Umaggiu à Nicolas Alfonsi
Anzianu merre di Piana, elettu à l’Assemblea di Corsica, cunsiglieru generale è senatore, Nicolas Alfonsi s’hè spentu a settimana scorsa in Aiacciu à l’età d’ottantatrè anni.
Cascatu malatu per via di u siscu, ne hè una di e sette vittime. Teneremu u ricordu d’un omu di stintu è di cunvizione –salutatu d’altronde da tutti i pulitichi- chì hà marcata, di sicuru, a storia di a pulitica corsa. Speremu, una volta chì l’affare di u siscu serà daretu à noi, di rendelu l’umaggiu ch’ellu merita…
Figura pulitica di l’isula durante più di cinquanta anni, Nicolas Alfonsi s’hè spentu a settimana scorsa. È peccatu, per via di a situazione d’oghje, poca ghjente a u so intarru. Une pochi d’umaggi, certu, nantu à i media o e rete suciale ma, bellu luntanu di ciò chè iss’omu di valore meritia…
Merre di Pianu 39 anni
Cù issu persunaghju puliticu maiò, sfugliemu cinquanta anni di a storia di l’isula. A storia pulitica di sicura, ma micca solu…Natu in Carghjese ma di Piana, Nicolas Alfonsi era u figliolu di Jean, merre è cunsiglieru generale di u cantone. Serà forse ellu chì li tramanderà a passione di a pulitica è di l’impegnu publicu. Avucatu di furmazione, Nicolas Alfonsi serà elettu à u capu di a cumuna in u 1962 per…Trentanovi anni (anzianu MRG). È cunsiglieru generale più di cinquanta anni (1962-2015). Face parte, durante guasgi vinti anni di l’Assemblea di Corsica. Frà tempu, purterà a voce di a Corsica à u Palazzu Bourbon (Deputatu) durante quindeci anni è dinò in Bruxelles (deputatu Auropeu da u 1981 à u 1984). Ghjè à partesi da l’anni duimila chè a so carriera pulitica piglia un’altru versu. Elettu senatore di u Pumonte (2001-2014), s’impegna monda à prò di a preservazione di l’ambiente. Cusì, è dopu à a creazione di u Cunservatoriu Naziunale di u Litturale, in u 1976, hè elettu presidente di u Cunsigliu di e marine di Corsica nanzu à a famosa legge chì permetterà di piglià a suprana nantu à interessi suldarini è di salvà più di 15000 ettari in Corsica…
Cù a sparizione di Nicolas Alfonsi, ghjè guasgi un’epica pulitica di a Corsica chì si chjode. Quella di Jean-Paul de Rocca Serra, Jean Zuccarelli, Prosper Alfonsi, François Giacobbi ecc…Ancu s’ellu era monda più ghjuvanu avia listessu modu... Hè, à tempu, una manera di cuncepisce a pulitica chì sparisce, à pocu à pocu. Ma, s’è certi ùn eranu mai d’accunsentu cun ellu, sò stati tutti rispettuosi. Si pò sperà, una volta chè l’affare di u cunfinamentu serà compiu, cù un ritornu à una certa nurmalisazione di a vita, l’umaggiu di tutti per issu persunaghju chì marcatu a storia pulitica di a Corsica…
Figura pulitica di l’isula durante più di cinquanta anni, Nicolas Alfonsi s’hè spentu a settimana scorsa. È peccatu, per via di a situazione d’oghje, poca ghjente a u so intarru. Une pochi d’umaggi, certu, nantu à i media o e rete suciale ma, bellu luntanu di ciò chè iss’omu di valore meritia…
Merre di Pianu 39 anni
Cù issu persunaghju puliticu maiò, sfugliemu cinquanta anni di a storia di l’isula. A storia pulitica di sicura, ma micca solu…Natu in Carghjese ma di Piana, Nicolas Alfonsi era u figliolu di Jean, merre è cunsiglieru generale di u cantone. Serà forse ellu chì li tramanderà a passione di a pulitica è di l’impegnu publicu. Avucatu di furmazione, Nicolas Alfonsi serà elettu à u capu di a cumuna in u 1962 per…Trentanovi anni (anzianu MRG). È cunsiglieru generale più di cinquanta anni (1962-2015). Face parte, durante guasgi vinti anni di l’Assemblea di Corsica. Frà tempu, purterà a voce di a Corsica à u Palazzu Bourbon (Deputatu) durante quindeci anni è dinò in Bruxelles (deputatu Auropeu da u 1981 à u 1984). Ghjè à partesi da l’anni duimila chè a so carriera pulitica piglia un’altru versu. Elettu senatore di u Pumonte (2001-2014), s’impegna monda à prò di a preservazione di l’ambiente. Cusì, è dopu à a creazione di u Cunservatoriu Naziunale di u Litturale, in u 1976, hè elettu presidente di u Cunsigliu di e marine di Corsica nanzu à a famosa legge chì permetterà di piglià a suprana nantu à interessi suldarini è di salvà più di 15000 ettari in Corsica…
Cù a sparizione di Nicolas Alfonsi, ghjè guasgi un’epica pulitica di a Corsica chì si chjode. Quella di Jean-Paul de Rocca Serra, Jean Zuccarelli, Prosper Alfonsi, François Giacobbi ecc…Ancu s’ellu era monda più ghjuvanu avia listessu modu... Hè, à tempu, una manera di cuncepisce a pulitica chì sparisce, à pocu à pocu. Ma, s’è certi ùn eranu mai d’accunsentu cun ellu, sò stati tutti rispettuosi. Si pò sperà, una volta chè l’affare di u cunfinamentu serà compiu, cù un ritornu à una certa nurmalisazione di a vita, l’umaggiu di tutti per issu persunaghju chì marcatu a storia pulitica di a Corsica…
