Museu Pasquale Paoli : sulcà a strada paulina
U museu dedicatu à u << Babbu di a Patria >> in Merusaglia
Museu Pasquale Paoli : sulcà a strada paulina
Creatu in u 1954 in a so casa natale, u museu dedicatu à u « Babbu di a Patria » in Merusaglia hè statu prisentatu a settimana scorsa in un cuncettu novu. S’agisce, di prumove u locu, u rughjone ma dinò di sviluppà, à traversu à strada paulina messa in piazza da a Cullettività di Corsica, u percorsu di Paoli in Corsica…
Tuttu u mondu sà, in Corsica chè Pasquale Paoli hè natu in Merusaglia, in core di a Castagniccia. Ma, à tempu à quella di Napuliò, l’imagine di u Babbu custituisce, oghje, un imbusca maiò per quellli chì sò incaricati di u patrimoniu. Cù u scopu, ghjust’à puntu di mette in vale tuttu ciò chì hà sulcatu a storia di l’isula. Una storia induve U Babbu t’hà u rolu maiò niente chè per avè scrittu a prima custituzione demucratica in Auropa in tempi di a realtà.
Hè cusì chè a casa natale di Paoli hà, di sicuru, è in stu cuncettu quì, un’impurtanza maiò. Creatu in u 1954, u museu face parte di a casa di u Babbu in Merusaglia. Ghjè Ghjuvan Battista Franceschini-Pietri, parente di Clemente Paoli, fratellu di Pasquale, chì dà a casa à u Dipartimentu in u 1889, vinti anni dopu à morte di u Babbu. Ma pone duie cundizione : mette e cenere di Paoli in l’uratoriu è fà un museu à u secondu pianu di casa. L’affare fù fattu. Ma s’è e cullezzione cusì prisentate, trattanu di a vita è di percorsu di Paoli, a voglia di purtà un soffiu novu arrimbatu nantu à u sviluppu di u patrimoniu isulanu s’hè imposta à pocu à pocu. Cusì, i servizii di a Cullettività, incaricati di issa cumpetenza quì, anu travagliatu à a reabilitazione di l’inseme.
Da a storia à a messa in vale di a Castagniccia
« Issu prughjettu novu, spiega Antonia Luciani, cunsigliera esecutiva incaricata di a cultura è di u patrimoniu, và in u sensu di a pulitica di a Cdc, chì vole mudernizà i musei di l’isula per dà li un’altra dinamica. U museu di Merusaglia ùn avia micca andatura precisa è percorsu. Avemu fattu, cù i servizii di u patrimoniu, un travagliu per sbuccà nantu à un’altra visibilità è fà cunnosce di più à u publicu, quale era issu persunaghju maiò di a nostra storia, ciò ch’ellu hà fattu è ciò ch’ellu riprisenta oghje. U esempiu in Auropa sana di l’epica, niente chè per a so custituzione... »
In a so cuncipitura nova, u museu prupone dunque pitture di u Babbu, a sella di u so cavallu, ugetti diversi ma, à tempu, arnesi numerichi necessarii adattati à i tempi d’oghje. Ma i respunsevuli volenu andà ancu più luntanu. È sviluppà a ruralità aduprendu l’arnese patrimuniale. « U fattu d’andà sin’à Merusuglia hè dighjà un principiu di percorsu, aghjusta l’eletta, per ciuttà u publicu in core di a Castagniccia. Ci serà, d’altronde da quì à pocu in u museu, una sala dedicata à filmetti è prisentazione di tuttu ciò chì si face in Castagniccia à un nivellu di l’artisgiani per mette in vale a ricchezza d’issu locu.Hè impurtante, à tempu, chè e pruposte culturale ùn sianu micca solu i e cità maiò di l’isula. Ma i musei devenu muderni quant’è quelli di e cità. »
Mette in vale u rughjone, accoglie i sculari tuttu l’annu è sviluppà un turisimu patrimuniale sò tanti imbusche à più o menu cortu andà. Per mette in vale una strada paulina chì hà da sulcà u percorsu di u Babbu in tutta a Corsica.
Ph.P.
