 300 in u PACA Corsica, semu passati à 60 è 5 finalisti in Parrighji. Aghju fattu u « Castagniccia » un dolce cù nuciole di Cervioni, una crema di castagna è un biscottu cù a farina castagnina. Ma peccatu, aghju persu in finale. »
Delphine volta quantunque in Corsica cù una certa nuturietà è una sperienza maiò necessiaria à so attività. Ma li tuccava, nanzu à truvà un locu. « Zitella, vulia fà un laburatoriu dedicatu à a pastizzeria, ci era un terrenu ind’a pruprietà d’u me babbu. L’avemu fattu quallà. Per u nome, avemu sceltu una parolla corta, creata da noi è abbastanza faciule : « O Gurmandia»
« Cursichella » u dolce nustrale
Dopu à guasgi un annu di travagli, l’affare hè fatta è Delphine cumencia a so attività di ghjugnu scorsu cù parechje usterie di u circondu : « L’Albore » in Tagliu, u « Campomare » in Prunete, « A siesta » in Alistru, « L’Acqua Nera » in Cervioni o « A mustaccina » in u Viscuvatu. Cusì face dolci à modu soiu cù prudutti corsi è masimu a nuciola cerviuninca accunciata à « tutte e salze » (da a pasta à e creme) è cuncepisce a « nuciulata », un biscuttinu à a nuciola bulicatu cù una crema à a cicculata. È li vene l’idea di cuncepisce « Cursichella ». « Mi ci vulia una forma speciale, aghju vistu chè Guillaume Nabilleau, cucinaru assai cunnisciutu è rinumatu, ne facia. L’aghju cuntattatu è hà datu subbitu u su accunsentu per participà à issu prughjettu. »
A pastizzera face u so dolce cù prudutti nustrali, di sicuru : crema à u brocciu, buchja di limò, mele liquidu è biscuttini crachjuli. Un dolce chì, dopu avè fattu u giru di e rete suciale, s’hè sviluppatu assai per via di a vuciata è face, oghje, a nuturietà di Delphine Morellini, Pochi tempi fà, a pastizzera hà participatu à un famosu cuncorsu in Parrighji « Niente chè di ritruvà mi à mezu à prufessiunali cum’è quelli di a casa Ducas, era tamantu... » Strada facendu, ùn si vole micca piantà quì. Sò carca d’idee, sempre intornu à i prudutti corsi. Forse u « Cursichella » castagninu per principià. »
Un « artista » da seguità niente chè per dilettà e papille…
Ph.P.
« O Gurmandia », Prunete, 20221, Cervioni
delphine.morellini@gmail.com
tel : 06-81-58-05-26
Stallata dapoi ghjugnu scorsu in u so attellu di Prunete, vicinu à Cervioni, Delphine Morellini cuncepisce dolci di qualità à modu soiu è à partesi da prudutti corsi cum’à a nuciola o u brocciu.
Cù un babbu anzianu pastizzeru-ind’è Angeli in Bastia- è una mamma chì li piace monda à cucinà, u percorsu prufessiunale di Delphine Morellini era dighjà sulcatu. Eppuru hà messu qualchì annu per sbuccà…
« Sò stata da zitella bagnata in st’ambianza quì, spiega a pastizzera, trà forni è paghjole. M’hè sempre piaciutu à cucinà ancu eiu. Ma ne aghju pigliatu cuscenza tardi... »
Da a passione à u mistieru
U so basciliè S in a stacca, Delphine vole travaglià ind’un laboratoriu d’analisi. Di fattu, sceglierà un laburatoriu, ma micca u li stessu. « Faccia sempre biscotti, dolci, torti à l’occasione d’anniversarii. E mo amichi mi dicianu sempre di fà ne u mo mistieru. Per mè, era solu una passione. Eppo, aghju francatu u passu... »
Trè anni fà, a Cerviuninca face a scumessa di passà da a passione à un mistieru. Tandu, face qualchì staziu ind’è specialisti monda rinumati - Philippe Conticini è Pierre Hermé- passa u so CAP, « in tantu chè candidata libera ch’ùn vulia vultà à a scola », è i so primi passi inde l’emissione « Les rois du gâteau, gestita, nantu à M6 da dui altre persone rinumate, Cyril Lignac è Frédéric Bau. « Da 300 in u PACA Corsica, semu passati à 60 è 5 finalisti in Parrighji. Aghju fattu u « Castagniccia » un dolce cù nuciole di Cervioni, una crema di castagna è un biscottu cù a farina castagnina. Ma peccatu, aghju persu in finale. »
Delphine volta quantunque in Corsica cù una certa nuturietà è una sperienza maiò necessiaria à so attività. Ma li tuccava, nanzu à truvà un locu. « Zitella, vulia fà un laburatoriu dedicatu à a pastizzeria, ci era un terrenu ind’a pruprietà d’u me babbu. L’avemu fattu quallà. Per u nome, avemu sceltu una parolla corta, creata da noi è abbastanza faciule : « O Gurmandia»
« Cursichella » u dolce nustrale
Dopu à guasgi un annu di travagli, l’affare hè fatta è Delphine cumencia a so attività di ghjugnu scorsu cù parechje usterie di u circondu : « L’Albore » in Tagliu, u « Campomare » in Prunete, « A siesta » in Alistru, « L’Acqua Nera » in Cervioni o « A mustaccina » in u Viscuvatu. Cusì face dolci à modu soiu cù prudutti corsi è masimu a nuciola cerviuninca accunciata à « tutte e salze » (da a pasta à e creme) è cuncepisce a « nuciulata », un biscuttinu à a nuciola bulicatu cù una crema à a cicculata. È li vene l’idea di cuncepisce « Cursichella ». « Mi ci vulia una forma speciale, aghju vistu chè Guillaume Nabilleau, cucinaru assai cunnisciutu è rinumatu, ne facia. L’aghju cuntattatu è hà datu subbitu u su accunsentu per participà à issu prughjettu. »
A pastizzera face u so dolce cù prudutti nustrali, di sicuru : crema à u brocciu, buchja di limò, mele liquidu è biscuttini crachjuli. Un dolce chì, dopu avè fattu u giru di e rete suciale, s’hè sviluppatu assai per via di a vuciata è face, oghje, a nuturietà di Delphine Morellini, Pochi tempi fà, a pastizzera hà participatu à un famosu cuncorsu in Parrighji « Niente chè di ritruvà mi à mezu à prufessiunali cum’è quelli di a casa Ducas, era tamantu... » Strada facendu, ùn si vole micca piantà quì. Sò carca d’idee, sempre intornu à i prudutti corsi. Forse u « Cursichella » castagninu per principià. »
Un « artista » da seguità niente chè per dilettà e papille…
Ph.P.
« O Gurmandia », Prunete, 20221, Cervioni
delphine.morellini@gmail.com
tel : 06-81-58-05-26
