Associu Locu Teatrale
Un altru fiatu
Associu Locu Teatrale : un altru fiatu
A struttura purtata dapoi anni è anni da Marianna Nativi cerca à ripiglià u so filu dopu à una crisa sanitaria dulurosa per tutti. Cuncerti, mostre, attelli diversi, residenza artistica, filmi, « Chjami è Rispondi », eccu l’attività da quì à ghjugnu.
Tuttu u mondu a sà chè a cultura hà monda suffertu durante a crisa sanitaria. Dighjà ch’ùn si purtava tantu bè nanzu. Malgratu u sustegnu di e Culletività è masimu a CdC, i tempi sò stati duri. Fù l’occasione, per u cullettivu « Diversità faci ricchezza » di purtà a voce d’artisti è d’urganizà manifestazione culturale in Aiacciu. Una perioda induve tutte e strutture a u avutu difficultà. Frà elle, Locu Teatrale per a quale a perioda di u cunfinamentu fù cumplicata à gestisce. « L’arrestu di l’attività duranti dui mesi in u 2020, hà purtatu u colpu maiò à a nostra struttura, spiega Marianna Nativi, respunsevule di l’associu, u secondu arrestu dopu à l’estati ci hà ancu messu in periculu. Hè statu abbastanza difficiuli ma avemi tenutu u colpu. »
Un ponte culturale cù a Sardegna
Una perioda induve a necessità di mantene un filu culturale s’hè imposta. « A sapiami nanzu, aghjusta a capimachja di u Locu Teatrale, ma n’avemi avutu a cunferma...Certi , diciani ancu chè a cultura ùn era essenziali...Avemi misuratu u cuntrariu. »
Cù a fine, speremu, à pocu à pocu di a crisa sanitaria, è arrimbata à a rilancia ecunomica, a ripresa cultura à u Locu Teatrale hè monda aspettata cù un soffiu novu.
« Ci hè sempri u travagliu è si ripiglia pian’pianinu...Ci hè una strategia definita induve s’agisce di dà un fiatu novu à a nostra struttura. »
Una strategia chì mette in vale parechji duminii culturali (cunferenze, cuncerti, mostre, veghje, attelli diversi) è dapoi dighjà qualchì tempu, residenza artistica…Cusì, a squadra d’Arapà serà da quì à pocu à u Locu Teatrale per appruntà a so girata 2022 è un dischettu novu. L’occasione, dinò, per a squadra d’Orlando Furioso di vene in residenza creativa di ghjugnu è prisentà « Scemi in Festa » cù Marie-Paule Franceschetti è Henry Olmeta. À tempu, Marianna Nativi vole sviluppà l’attività teatrale per i maiò (attelli diversi, spettaculi da appruntà...) è cuntribuisce à creà un ponte culturale cù a Sardegna. « A cumpania di a squadra « Teatro s’Arza » di Sassari serà quì d’aprile. Hè u fruttu d’un travagliu in cumunu dapoi qualchì tempu. Semi dighjà andati quallà è circhemi à sviluppà issu partenariatu.Masimu chì i dui culturi sò vicini... »
Un uchjata à a Palestina u 30 è 31 di marzu cù a diffusione di u filmu « Gaza balle au pied » seguitatu d’un debatitu cù Lyad Allastal, realizatore.
Sempre nantu à u teatru, u « Come-Back » d’Azeza (11 è 12 di maghju).
U « Cabaret RCFM » s’invita à u Locu Teatrale
À mezu à issu fiatu novu, u « Cabaret RCFM » di Cristofanu Zagaglia piglia i so quartieri à u Locu Teatrale cù registramenti d’emissioni (U Core d’omi di Sartè u 15 di marzu, u gruppu Spartimu u 15 d’aprile)… Monda aspettatu, u ritornu di u « Chjami è Rispondi » (11 di ghjugnu) cù una prima parte cunsacrata à Petru Canon è a dedicata di u so libru « Piuma Albeghja ».
In fine, a parte cuncerti piglia dinò un sbilanciu cù artisti rinumati : Maì Pesce (11 di marzu), Felì (u 7 di maghju) è Fanou Torraccinta (u 24 di ghjugnu). Una bella prugrammazione aspettendu di scrive issu fiatu novu à longu andà…
Ph.P.
