I Tisori di Mimì : ritruvà i gusti antichi
Stallati in Calcatoghju, Fracè è Mireille Ceccarelli.......
Sapè fà : I Tisori di Mimì : ritruvà i gusti antich
Stallati in Calcatoghju, Francè è Mireille Ceccarelli anu creatu, dece anni fà, « I tisori di Mimì ». Una strada prufessiunale nova per duie persone chì travagliavanu, nanzu, in l’universu di i media…
Comu fà per passà di u mondu di i media à quellu di l’artisgianu ? Serà forse cusì capricciosu u destinu ? In tutti i casi, u percorsu di Francè è Mireille Ceccarelli hè d’issu ceppu quì. Ellu era respunsevule tecnicu in France 3 ed ‘ella facia muntami di filmi. À dilla franca, nulla, dece anni fà, li pudia fà scambià cusì di strada. Eppuru... « Sò stata, un ghjornu custretta di piantà a me attività prufessiunale, spiega Mimì, hè in issa perioda quì ch’eu mi sò messa à a cucina. È masimu e cunfitture... »
Un primu passu ver di a strada nova hè francatu. Mireille cumencia à fà i so prudutti, solu per a famiglia è l’amichi. Circhendu sempre à andà u più luntanu pussibile in l’innuvazione, a ricerca di i savori è di u gustu. U destinu hè in marchja. È serà Francescu à francà l’ultimu passu quattru anni dopu. Frà tempu, Mireille hà ripigliatu a so anziana attività ma hà scupertu un altra passione. Primu, mischia e duie è un ghjornu di u 2012, Francescu hè à l’origine di a creazione di l’impresa : « I Tisori di Mimì ».
2012 : e prime cunfitture di Mimì
Un laburatoriu hè cuncepitu accantu à a casa di u coppiu, in Calcatoghju. Hè da quì, ch’escenu e prime cunfitture nustrale di Mimì. Cù frutti piantati inde i so arbureti. Ma dinò racolti in u circondu di a Cinarca è ancu in altrò. « Pudemu coglie frutti chè a ghjente ùn piglia micca, aghjusta Mireille,
cusì, stemu vicinu à ind’è noi ma pudemu andà più luntanu (Bastelicaccia, è sin’à u Viscuvatu…). U coppiu face a so prima prova à l’occasione di « Mele in Festa » di settembre in u 2012. « U ritornu era statu abbastanza pusitivu, aghju Mimì, eramu da veru, nantu à una strada bona. »
Vintisette perfumi
U coppiu hà fattu a scelta di prudutti di qualità, di savori nustrali è di frutti anziani (melacutona, uva…) accunciati cù d’altri prudutti (zenzeru, vaniglia...) per dà gusti particulari. Si tratta dinò di savori di a machja cù i bachi rossi. Oghje, a gamma di « I Tisori di Mimì » si cumpone di vintisette perfumi. Ritruvemu, per indettu, è secondu à a stagione, u ficu, a patecca, l’arancia, a clementina, u limò, a mela...À l’occasione di a so prima participazione à un cuncorsu agricolu (2014), u coppiu hè statu unuratu. S’hè chjappu a medaglia d’argente cù a so cunfittura di mela mischiata cù u suchju d’arancia. Duie altre medaglie anu seguitatu in u 2016 è 2019.
Ma i sicreti di Mimì, ùn s’arrestanu micca quì. Arrimbata nantu à a so memoria zitellina, face dinò canistrelli nustrali. Una sosula chì li vene da i so anziani, di ceppu Venachese. « I canistrelli ponu esse à l’alimea, l’arancia, u vinu biancu, a nuciola di Cervione, l’amandule... »
In fine, in tantu chè passatempu sta volta, Mimì s’hè messa dinò à fà spurtelle in vincu. Una tecnica tramandata da unu di i so zii cù l’intriccera à l’usu di e casgiaghje. Ma di sicuru chè l’attività maiò di u coppiu, quella chì d’altronde hà fattu a so rinumata, hè quella di e cunfitture. Tandu, s’è vo francate a bocca di San Bastianu, appena più sottu, cansate vi puru in Calcatoghju à scopre, per quelli ch’ùn li cunnoscenu ancu, « I Tisori di Mimì ».
Ph.P.