Museu Pasquale Paoli
Paisolu di Stretta
20218, Merusaglia
MorosagliaTel : 04 95 61 04 97
Creatu in u 1954 in a so casa natale, u museu dedicatu à u « Babbu di a Patria » in Merusaglia hè statu prisentatu a settimana scorsa in un cuncettu novu. S’agisce, di prumove u locu, u rughjone ma dinò di sviluppà, à traversu à strada paulina messa in piazza da a Cullettività di Corsica, u percorsu di Paoli in Corsica…
Tuttu u mondu sà, in Corsica chè Pasquale Paoli hè natu in Merusaglia, in core di a Castagniccia. Ma, à tempu à quella di Napuliò, l’imagine di u Babbu custituisce, oghje, un imbusca maiò per quellli chì sò incaricati di u patrimoniu. Cù u scopu, ghjust’à puntu di mette in vale tuttu ciò chì hà sulcatu a storia di l’isula. Una storia induve U Babbu t’hà u rolu maiò niente chè per avè scrittu a prima custituzione demucratica in Auropa in tempi di a realtà.
Hè cusì chè a casa natale di Paoli hà, di sicuru, è in stu cuncettu quì, un’impurtanza maiò. Creatu in u 1954, u museu face parte di a casa di u Babbu in Merusaglia. Ghjè Ghjuvan Battista Franceschini-Pietri, parente di Clemente Paoli, fratellu di Pasquale, chì dà a casa à u Dipartimentu in u 1889, vinti anni dopu à morte di u Babbu. Ma pone duie cundizione : mette e cenere di Paoli in l’uratoriu è fà un museu à u secondu pianu di casa. L’affare fù fattu. Ma s’è e cullezzione cusì prisentate, trattanu di a vita è di percorsu di Paoli, a voglia di purtà un soffiu novu arrimbatu nantu à u sviluppu di u patrimoniu isulanu s’hè imposta à pocu à pocu. Cusì, i servizii di a Cullettività, incaricati di issa cumpetenza quì, anu travagliatu à a reabilitazione di l’inseme.
Da a storia à a messa in vale di a Castagniccia
« Issu prughjettu novu, spiega Antonia Luciani, cunsigliera esecutiva incaricata di a cultura è di u patrimoniu, và in u sensu di a pulitica di a Cdc, chì vole mudernizà i musei di l’isula per dà li un’altra dinamica. U museu di Merusaglia ùn avia micca andatura precisa è percorsu. Avemu fattu, cù i servizii di u patrimoniu, un travagliu per sbuccà nantu à un’altra visibilità è fà cunnosce di più à u publicu, quale era issu persunaghju maiò di a nostra storia, ciò ch’ellu hà fattu è ciò ch’ellu riprisenta oghje. U esempiu in Auropa sana di l’epica, niente chè per a so custituzione... »
In a so cuncipitura nova, u museu prupone dunque pitture di u Babbu, a sella di u so cavallu, ugetti diversi ma, à tempu, arnesi numerichi necessarii adattati à i tempi d’oghje. Ma i respunsevuli volenu andà ancu più luntanu. È sviluppà a ruralità aduprendu l’arnese patrimuniale. « U fattu d’andà sin’à Merusuglia hè dighjà un principiu di percorsu, aghjusta l’eletta, per ciuttà u publicu in core di a Castagniccia. Ci serà, d’altronde da quì à pocu in u museu, una sala dedicata à filmetti è prisentazione di tuttu ciò chì si face in Castagniccia à un nivellu di l’artisgiani per mette in vale a ricchezza d’issu locu.Hè impurtante, à tempu, chè e pruposte culturale ùn sianu micca solu i e cità maiò di l’isula. Ma i musei devenu muderni quant’è quelli di e cità. »
Mette in vale u rughjone, accoglie i sculari tuttu l’annu è sviluppà un turisimu patrimuniale sò tanti imbusche à più o menu cortu andà. Per mette in vale una strada paulina chì hà da sulcà u percorsu di u Babbu in tutta a Corsica.
Ph.P.
Museu Pasquale Paoli
Paisolu di Stretta
20218, Merusaglia
MorosagliaTel : 04 95 61 04 97
