Currilingua attu dui !
U 26 di ghjugnu a seconda edizione di a corsa << Currilingua >>
Currilingua attu dui !
U cullettivu « Parlemu Corsu » prupone u 26 di ghjugnu, a seconda edizione di a corsa « Currilingua » ch’avia cunnisciutu un successu maiò l’annu scorsu. Guasgi 140 participanti sò aspettati per un percorsu chì anderà da Aleria sin’à Bunifaziu…
Un annu, à, pocu pressu, hè passatu dapoi a prima edizione di « Currinlingua » un cuncettu chì esiste altrò è ripigliatu, à modu soiu da a squadra di u cullettivu « Parlemu Corsu ». L’occasione, per Micheli Leccia, capimachja di a struttura, di travaglià cù d’altri, à a seguita. « A prima edizioni fù un successu maiò, spiega l’insegnante, avemu racoltu 14000 e. 4000 funu dati à a squatra di fiuramossa pè à furmazioni nantu à a un lugiziali di traduzzioni di filmi, 1100 pè u funziunamenti di Scola Corsa, 1000 à l’associu « Basta à parlà » (materiali pè una web radiò), 3000 pè un funzuinamentu di a corsa di u 2021 è 800pè a furmazioni di l’animatori di fieri. Semu cuntenti di l’impegnu di tutti è di u resultatu. »
100 chilometri, più di centu participanti aspettati
Tandu è dopu à issa riesciuta, s’aspetta forse di più. « Sforza più maiò, aghjusta Micheli Leccia, sempri centu chilometri ma una distanza scambiata è speremu di più participanti. Ci n’hè, par avali, à pocu pressu centu è semu à un mesi di a corsa. Forsa, saranu più numarosi chì annu. »
Per issa seconda edizione, a squadra di « Parlemu corsu » prupone una seguita di l’annu scorsu (u Borgu-A Sulinzara). Sta volta, i participanti anu da parte da Aleria per finisce in Bunifaziu. Si passa, tandu, da 90 chilometri in u 2021 à 100. « Avemu vulsutu fà crescia a manifestazioni è l’avemu appruntata à a fini di ghjugnu mentri chè l’annu scorsu era à principiu di luddu. »
L’idea ùn scambià. Tocca à ogni participante, associu pè a maiò parte ma dinò particulari, medià merrie o eletti (seremu una settimana dopu à e legislative…) à scrivesi nantu à u situ di u Cullettivu « Parlemu Corsu » è aspettà u ghjornu di a corsa. I soldi racolti (100 e per ogni participante è ogni chilometru), anu da serve, cum’è questu annu, à strutture impegnate è sopratuttu prugetti precisi, sempre à prò di a lingua corsa chì stà, cù tamanta publicità (magliette, vitture, affissi, participanti…), in core di issa manifestazione. Si puderà corre o per quelli chì sò in difficultà ma chì volenu u cuncettu è participà à u so picculu nivellu, solu marchjà. Ci serà, per via di u caldu, una prima pausa in faccia à a basa di a Sulinzara è un secondu arrestu davanti à a mediattecca di Purti Vechju. Per compie in Bunifaziu in principiu di seratina (versu nove ore). « I merrii s’impegnani, hè bon segnu è aspittemu torna participanti. Ùn hè una corsa par vincia. U testimoniu parterà cù u prima participanti à 7 è mezu da a piazza maiori d’Aleria è ci voli ch’ellu ghjunghjessi in Bunifaziu purtatu da l’ultimu chì hà da corri.»
À menu d’un mese di a corsa, u percorsu hè guasgiu fattu cù ogni participante à a so piazza. Ne mancaria à pocu pressu una vintena ma forse chè da quì à u 26 di ghjugnu, l’affare serà compia. Una scumessa nova per Micheli Leccia, quella di scrive issa manifestazione à longu andà.
Ph.P.
U cullettivu « Parlemu Corsu » prupone u 26 di ghjugnu, a seconda edizione di a corsa « Currilingua » ch’avia cunnisciutu un successu maiò l’annu scorsu. Guasgi 140 participanti sò aspettati per un percorsu chì anderà da Aleria sin’à Bunifaziu…
Un annu, à, pocu pressu, hè passatu dapoi a prima edizione di « Currinlingua » un cuncettu chì esiste altrò è ripigliatu, à modu soiu da a squadra di u cullettivu « Parlemu Corsu ». L’occasione, per Micheli Leccia, capimachja di a struttura, di travaglià cù d’altri, à a seguita. « A prima edizioni fù un successu maiò, spiega l’insegnante, avemu racoltu 14000 e. 4000 funu dati à a squatra di fiuramossa pè à furmazioni nantu à a un lugiziali di traduzzioni di filmi, 1100 pè u funziunamenti di Scola Corsa, 1000 à l’associu « Basta à parlà » (materiali pè una web radiò), 3000 pè un funzuinamentu di a corsa di u 2021 è 800pè a furmazioni di l’animatori di fieri. Semu cuntenti di l’impegnu di tutti è di u resultatu. »
100 chilometri, più di centu participanti aspettati
Tandu è dopu à issa riesciuta, s’aspetta forse di più. « Sforza più maiò, aghjusta Micheli Leccia, sempri centu chilometri ma una distanza scambiata è speremu di più participanti. Ci n’hè, par avali, à pocu pressu centu è semu à un mesi di a corsa. Forsa, saranu più numarosi chì annu. »
Per issa seconda edizione, a squadra di « Parlemu corsu » prupone una seguita di l’annu scorsu (u Borgu-A Sulinzara). Sta volta, i participanti anu da parte da Aleria per finisce in Bunifaziu. Si passa, tandu, da 90 chilometri in u 2021 à 100. « Avemu vulsutu fà crescia a manifestazioni è l’avemu appruntata à a fini di ghjugnu mentri chè l’annu scorsu era à principiu di luddu. »
L’idea ùn scambià. Tocca à ogni participante, associu pè a maiò parte ma dinò particulari, medià merrie o eletti (seremu una settimana dopu à e legislative…) à scrivesi nantu à u situ di u Cullettivu « Parlemu Corsu » è aspettà u ghjornu di a corsa. I soldi racolti (100 e per ogni participante è ogni chilometru), anu da serve, cum’è questu annu, à strutture impegnate è sopratuttu prugetti precisi, sempre à prò di a lingua corsa chì stà, cù tamanta publicità (magliette, vitture, affissi, participanti…), in core di issa manifestazione. Si puderà corre o per quelli chì sò in difficultà ma chì volenu u cuncettu è participà à u so picculu nivellu, solu marchjà. Ci serà, per via di u caldu, una prima pausa in faccia à a basa di a Sulinzara è un secondu arrestu davanti à a mediattecca di Purti Vechju. Per compie in Bunifaziu in principiu di seratina (versu nove ore). « I merrii s’impegnani, hè bon segnu è aspittemu torna participanti. Ùn hè una corsa par vincia. U testimoniu parterà cù u prima participanti à 7 è mezu da a piazza maiori d’Aleria è ci voli ch’ellu ghjunghjessi in Bunifaziu purtatu da l’ultimu chì hà da corri.»
À menu d’un mese di a corsa, u percorsu hè guasgiu fattu cù ogni participante à a so piazza. Ne mancaria à pocu pressu una vintena ma forse chè da quì à u 26 di ghjugnu, l’affare serà compia. Una scumessa nova per Micheli Leccia, quella di scrive issa manifestazione à longu andà.
Ph.P.
