Un manifestu per esse forza di prupuzione
A l'iniziativa di persone primurose di a situazione pulitica di l'isula .........
Un manifestu per esse forza di prupuzione
À l’iniziativa d’unepoche di persone primurose di a situazione pultica di l’isula, un manifestu s’hè creatu subbitu dopu à e situazione di viulenza. Adunisce guasgi trè centu omi è donne di a sucetà civile è vole esse forza di prupusizione cù idee chì anu da vene da terrenu…
Travagliadori, insegnanti, culturali, artisti, universitarii, tutti primurosi di l’avvene di a sucetà corsa, sò à pocu pressu trè centu, oghje, à esse stati aduniti intornu à un manifestu senza alcunu caratteru pulicu per scrivesi in tantu chè forza di prupusizione dopu à un u drama di u dui di marzu è tutti l’evenimenti chì sò accaduti dapoi. « U scopu d’issu manifestu, spiega Petru Canon, unu di i respunsevuli à l’origine di a demarchja, era nanzu à tuttu di porghje un sustegnu à issa ghjuventù, a so collara chì hè dinò a nostra è chì piglia e so radiche ind’una situazione induve u Statu Francese hà una respunsabilità maiò. À tempu, vulemu privene di i periculu di a collara di u carrughju chì puderia sbuccà nantu à d’altri drami. È quessa, ùn la vulemu micca. Vulemu fà sente a nostra voce da ch’elli pussini tutti piglià cuscenza chè a via di u carrughju hè periculosa per a nostra ghjuventù. »
Una cullara più « pulitica »
In tantu, u manifestu vole sorte d’issa perioda ma ùn s’agisce micca d’abandunà l’impegnu è l’andatura. Prupone una « cullara » nova, sempre da u terrenu, « appena abandunatu, ci vole à dilla da i fundamentali pulitichi di l’anni passati, aghjusta u respunsevule, hè tempu, aldilà di tutte isse viulenze di passà à altra affare è di prupone qualcosa di novu. Per sorte d’issa perioda, ci tocca à parlà, adunisceci, prupone, accoglie issa ghjuventù. Tuttu u mondu a sà chè u statu à iniziatu issa viulenza. Hè, oghje, una collara più « pulitica » induve invitemu tutte e forze di l’isula ma dinò l’altre, tutti quelli chì a volenu, ghjovani, anziani, a populazione in u so inseme, à parlà, fà pruposte da u terrenu, per custruisce tutti, l’autonumia di dumane. »
S’è u manifestu adunisce ghjente aldilà di e so viste pulitiche, si scrive quantunque ind’una demarchja cumunu, « primurosa di l’avvene di u populu corsu nantu à a so tarra, tutti attenti à l’evuluzione stituziunale di a Corsica. »
Ver di azzione à cortu andà
Si trattaria dunque, di chjamà à un’adunita generale, nantu à u terrenu per esse, à più o menu cortu andà, forza di prupusizione in tutti i duminii per fà avanzà a nuzione d’autunumia. Per avà, un manifestu adunisce trè centu persone, più o menu cunnisciute per u so impegnu à prò di l’isula (lingua, cultura, à spessu…), ghjente di terrenu primurosi nanzu à tuttu d’ùn lascià a ghjuventù sola in carrughju. « U numari di persone cresce guasgi ogni minutu, pocu impreme quant’è noi semu, l’impurtanza hè u sensu ch’è noi vulemu dà a issa demarchja. »
Parechje azzione sò priviste à cortu andà per u manifestu. Un’adunita si ferà in Corti da quì à pocu per definisce u sensu datu à a demarchja. Si trattaria di fà participà tuttu u mondu à prò d’issa demarchja per sbuccà nantu à pruposte cuncrete... »U scopu, ùn hè di fà una struttura pulitica, hè una chjama populare ma ùn deve durà à longu andà. Una volta a via pulitica iniziata, vulterà ciò ch’ellu hè, un inseme di persone di a populazione corsa, vole à dì, vulterà à u populu corsu... »
