Doria Ousset << d'un cantu à l'altru >>
L'artista rusinca hà esciutu u mese scorsu un so ultimu dischettu " D'un cantu à l'altru "
Doria Ousset « d’un cantu à l’altru »
L’artista rusinca hà esciutu u mese scorsu un so ultimu dischettu « D’un cantu à l’altru ». Ondeci canzone induve ci hè, di sicuru, una piazza maiò à u so filu rock. Ma un’apertura, à tempu, cù versi più tradiziunali…
A figliola d’Anna Rocchi hà fattu dapoi qualchì annu, a so strada in l’universu di cantu corsu. Benchè di ceppu rusincu (puffigliola di Ghjuvan Santu, fratellu ellu di u famosu Carlu Rocchi), avia sceltu u rock per sprime u so arte. « Una logica, spiega l’artista, postu ch’era assai difficiule per mè di passà daretu à a mo mamma. U rock hè una musica chì mi piace assai, si bulica bè cù a lingua corsa. Mi sò detta, perchè micca... »
Una prova è una riesciuta maiò per Doria chì, in pochi tempi, s’hè fattu un nome, masimu cù issa musica quì. U so rock hè, oghje, cunnisciutu in Corsica sana cù versi è musiche chì si maritanu abbastanza bè cù a lingua nustrale. Senza cuntà nantu à l’appoghju di Frédéric Antonpietri, dettu « Tonton », un tercanu di u rock nustrale (respunsevule di i Cantelli in l’anni novanta è à l’origine di u Contraversu).
Cusì, dui dischetti sò nati : Rabbia (2018) è Stanca (2020) Frà tempu, qualchì « clip », è nanzu, una magnifica ripresa di « Ghjochi» cù Ghjuvan Francescu Mattei à l’occasione di l’apertura di l’Albore in Bastia (2015). Un talente, oghje rinumatu.
Da u rock à u tradiziunale
Tandu, strada facendu, Doria hà vulsutu « vultà » nantu à u tradiziunale. « Pensu chè, oghje, a ghjente mi cunnosce. Tuttu u mondu a sà ch’eu facciu u rock. Ùn ci hè più surpresa. Hè statu, dunque più faciule, per mè, d’accuncià canti è versi più dolci o tradiziunali. »
Hè, ghjust’appuntu u scopu di l’artista quand’ella esce di dicembre scorsu, « D’un cantu à l’altru », u so ultimu dischettu. « Avà, mi possu permette, dopu à issu dui dischetti rock, di rivene à una musica più tradiziunale. In issu dischettu, hè a prima volta ch’eu possu cantà d’altre canzone, accunciate, per certe, cum’è « Mal di petre », scritta da Alanu di Megliu, cù a mandulina. Custì, ci hè un versu appena « talianu », un’uchjata à una cultura vicina da noi... »
Cù « D’un cantu à l’altru », l’artista passa, à traversu l’ondeci canzone, da u rock à u tradiziunale o canti più muderni senza aduprà u rock. U pianò è a dolcezza di « L’acqua d’Orezza » è « Stanca », mettenu in vale, a voce linda di Doria Ousset. Cù « Faustina », scritta da Paulu Turchi Duriani è chì conta a storia d’issa donna chì fù à l’origine di l’assaltu di a Citadella di Corti, in u 1746, vultemu à u rock ma cù l’acconciu, sta volta, di e voce di A Filetta. « Aghju scontru u gruppu nantu à a pezza di teatru « A sintinella ». A canzona era dighjà scritta è mi so detta chì e voce d’A Filetta pudianu purtà qualcosa in più. Ci simu scurdati di qualchì pezzu di a nostra storia, avemu vulsutu trattà d’issa donna.»
A voce di l’artista seria, d’una certa manera, u filu di u dischettu da u più dolce « L’acque d’Orezza », à a più rock « A valchiria »...Cù issu dischettu, Doria Ousset hà da girà questu annu. Ma per u 2023, s’appronta un spettaculu cù Anna, a so mamma. L’occasione, sta volta, di sente duie voce tremende è per l’artista, di vultà à e so radiche.
