Sapè Fà : Denis Casalta
Denis Casalta, a passione bugnaghjola
Denis Casalta, a passione bugnaghjola
Stallatu dapoi una vintena d’anni in Ocana, Denis Casalta cerca à tramandà u so sapè fà à i so figlioli è, à tempu, à u publicu à traversu un percorsu pedagogicu dedicatu à tutti l’età…
Semu nantu à a strada d’Ocana in a pieve di u Prunelli. Hè quì chè Denis Casalta s’hè stallatu più di vinti anni fà cù Nancy, a so moglia. Un percorsu natu d’una passione per l’ape à u principiu di l’anni 2000 è chì hà purtatu issu omu à lentà tuttu per fà u bugnaghjolu. « Ci hà dumandatu sacrifizii, spiega u pruduttore,
eppo dinò un travaglione dapoi sempre per mantene a struttura malgratu tuttu ciò ch’è no t’avemu campatu, masimu iss’ultimi anni. »
Un percorsu pedagogicu per tramandà
Denis face a pruduzzione di mele AOP di Corsica, machja di veranu, vaghjime o estate, « miellat »...parechje tonne à l’annu cù qualchì 500 bugni. « Cù u cambiamentu climaticu, aghjusta u bugnaghjolu, a natura hè sempre in avanza, semu cunstretti d’adattà ci. Ci tocca dunque à spiazzà i bugni per fà e nostre racolte. Ma ghjughjemu à campà. »
A particularità di a struttura hè ch’ùn si pò cumprà u mele chè sopra piazza. Una scelta di u coppiu chì t’hà, d’altronde, qualchì idea in capu. Sopratuttu quella d’avè messu in piazza, dece anni fà, un percorsu pedagogicu d’un’ora chì permette à traversu spiegazione, ritratti è cumenti, di sapè ne di più nantu à l’apa corsa particulare (nera). Ciò chì d’altronde, ghjustificheghja u nome datu à a splutazione : Le jardin des abeilles. « A pedagugia è a trasmissione sò valori chì mi toccanu assai, ripiglia Denis Casalta, issu percorsu hè statu fattu per tutti, zitelli, ghjuvani, persone maiò. Permette di cunnosce megliu issu mignoculu, di capisce à so manera d’esse, è di sicuru, i prudutti. Vulemu, à tempu, fà cunnosce u mistieru... »
Presidente di l’AOP Mele di Corsica
Solu dui mele, à u nivellu naziunale, anu ottenutu l’appellazione AOP, u mele di Corsica ne face parte cù u mele di Pinu di u rughjone di e Vosges. « L’AOP mele di Corsica hè un arnese chì permette ghjust’à puntu à tutti i prufessiunali d’arrimbà si nantu à una struttura maiò... ». Anzianu vice presidente è dinò ammistratore di l’Appellazione, Denis Casalta hè statu elettu dapoi dui anni à u capu di l’AOP di Corsica. « Mi vogliu scrive nantu à a cuntinuità di Pierre Torre, chì fù presidente durante 12 anni. U scopu hè dinò d’andà aldilà è d’avè d’altri scopi per sviluppà l’azzione di a nostra struttura. Ci tocca, per indettu, à adattà ci per avè, à più o menu longu andà, un sguardu novu nantu à l’attività è accumpagnà i ghjovani chì principianu. À issu nivellu quì, l’AOP hè una bona chì assicureghja à tempu l’origine è a qualità di i prudutti. Ci vole à travaglià nanzu per risponde à l’esisgenze ambientale è climatiche di dumane. Hè un’imbusca maiò... »
Per prumove a so attività, Denis è Nancy Casalta anu creatu un situ induve pudemu ritruvà tutti i prudutti : meli ma dinò savò, cunfitture (aranciu, mela, alimea, limò... « Per avà, ùn ci lagnemu tantu malgratu a perioda di u Covid chì difficiule da campà. »
Stallatu dapoi vinti anni, Denis ùn pensa micca à piantà ma cumencia à tramandà passione è sapè fà à i so figlioli...Per appruntà dumane.
Ph.P.
