E frisgie artisgianale di Paule Fattaccioli
Paule Fattaccioli mette tutta a so sperienza in u duminiu di a frisgia,
Sapè fà : E frisgie artisgianale di Paule Fattaccioli
In Bastelica, induve elle hè vultata dui anni fà cù u so maritu dopu à un percorsu in Parrighji è New-York, Paule Fattaccioli mette tutta a so sperienza in u duminiu di a frisgia, à u serviziu di i Corsi…
Passà di l’universu di a stampa à quellu di l’artisgiani, eccu u percorsu particulare di Paule Fattaccioli. Nata in Bastelica, parte in Parrighji cù a so famiglia per più di vinti anni. Hè quallà ch’ella principia un percorsu prufessiunale in un mezu di a stampa naziunale è internaziunale, torna per vinti anni.
« Eru respunsevule di a futugrafia in parechje riviste rinumate cum’è « Psychologie magazine », spiega l’artisgiana, ma facciu dinù redazzione è a realisazione di a rivista. » Eppo, strada facenda, hè custretta, qualchì tempu dopu di seguità u so maritu Thibault, ritrattadore prufessiunale in...New-York. Hè quì, ch’ella scopre, in corsi in a seratina, u mondu di a frisgia è l’universu di l’artisgiani. « Zitella, aghjusta l’artista, aviu vistu travaglià l’anziani in paese. Di fattu, ci hè statu, cusì luntana da i me radiche, una leia stretta cù a me terra. »
U ritornu à e radiche
Paule principia dunque un percorsu novu à a famosa Parson’s School di New York è ampara, durante quattru anni, a technica di a frisgia, a manera di travaglià l’arnesi è a terra. Eppo, u coppiu volta in Francia. « Eramu in u 2014. In Parrighji, aghju fattu un’altra furmazione di dece mesi ind’una scola rinumata. Dopu, aghju datu eu dinù corsi durante qualchì annu. »
Dui anni fà, Paule è Thibault facenu a scelta di vultà in Corsica. « Una voglia di rivene à l’essenziale, à e radiche. Avemu circatu una casa eppo ci semu stallati quassù in paese. »
Tandu, à mezu à e muntagne, l’elementi è a natura corsa, u travagliu piglia un altru versu. Paule hà fattu a scelta di creà ugettu chì ponu esse aduprati tutti i ghjorni è micca ugetti d’adurnamenti. Cusì, cuncepisce cuppette, piatti di parechje taglie (chjuche o maiò), tazze, caraffe…L’inseme cù trè metode diferente : a manera di travaglià di i vasaii, forme in ghjessu o forme pigliate ind’a natura. I culori, elli, sò piuttostu scuri…
Pezze uniche
« Cercu sempre à travaglià intornu à una spezia di « ligna di tensione » chì passa in tutte e pezze e più fine...Hè, d’una certa manera, a ricerca d’un inseme chì hè à tempu equilibratu è ch’ùn pò esse perfettu. Ogni pezza hè unica. Eppo dumanda una tecnica specifica. »
Sulcati da u tempu, u ventu è l’acqua, l’ugetti di Paule Fattaccioli mischianu a roza di a terra, a trasparenza di l’acqua è u lume per dà un inseme di qualità. Tuttu, da a minatura à a cucera (1280 gradii) è à smaltera hè arte. Ogni ugettu conta una storia...
L’artisgiana fabrica, à pocu pressu, 400 piatti à l’annu vinduti in usterie di u circondu è d’altrò, dinù à i particulari è face, à tempu, qualchì fiera cum’è a famose Saint Sulpice in Parrighji, dedicata à a frisgia. Di maghju scorsu, Paule era dinù in Bunifaziu, à participà à Arte è gustu 2022. Una manera di ricunnosce un travagliu chì s’assumiglia à l’arte…
Ph.P.
Paule Fattaccioli
20119, Bastelica
tel : 06-30-57-90-88
www.paulefattaccioli.com
In Bastelica, induve elle hè vultata dui anni fà cù u so maritu dopu à un percorsu in Parrighji è New-York, Paule Fattaccioli mette tutta a so sperienza in u duminiu di a frisgia, à u serviziu di i Corsi…
Passà di l’universu di a stampa à quellu di l’artisgiani, eccu u percorsu particulare di Paule Fattaccioli. Nata in Bastelica, parte in Parrighji cù a so famiglia per più di vinti anni. Hè quallà ch’ella principia un percorsu prufessiunale in un mezu di a stampa naziunale è internaziunale, torna per vinti anni.
« Eru respunsevule di a futugrafia in parechje riviste rinumate cum’è « Psychologie magazine », spiega l’artisgiana, ma facciu dinù redazzione è a realisazione di a rivista. » Eppo, strada facenda, hè custretta, qualchì tempu dopu di seguità u so maritu Thibault, ritrattadore prufessiunale in...New-York. Hè quì, ch’ella scopre, in corsi in a seratina, u mondu di a frisgia è l’universu di l’artisgiani. « Zitella, aghjusta l’artista, aviu vistu travaglià l’anziani in paese. Di fattu, ci hè statu, cusì luntana da i me radiche, una leia stretta cù a me terra. »
U ritornu à e radiche
Paule principia dunque un percorsu novu à a famosa Parson’s School di New York è ampara, durante quattru anni, a technica di a frisgia, a manera di travaglià l’arnesi è a terra. Eppo, u coppiu volta in Francia. « Eramu in u 2014. In Parrighji, aghju fattu un’altra furmazione di dece mesi ind’una scola rinumata. Dopu, aghju datu eu dinù corsi durante qualchì annu. »
Dui anni fà, Paule è Thibault facenu a scelta di vultà in Corsica. « Una voglia di rivene à l’essenziale, à e radiche. Avemu circatu una casa eppo ci semu stallati quassù in paese. »
Tandu, à mezu à e muntagne, l’elementi è a natura corsa, u travagliu piglia un altru versu. Paule hà fattu a scelta di creà ugettu chì ponu esse aduprati tutti i ghjorni è micca ugetti d’adurnamenti. Cusì, cuncepisce cuppette, piatti di parechje taglie (chjuche o maiò), tazze, caraffe…L’inseme cù trè metode diferente : a manera di travaglià di i vasaii, forme in ghjessu o forme pigliate ind’a natura. I culori, elli, sò piuttostu scuri…
Pezze uniche
« Cercu sempre à travaglià intornu à una spezia di « ligna di tensione » chì passa in tutte e pezze e più fine...Hè, d’una certa manera, a ricerca d’un inseme chì hè à tempu equilibratu è ch’ùn pò esse perfettu. Ogni pezza hè unica. Eppo dumanda una tecnica specifica. »
Sulcati da u tempu, u ventu è l’acqua, l’ugetti di Paule Fattaccioli mischianu a roza di a terra, a trasparenza di l’acqua è u lume per dà un inseme di qualità. Tuttu, da a minatura à a cucera (1280 gradii) è à smaltera hè arte. Ogni ugettu conta una storia...
L’artisgiana fabrica, à pocu pressu, 400 piatti à l’annu vinduti in usterie di u circondu è d’altrò, dinù à i particulari è face, à tempu, qualchì fiera cum’è a famose Saint Sulpice in Parrighji, dedicata à a frisgia. Di maghju scorsu, Paule era dinù in Bunifaziu, à participà à Arte è gustu 2022. Una manera di ricunnosce un travagliu chì s’assumiglia à l’arte…
Ph.P.
Paule Fattaccioli
20119, Bastelica
tel : 06-30-57-90-88
www.paulefattaccioli.com
