L'Associu << Mimoria Viva >> è u CAUE prumovenu l'architettura per i ghjovani di i Peri
L'Associu << Mimoria Viva >>nantu à a comuna di I Peri
Lingua corsa : L’Associu « Mimoria Viva » è u CAUE prumovenu l’architettura per i ghjovani di i Peri
Guasgi centu ghjovani, zitelli è persone maiò anu participatu, u 26 di ghjugnu scorsu, nantu à a cumuna di I Peri, à ghjochi diversi messi in piazza da l’associu « Mimoria Viva » in partenariatu cù u CAUE. Cù u scopu di sensibilizà li à tuttu ciò chì tocca à u patrimoniu…
Sensibilizà a ghjente, ghjovani è maiò, à l’architettura, masimu ind’u nostru mondu d’oghje, eccu unu di i scopi di u Cunsigliu d’Architettura d’Urbanisimu è di l’Ambiente chì cerca sempre, ghjust’à puntu, à prumove e so attività. È cum’è, da un altru cantu, l’associu « Memoria Viva », stallatu nantu à a cumuna di I Peri, cerca, per contu soiu, à sviluppà tuttu ciò chì tocca à a cultura è u patrimoniu, a leia era dighjà fatta perchè e duie strutture travagliessenu manu in manu. « Aghju chajmatu à i respunsevuli di u CAUE, spiega Jules Celli, presidente di l’associu « Mimoria Viva », avemu dumandatu di metta in piazza un percorsu cù ghjochi per prumova u nosciu patrimoniu immateriali. Anu datu u so accordu ed avemu pussutu travaddà insemi. »
L’associu « Mimoria viva » cerca dapoi tanti anni, à mantene un filu culturale à traversu attività diversi d’inguernu cum’è d’estate in u rughjone di a Gravona cù manifestazione di qualità. A leia cù u CAUE hà permessu di scrive l’inseme nantu iss’estru quì.
Cusì, a squadra di u CAUE s’hè impegnata à prò di l’abitanti di u paese durante qualchì mese per mette in piazza un percorsu culturale, storicu è patrimuniale pedagogicu. « Avemu rispostu à issa chjama, spiega Ghjuvan Francescu Mata, ingeniore in ambiante à u CAUE, avemu circatu à mette in piazza un’animazione dedicata à e famiglie di u paese è di a piaghja per fà valè u so patrimoniu materiale è immateriale. »
Un ghjocu di pista per chjuchi è maiò
U cuncettu hà fattu a so strada, sbucchendu, u 26 di ghjugnu scorsu nantu à una spezia di « ghjocu di pista » per chjuchi è maiò. « Un percorsu à mezu à u paese è u so circondu induve ci vulia, à traversu enigme diversi, a ghjente era in capacità cù risposte ghjuste di custituisce a storia di u paese è di a so cumunità. »
Ind’un’ambianza di gioia è di spartera, eranu guasgi centu à participà à iss’attività quì cù u scopu di sapè ne di più nantu à a so cumuna. « Un travagliu monda interessante, aghjusta l’ingeniore, l’avemu arrimbatu nantu à ricerche precise in architettura ma dinò tematiche cum’è a tupunimia o e racolte di testimogni di l’anziani. Issu travagliu hà da permette di mette in vale e ricchezze storiche è patrimuniale di a cumuna. »
À a fine di u percorsu, tutti si sò ritruvati nantu à u vechju ponte genovese, vicinu à i chjassi di u patrimoniu, per un mumentu di spartera incù i membri di l’associu « Mimoria viva ». U successu d’issa manifestazione testimuneghje di a vulintà di u novu CAUE, d’impegnà si à prò di u patrimoniu isulanu. D’altre azzione sarianu priviste à più o menu longu andà…
Ph.
Guasgi centu ghjovani, zitelli è persone maiò anu participatu, u 26 di ghjugnu scorsu, nantu à a cumuna di I Peri, à ghjochi diversi messi in piazza da l’associu « Mimoria Viva » in partenariatu cù u CAUE. Cù u scopu di sensibilizà li à tuttu ciò chì tocca à u patrimoniu…
Sensibilizà a ghjente, ghjovani è maiò, à l’architettura, masimu ind’u nostru mondu d’oghje, eccu unu di i scopi di u Cunsigliu d’Architettura d’Urbanisimu è di l’Ambiente chì cerca sempre, ghjust’à puntu, à prumove e so attività. È cum’è, da un altru cantu, l’associu « Memoria Viva », stallatu nantu à a cumuna di I Peri, cerca, per contu soiu, à sviluppà tuttu ciò chì tocca à a cultura è u patrimoniu, a leia era dighjà fatta perchè e duie strutture travagliessenu manu in manu. « Aghju chajmatu à i respunsevuli di u CAUE, spiega Jules Celli, presidente di l’associu « Mimoria Viva », avemu dumandatu di metta in piazza un percorsu cù ghjochi per prumova u nosciu patrimoniu immateriali. Anu datu u so accordu ed avemu pussutu travaddà insemi. »
L’associu « Mimoria viva » cerca dapoi tanti anni, à mantene un filu culturale à traversu attività diversi d’inguernu cum’è d’estate in u rughjone di a Gravona cù manifestazione di qualità. A leia cù u CAUE hà permessu di scrive l’inseme nantu iss’estru quì.
Cusì, a squadra di u CAUE s’hè impegnata à prò di l’abitanti di u paese durante qualchì mese per mette in piazza un percorsu culturale, storicu è patrimuniale pedagogicu. « Avemu rispostu à issa chjama, spiega Ghjuvan Francescu Mata, ingeniore in ambiante à u CAUE, avemu circatu à mette in piazza un’animazione dedicata à e famiglie di u paese è di a piaghja per fà valè u so patrimoniu materiale è immateriale. »
Un ghjocu di pista per chjuchi è maiò
U cuncettu hà fattu a so strada, sbucchendu, u 26 di ghjugnu scorsu nantu à una spezia di « ghjocu di pista » per chjuchi è maiò. « Un percorsu à mezu à u paese è u so circondu induve ci vulia, à traversu enigme diversi, a ghjente era in capacità cù risposte ghjuste di custituisce a storia di u paese è di a so cumunità. »
Ind’un’ambianza di gioia è di spartera, eranu guasgi centu à participà à iss’attività quì cù u scopu di sapè ne di più nantu à a so cumuna. « Un travagliu monda interessante, aghjusta l’ingeniore, l’avemu arrimbatu nantu à ricerche precise in architettura ma dinò tematiche cum’è a tupunimia o e racolte di testimogni di l’anziani. Issu travagliu hà da permette di mette in vale e ricchezze storiche è patrimuniale di a cumuna. »
À a fine di u percorsu, tutti si sò ritruvati nantu à u vechju ponte genovese, vicinu à i chjassi di u patrimoniu, per un mumentu di spartera incù i membri di l’associu « Mimoria viva ». U successu d’issa manifestazione testimuneghje di a vulintà di u novu CAUE, d’impegnà si à prò di u patrimoniu isulanu. D’altre azzione sarianu priviste à più o menu longu andà…
Ph.