Cuntattu
Le Jardin des abeilles
20117, Ocana
Tel : 04-95-23-83-88
www.lejardindesabeilles.com
Stallatu dapoi una vintena d’anni in Ocana, Denis Casalta cerca à tramandà u so sapè fà à i so figlioli è, à tempu, à u publicu à traversu un percorsu pedagogicu dedicatu à tutti l’età…
Semu nantu à a strada d’Ocana in a pieve di u Prunelli. Hè quì chè Denis Casalta s’hè stallatu più di vinti anni fà cù Nancy, a so moglia. Un percorsu natu d’una passione per l’ape à u principiu di l’anni 2000 è chì hà purtatu issu omu à lentà tuttu per fà u bugnaghjolu. « Ci hà dumandatu sacrifizii, spiega u pruduttore,
eppo dinò un travaglione dapoi sempre per mantene a struttura malgratu tuttu ciò ch’è no t’avemu campatu, masimu iss’ultimi anni. »
Un percorsu pedagogicu per tramandà
Denis face a pruduzzione di mele AOP di Corsica, machja di veranu, vaghjime o estate, « miellat »...parechje tonne à l’annu cù qualchì 500 bugni. « Cù u cambiamentu climaticu, aghjusta u bugnaghjolu, a natura hè sempre in avanza, semu cunstretti d’adattà ci. Ci tocca dunque à spiazzà i bugni per fà e nostre racolte. Ma ghjughjemu à campà. »
A particularità di a struttura hè ch’ùn si pò cumprà u mele chè sopra piazza. Una scelta di u coppiu chì t’hà, d’altronde, qualchì idea in capu. Sopratuttu quella d’avè messu in piazza, dece anni fà, un percorsu pedagogicu d’un’ora chì permette à traversu spiegazione, ritratti è cumenti, di sapè ne di più nantu à l’apa corsa particulare (nera). Ciò chì d’altronde, ghjustificheghja u nome datu à a splutazione : Le jardin des abeilles. « A pedagugia è a trasmissione sò valori chì mi toccanu assai, ripiglia Denis Casalta, issu percorsu hè statu fattu per tutti, zitelli, ghjuvani, persone maiò. Permette di cunnosce megliu issu mignoculu, di capisce à so manera d’esse, è di sicuru, i prudutti. Vulemu, à tempu, fà cunnosce u mistieru... »
Presidente di l’AOP Mele di Corsica
Solu dui mele, à u nivellu naziunale, anu ottenutu l’appellazione AOP, u mele di Corsica ne face parte cù u mele di Pinu di u rughjone di e Vosges. « L’AOP mele di Corsica hè un arnese chì permette ghjust’à puntu à tutti i prufessiunali d’arrimbà si nantu à una struttura maiò... ». Anzianu vice presidente è dinò ammistratore di l’Appellazione, Denis Casalta hè statu elettu dapoi dui anni à u capu di l’AOP di Corsica. « Mi vogliu scrive nantu à a cuntinuità di Pierre Torre, chì fù presidente durante 12 anni. U scopu hè dinò d’andà aldilà è d’avè d’altri scopi per sviluppà l’azzione di a nostra struttura. Ci tocca, per indettu, à adattà ci per avè, à più o menu longu andà, un sguardu novu nantu à l’attività è accumpagnà i ghjovani chì principianu. À issu nivellu quì, l’AOP hè una bona chì assicureghja à tempu l’origine è a qualità di i prudutti. Ci vole à travaglià nanzu per risponde à l’esisgenze ambientale è climatiche di dumane. Hè un’imbusca maiò... »
Per prumove a so attività, Denis è Nancy Casalta anu creatu un situ induve pudemu ritruvà tutti i prudutti : meli ma dinò savò, cunfitture (aranciu, mela, alimea, limò... « Per avà, ùn ci lagnemu tantu malgratu a perioda di u Covid chì difficiule da campà. »
Stallatu dapoi vinti anni, Denis ùn pensa micca à piantà ma cumencia à tramandà passione è sapè fà à i so figlioli...Per appruntà dumane.
Ph.P.
Cuntattu
Le Jardin des abeilles
20117, Ocana
Tel : 04-95-23-83-88
www.lejardindesabeilles.com