À l’iniziativa d’unepoche di persone primurose di a situazione pultica di l’isula, un manifestu s’hè creatu subbitu dopu à e situazione di viulenza. Adunisce guasgi trè centu omi è donne di a sucetà civile è vole esse forza di prupusizione cù idee chì anu da vene da terrenu…
Travagliadori, insegnanti, culturali, artisti, universitarii, tutti primurosi di l’avvene di a sucetà corsa, sò à pocu pressu trè centu, oghje, à esse stati aduniti intornu à un manifestu senza alcunu caratteru pulicu per scrivesi in tantu chè forza di prupusizione dopu à un u drama di u dui di marzu è tutti l’evenimenti chì sò accaduti dapoi. « U scopu d’issu manifestu, spiega Petru Canon, unu di i respunsevuli à l’origine di a demarchja, era nanzu à tuttu di porghje un sustegnu à issa ghjuventù, a so collara chì hè dinò a nostra è chì piglia e so radiche ind’una situazione induve u Statu Francese hà una respunsabilità maiò. À tempu, vulemu privene di i periculu di a collara di u carrughju chì puderia sbuccà nantu à d’altri drami. È quessa, ùn la vulemu micca. Vulemu fà sente a nostra voce da ch’elli pussini tutti piglià cuscenza chè a via di u carrughju hè periculosa per a nostra ghjuventù. »
Una cullara più « pulitica »
In tantu, u manifestu vole sorte d’issa perioda ma ùn s’agisce micca d’abandunà l’impegnu è l’andatura. Prupone una « cullara » nova, sempre da u terrenu, « appena abandunatu, ci vole à dilla da i fundamentali pulitichi di l’anni passati, aghjusta u respunsevule, hè tempu, aldilà di tutte isse viulenze di passà à altra affare è di prupone qualcosa di novu. Per sorte d’issa perioda, ci tocca à parlà, adunisceci, prupone, accoglie issa ghjuventù. Tuttu u mondu a sà chè u statu à iniziatu issa viulenza. Hè, oghje, una collara più « pulitica » induve invitemu tutte e forze di l’isula ma dinò l’altre, tutti quelli chì a volenu, ghjovani, anziani, a populazione in u so inseme, à parlà, fà pruposte da u terrenu, per custruisce tutti, l’autonumia di dumane. »
S’è u manifestu adunisce ghjente aldilà di e so viste pulitiche, si scrive quantunque ind’una demarchja cumunu, « primurosa di l’avvene di u populu corsu nantu à a so tarra, tutti attenti à l’evuluzione stituziunale di a Corsica. »
Ver di azzione à cortu andà
Si trattaria dunque, di chjamà à un’adunita generale, nantu à u terrenu per esse, à più o menu cortu andà, forza di prupusizione in tutti i duminii per fà avanzà a nuzione d’autunumia. Per avà, un manifestu adunisce trè centu persone, più o menu cunnisciute per u so impegnu à prò di l’isula (lingua, cultura, à spessu…), ghjente di terrenu primurosi nanzu à tuttu d’ùn lascià a ghjuventù sola in carrughju. « U numari di persone cresce guasgi ogni minutu, pocu impreme quant’è noi semu, l’impurtanza hè u sensu ch’è noi vulemu dà a issa demarchja. »
Parechje azzione sò priviste à cortu andà per u manifestu. Un’adunita si ferà in Corti da quì à pocu per definisce u sensu datu à a demarchja. Si trattaria di fà participà tuttu u mondu à prò d’issa demarchja per sbuccà nantu à pruposte cuncrete... »U scopu, ùn hè di fà una struttura pulitica, hè una chjama populare ma ùn deve durà à longu andà. Una volta a via pulitica iniziata, vulterà ciò ch’ellu hè, un inseme di persone di a populazione corsa, vole à dì, vulterà à u populu corsu... »
