Furmanima : U culettivu "parlemu corsu" si mette à a furmazione
U cullettivu dedicatu à a lingua corsa hà messu in piazza, un novu cuncettu :....
Furmanima : U culettivu « parlemu corsu » si mette à a furmazione
U cullettivu dedicatu à a lingua corsa hà messu in piazza, pochi tempi fà, un novu cuncettu : furmanima induve si tratta di furmà l’animatori « micrò » di e fiere o altri evenimenti. A cuntinuità d’un prughjettu sviluppatu qualchì annu fà…
Sviluppà azzione cuncrete à prò di a lingua corsa, travagliendu, à tempu, à a cuuffficialità, eccu u scopu di u Cullettivu « Parlemu Corsu ». In issu sensu quì, ùn mancanu micca i prughjetti. Frà elli, una demarchja messa in piazza in u 2017 in Aregnu. « U scopu era di travaddà à a cursisazioni in tutti i duminii, spiega Micheli Leccia, capimachja di a struttura, tandu aviamu circatu à metta pannelli signaletichi, attelli, animazioni diversi ma sempri cù u scopu di sensibilisà l’aghjenti. Ci vulia à creà situazioni da pudè fà parlà u publicu in corsu. »
Una prima demarchja micca male ind’u so inseme è una seguita, qualchì annu dopu in Filitosa sta volta ma appena prununciata di più. « Aviamu fattu l’apartura di a fiera cù una parsona cù un micrò chì parlava sempri, aghjusta u respunsevule, tandu si sintia parlà corsu duranti tutta a manifestazioni cù un traduttori accantu. U f attu de senta issa voci à u microfonu tuttu u tempu faccia ribumbà a noscia lingua in tuttu u campu di fiera. »
À iss’epica quì, ci eranu ritratti davanti à i banchi cù un’imagine in leia cù u mistieri (bancalaru, pastore, cultellaghju, spurtellaghju…) è dinò, sottu a cumunu d’induve ghjunghjia l’artisgianu o pruduttore.
Un primu ciculu di furmazione
U cullettivu riesce à fà ziffrà un cartulare trà a CdC è i cumitati di fiere per scrive issa demarchja à longu andà, sopra tuttu per ciò chì tuccava à a furmazione di u persunale incaricatu di parlà à u microfonu. « A Cullettività mettia i mezi è e fiere avianu par scopu d’aduprà a lingua corsa... »
Ma fatta fine, u resultattu ùn fù tantu pusitivu per raghjone diverse. Qualchì tempi fà, u Cullettivu dedide di piglià l’affare in manu è d’urganizà, da per ellu, e furmazione. « Si tratta di ripiddà ciò ch’aviamu fattu, vali à dì furmà l’animatori micrò di i fieri è altri ivinimenta (è al di là parechji altri attori in leia cù un campu di fiera) à sprimà si in corsu in publicu. »
Cusì, è da nuvembre à ghjennaghju scorsu, un primu ciculu di furmazione hè statu prupostu (trè sabbati durante sette ore in tuttu per ottu stazianti ), una furmazione assicurata da Ghjuvan Petru Rocca Serra. U resultatu serà messu in pratica issi 30 d’aprile è primu di maghju à l’occasione di a fiera di Venacu cù Eric Albertini à u microfonu…
« A furmazioni si cuntinuarà sottu à un antra forma cù Ghjuvan Marcu Leca à parta da a siconda sittimana di maghju (un ora settimanali in visiò). Sò cuncirnati par avà ottu parsoni. Issa furmazioni si faci in cullaburazioni cù a FFRAAC chì furnisci l’imparanti è chì a presu in contu tutti i ripasti... »
U Cullettivu piglia in carica l’aspettu finanzariu di isse furmazione cù, d’una parte, i soldi di l’aderenti è da l’altra quelli raccolti cù l’operazione « Currilingua » di l’annu scorsu. Una manera d’esse cuerente…
F.P.
U cullettivu dedicatu à a lingua corsa hà messu in piazza, pochi tempi fà, un novu cuncettu : furmanima induve si tratta di furmà l’animatori « micrò » di e fiere o altri evenimenti. A cuntinuità d’un prughjettu sviluppatu qualchì annu fà…
Sviluppà azzione cuncrete à prò di a lingua corsa, travagliendu, à tempu, à a cuuffficialità, eccu u scopu di u Cullettivu « Parlemu Corsu ». In issu sensu quì, ùn mancanu micca i prughjetti. Frà elli, una demarchja messa in piazza in u 2017 in Aregnu. « U scopu era di travaddà à a cursisazioni in tutti i duminii, spiega Micheli Leccia, capimachja di a struttura, tandu aviamu circatu à metta pannelli signaletichi, attelli, animazioni diversi ma sempri cù u scopu di sensibilisà l’aghjenti. Ci vulia à creà situazioni da pudè fà parlà u publicu in corsu. »
Una prima demarchja micca male ind’u so inseme è una seguita, qualchì annu dopu in Filitosa sta volta ma appena prununciata di più. « Aviamu fattu l’apartura di a fiera cù una parsona cù un micrò chì parlava sempri, aghjusta u respunsevule, tandu si sintia parlà corsu duranti tutta a manifestazioni cù un traduttori accantu. U f attu de senta issa voci à u microfonu tuttu u tempu faccia ribumbà a noscia lingua in tuttu u campu di fiera. »
À iss’epica quì, ci eranu ritratti davanti à i banchi cù un’imagine in leia cù u mistieri (bancalaru, pastore, cultellaghju, spurtellaghju…) è dinò, sottu a cumunu d’induve ghjunghjia l’artisgianu o pruduttore.
Un primu ciculu di furmazione
U cullettivu riesce à fà ziffrà un cartulare trà a CdC è i cumitati di fiere per scrive issa demarchja à longu andà, sopra tuttu per ciò chì tuccava à a furmazione di u persunale incaricatu di parlà à u microfonu. « A Cullettività mettia i mezi è e fiere avianu par scopu d’aduprà a lingua corsa... »
Ma fatta fine, u resultattu ùn fù tantu pusitivu per raghjone diverse. Qualchì tempi fà, u Cullettivu dedide di piglià l’affare in manu è d’urganizà, da per ellu, e furmazione. « Si tratta di ripiddà ciò ch’aviamu fattu, vali à dì furmà l’animatori micrò di i fieri è altri ivinimenta (è al di là parechji altri attori in leia cù un campu di fiera) à sprimà si in corsu in publicu. »
Cusì, è da nuvembre à ghjennaghju scorsu, un primu ciculu di furmazione hè statu prupostu (trè sabbati durante sette ore in tuttu per ottu stazianti ), una furmazione assicurata da Ghjuvan Petru Rocca Serra. U resultatu serà messu in pratica issi 30 d’aprile è primu di maghju à l’occasione di a fiera di Venacu cù Eric Albertini à u microfonu…
« A furmazioni si cuntinuarà sottu à un antra forma cù Ghjuvan Marcu Leca à parta da a siconda sittimana di maghju (un ora settimanali in visiò). Sò cuncirnati par avà ottu parsoni. Issa furmazioni si faci in cullaburazioni cù a FFRAAC chì furnisci l’imparanti è chì a presu in contu tutti i ripasti... »
U Cullettivu piglia in carica l’aspettu finanzariu di isse furmazione cù, d’una parte, i soldi di l’aderenti è da l’altra quelli raccolti cù l’operazione « Currilingua » di l’annu scorsu. Una manera d’esse cuerente…
F.P.