Ph.P.
L’artista rusinca hà esciutu u mese scorsu un so ultimu dischettu « D’un cantu à l’altru ». Ondeci canzone induve ci hè, di sicuru, una piazza maiò à u so filu rock. Ma un’apertura, à tempu, cù versi più tradiziunali…
A figliola d’Anna Rocchi hà fattu dapoi qualchì annu, a so strada in l’universu di cantu corsu. Benchè di ceppu rusincu (puffigliola di Ghjuvan Santu, fratellu ellu di u famosu Carlu Rocchi), avia sceltu u rock per sprime u so arte. « Una logica, spiega l’artista, postu ch’era assai difficiule per mè di passà daretu à a mo mamma. U rock hè una musica chì mi piace assai, si bulica bè cù a lingua corsa. Mi sò detta, perchè micca... »
Una prova è una riesciuta maiò per Doria chì, in pochi tempi, s’hè fattu un nome, masimu cù issa musica quì. U so rock hè, oghje, cunnisciutu in Corsica sana cù versi è musiche chì si maritanu abbastanza bè cù a lingua nustrale. Senza cuntà nantu à l’appoghju di Frédéric Antonpietri, dettu « Tonton », un tercanu di u rock nustrale (respunsevule di i Cantelli in l’anni novanta è à l’origine di u Contraversu).
Cusì, dui dischetti sò nati : Rabbia (2018) è Stanca (2020) Frà tempu, qualchì « clip », è nanzu, una magnifica ripresa di « Ghjochi» cù Ghjuvan Francescu Mattei à l’occasione di l’apertura di l’Albore in Bastia (2015). Un talente, oghje rinumatu.
Da u rock à u tradiziunale
Tandu, strada facendu, Doria hà vulsutu « vultà » nantu à u tradiziunale. « Pensu chè, oghje, a ghjente mi cunnosce. Tuttu u mondu a sà ch’eu facciu u rock. Ùn ci hè più surpresa. Hè statu, dunque più faciule, per mè, d’accuncià canti è versi più dolci o tradiziunali. »
Hè, ghjust’appuntu u scopu di l’artista quand’ella esce di dicembre scorsu, « D’un cantu à l’altru », u so ultimu dischettu. « Avà, mi possu permette, dopu à issu dui dischetti rock, di rivene à una musica più tradiziunale. In issu dischettu, hè a prima volta ch’eu possu cantà d’altre canzone, accunciate, per certe, cum’è « Mal di petre », scritta da Alanu di Megliu, cù a mandulina. Custì, ci hè un versu appena « talianu », un’uchjata à una cultura vicina da noi... »
Cù « D’un cantu à l’altru », l’artista passa, à traversu l’ondeci canzone, da u rock à u tradiziunale o canti più muderni senza aduprà u rock. U pianò è a dolcezza di « L’acqua d’Orezza » è « Stanca », mettenu in vale, a voce linda di Doria Ousset. Cù « Faustina », scritta da Paulu Turchi Duriani è chì conta a storia d’issa donna chì fù à l’origine di l’assaltu di a Citadella di Corti, in u 1746, vultemu à u rock ma cù l’acconciu, sta volta, di e voce di A Filetta. « Aghju scontru u gruppu nantu à a pezza di teatru « A sintinella ». A canzona era dighjà scritta è mi so detta chì e voce d’A Filetta pudianu purtà qualcosa in più. Ci simu scurdati di qualchì pezzu di a nostra storia, avemu vulsutu trattà d’issa donna.»
A voce di l’artista seria, d’una certa manera, u filu di u dischettu da u più dolce « L’acque d’Orezza », à a più rock « A valchiria »...Cù issu dischettu, Doria Ousset hà da girà questu annu. Ma per u 2023, s’appronta un spettaculu cù Anna, a so mamma. L’occasione, sta volta, di sente duie voce tremende è per l’artista, di vultà à e so radiche.
Ph.P.