A struttura purtata dapoi anni è anni da Marianna Nativi cerca à ripiglià u so filu dopu à una crisa sanitaria dulurosa per tutti. Cuncerti, mostre, attelli diversi, residenza artistica, filmi, « Chjami è Rispondi », eccu l’attività da quì à ghjugnu.
Tuttu u mondu a sà chè a cultura hà monda suffertu durante a crisa sanitaria. Dighjà ch’ùn si purtava tantu bè nanzu. Malgratu u sustegnu di e Culletività è masimu a CdC, i tempi sò stati duri. Fù l’occasione, per u cullettivu « Diversità faci ricchezza » di purtà a voce d’artisti è d’urganizà manifestazione culturale in Aiacciu. Una perioda induve tutte e strutture a u avutu difficultà. Frà elle, Locu Teatrale per a quale a perioda di u cunfinamentu fù cumplicata à gestisce. « L’arrestu di l’attività duranti dui mesi in u 2020, hà purtatu u colpu maiò à a nostra struttura, spiega Marianna Nativi, respunsevule di l’associu, u secondu arrestu dopu à l’estati ci hà ancu messu in periculu. Hè statu abbastanza difficiuli ma avemi tenutu u colpu. »
Un ponte culturale cù a Sardegna
Una perioda induve a necessità di mantene un filu culturale s’hè imposta. « A sapiami nanzu, aghjusta a capimachja di u Locu Teatrale, ma n’avemi avutu a cunferma...Certi , diciani ancu chè a cultura ùn era essenziali...Avemi misuratu u cuntrariu. »
Cù a fine, speremu, à pocu à pocu di a crisa sanitaria, è arrimbata à a rilancia ecunomica, a ripresa cultura à u Locu Teatrale hè monda aspettata cù un soffiu novu.
« Ci hè sempri u travagliu è si ripiglia pian’pianinu...Ci hè una strategia definita induve s’agisce di dà un fiatu novu à a nostra struttura. »
Una strategia chì mette in vale parechji duminii culturali (cunferenze, cuncerti, mostre, veghje, attelli diversi) è dapoi dighjà qualchì tempu, residenza artistica…Cusì, a squadra d’Arapà serà da quì à pocu à u Locu Teatrale per appruntà a so girata 2022 è un dischettu novu. L’occasione, dinò, per a squadra d’Orlando Furioso di vene in residenza creativa di ghjugnu è prisentà « Scemi in Festa » cù Marie-Paule Franceschetti è Henry Olmeta. À tempu, Marianna Nativi vole sviluppà l’attività teatrale per i maiò (attelli diversi, spettaculi da appruntà...) è cuntribuisce à creà un ponte culturale cù a Sardegna. « A cumpania di a squadra « Teatro s’Arza » di Sassari serà quì d’aprile. Hè u fruttu d’un travagliu in cumunu dapoi qualchì tempu. Semi dighjà andati quallà è circhemi à sviluppà issu partenariatu.Masimu chì i dui culturi sò vicini... »
Un uchjata à a Palestina u 30 è 31 di marzu cù a diffusione di u filmu « Gaza balle au pied » seguitatu d’un debatitu cù Lyad Allastal, realizatore.
Sempre nantu à u teatru, u « Come-Back » d’Azeza (11 è 12 di maghju).
U « Cabaret RCFM » s’invita à u Locu Teatrale
À mezu à issu fiatu novu, u « Cabaret RCFM » di Cristofanu Zagaglia piglia i so quartieri à u Locu Teatrale cù registramenti d’emissioni (U Core d’omi di Sartè u 15 di marzu, u gruppu Spartimu u 15 d’aprile)… Monda aspettatu, u ritornu di u « Chjami è Rispondi » (11 di ghjugnu) cù una prima parte cunsacrata à Petru Canon è a dedicata di u so libru « Piuma Albeghja ».
In fine, a parte cuncerti piglia dinò un sbilanciu cù artisti rinumati : Maì Pesce (11 di marzu), Felì (u 7 di maghju) è Fanou Torraccinta (u 24 di ghjugnu). Una bella prugrammazione aspettendu di scrive issu fiatu novu à longu andà…
Ph.P.