I Tisori di Mimì
A Casanova
20111 Calcatoghju
Tel : 06-11-05-10-24
www.itisoridimimi.com
Stallati in Calcatoghju, Francè è Mireille Ceccarelli anu creatu, dece anni fà, « I tisori di Mimì ». Una strada prufessiunale nova per duie persone chì travagliavanu, nanzu, in l’universu di i media…
Comu fà per passà di u mondu di i media à quellu di l’artisgianu ? Serà forse cusì capricciosu u destinu ? In tutti i casi, u percorsu di Francè è Mireille Ceccarelli hè d’issu ceppu quì. Ellu era respunsevule tecnicu in France 3 ed ‘ella facia muntami di filmi. À dilla franca, nulla, dece anni fà, li pudia fà scambià cusì di strada. Eppuru... « Sò stata, un ghjornu custretta di piantà a me attività prufessiunale, spiega Mimì, hè in issa perioda quì ch’eu mi sò messa à a cucina. È masimu e cunfitture... »
Un primu passu ver di a strada nova hè francatu. Mireille cumencia à fà i so prudutti, solu per a famiglia è l’amichi. Circhendu sempre à andà u più luntanu pussibile in l’innuvazione, a ricerca di i savori è di u gustu. U destinu hè in marchja. È serà Francescu à francà l’ultimu passu quattru anni dopu. Frà tempu, Mireille hà ripigliatu a so anziana attività ma hà scupertu un altra passione. Primu, mischia e duie è un ghjornu di u 2012, Francescu hè à l’origine di a creazione di l’impresa : « I Tisori di Mimì ».
2012 : e prime cunfitture di Mimì
Un laburatoriu hè cuncepitu accantu à a casa di u coppiu, in Calcatoghju. Hè da quì, ch’escenu e prime cunfitture nustrale di Mimì. Cù frutti piantati inde i so arbureti. Ma dinò racolti in u circondu di a Cinarca è ancu in altrò. « Pudemu coglie frutti chè a ghjente ùn piglia micca, aghjusta Mireille,
cusì, stemu vicinu à ind’è noi ma pudemu andà più luntanu (Bastelicaccia, è sin’à u Viscuvatu…). U coppiu face a so prima prova à l’occasione di « Mele in Festa » di settembre in u 2012. « U ritornu era statu abbastanza pusitivu, aghju Mimì, eramu da veru, nantu à una strada bona. »
Vintisette perfumi
U coppiu hà fattu a scelta di prudutti di qualità, di savori nustrali è di frutti anziani (melacutona, uva…) accunciati cù d’altri prudutti (zenzeru, vaniglia...) per dà gusti particulari. Si tratta dinò di savori di a machja cù i bachi rossi. Oghje, a gamma di « I Tisori di Mimì » si cumpone di vintisette perfumi. Ritruvemu, per indettu, è secondu à a stagione, u ficu, a patecca, l’arancia, a clementina, u limò, a mela...À l’occasione di a so prima participazione à un cuncorsu agricolu (2014), u coppiu hè statu unuratu. S’hè chjappu a medaglia d’argente cù a so cunfittura di mela mischiata cù u suchju d’arancia. Duie altre medaglie anu seguitatu in u 2016 è 2019.
Ma i sicreti di Mimì, ùn s’arrestanu micca quì. Arrimbata nantu à a so memoria zitellina, face dinò canistrelli nustrali. Una sosula chì li vene da i so anziani, di ceppu Venachese. « I canistrelli ponu esse à l’alimea, l’arancia, u vinu biancu, a nuciola di Cervione, l’amandule... »
In fine, in tantu chè passatempu sta volta, Mimì s’hè messa dinò à fà spurtelle in vincu. Una tecnica tramandata da unu di i so zii cù l’intriccera à l’usu di e casgiaghje. Ma di sicuru chè l’attività maiò di u coppiu, quella chì d’altronde hà fattu a so rinumata, hè quella di e cunfitture. Tandu, s’è vo francate a bocca di San Bastianu, appena più sottu, cansate vi puru in Calcatoghju à scopre, per quelli ch’ùn li cunnoscenu ancu, « I Tisori di Mimì ».
Ph.P.
I Tisori di Mimì
A Casanova
20111 Calcatoghju
Tel : 06-11-05-10-24
www.itisoridimimi.com
