Sapè FÀ : Albergu << U Bilboq >> : perfumu di i u vechju aiacciu
Jean- Jean Vero, in Aiacciu
Sapè fà : Albergu « U Bilboq » : perfumu di i u vechju aiacciu
In a stretta di i Glacis, in Aiacciu, Jean-Jean Vero hà apertu dapoi dighjà più di trenta anni, u « Bilboq », un locu induve si manghjanu paste à a ligusta cù una sosula ch’ellu tene cum’è un sicretu. U stabilimente hè dinò un spaziu di spartera induve omu scopre u perfumu di l’Aiacciu di i tempi fà…
Semu in u vechju Aiacciu. Davanti, a piazza di i Palmi. Appena più sottu, u portu Tino Rossi induve i pescadori tiranu e so rete. Da sopra, a stretta Bonaparte cù a famosa casa di l’Imperatore. Hè quì, in a stretta di i Glacis, locu induve pudemu risente u perfumu d’un Aiacciu sputicu, per disgrazia sparitu, chè Jean-Jean Vero, di ceppu aiaccinu bella sicura, hà decisu di stallà si, aprendu u « Bilboq ». Un albergu chì rimpiazza un locu assai cunnisciutu di tutti l’Aiaccini, masimu quelli ch’avianu 15 anni in l’anni settanta è chì andavanu à a « Marinasca » è u « Bilboquet », lochi induve s’andava à ballà u ghjovi è in dumenicata u dopu meziornu. Jean-Jean, ellu, hà fattu a so strada in u pugilatu à u Ring Ajaccien cù un certu talente.
Di fattu, u « Bilboq », ellu, hà pigliatu a piazza di u « Bilboquet », albergu stallatu nantu à u vechju portu. Ma in a stretta di i Glacis, Jean-Jean l’hà vulsutu fà à modu soiu quand’ellu principia issu percorsu gustosu in u 1988. « Prima, c’era appena di tuttu, spiega l’Aiaccinu, eppo strada facendu, mi sò messu à prupone solu paste à a ligusta, ligusta arrustita è frutti di mare. »
U « Bilboq » piglia u so slanciu. In a so cucina, è a mezu e cazzarole, Jean-Jean appronta una salsa ch’ellu tene da a so minnana. A ligusta, ella, hè una vera stituzione in Aiacciu. È à dilla franca, s’ellu ci hè u mare (capite chè s’ellu ci hè u gattivu tempu, l’albergu hè chjosu ch’ùn pò prupone a so « regina » à a carta.) In tantu chè dolce, una crema specifica à l’usi di quelle di e nostre minnane...Sò i soli prudutti à tastà sopra piazza. Ma per vene à u Bilboq, vi tocca à fà una riservazione bellu nanzu...
Un « rituale » particulare
D’estate, u serviziu si face nantu à a terrazza. D’inguernu, in a sala insù. A cucina, induve Jean-Jean è u so figliolu Anthony, sò affacendati è inghjò. In issa « sapara », nimu ùn pò entre. Hè quì chè l’alchimia permette di sbuccà nantu un pruduttu famosu. Una corsa à u gustu per fà a felicità di i clienti.
Ma s’è a ghjente vene sopratuttu per tastà un pruduttu rinumatu aldilà di l’isula (sottu à a presidenza di Nicolas Sarkosy, in u 2006, u cunsigliu di i ministri era statu fattu in Aiacciu è tutti l’eletti avianu manghjatu à u « Bilboq « ), ghjè altru affare ch’è noi pudemu scopre quallà. Un perfumu di u vechju Aiacciu. In a sala, ci sò, poste nantu à i muri, ritratti di persunalità aiaccine ma micca solu. Sò qualchì pagina di a storia di a Cità Imperiale, chì si ponu sfuglià. Sottu, nantu à a terrazza, Jean-Jean hà stallatu un screnu induve passanu filmetti è ritratti ch’anu sculpitu a so vita. Si tratta di u vechju aiacciu, di persunalità cù, di sicuru, u più famosu aiaccinu : Tino Rossi ! Issu rituale hè -o ùn hè- assai preziatu da a ghjente. Sariamu aldilà di u tempu, in l’Aiacciu di tempi fà cù iss’ambianza di u meziornu di l’Italia. È à 10 ore di sera, tuttu si pianta è si sente da luntanu « l’Aiaccina » cantata da Tino Rossi. Jean-Jean s’affacca à u balcone, è passa frà e tavule cantendu à più pudè mentre chè a ghjente sciaccamaneghja. Si capisce, tandu, ancu s’è e paste à a ligusta facenu a rinumata di u stabilimente, ch’ellu ci altru affare da scopre è risente. U muscu di u vechju aiacciu chè Jean-Jean face rinvivisce. Niente chè què vale u spiazzamentu…
Ph.P.
Le Bilboq, 1 stretta di i Glacis, 20000 Aiacciu
Apertu tutti i ghjorni da 18.00 à 23.00. Chjosu u luni
Tel : 04-95-51-35-40
In a stretta di i Glacis, in Aiacciu, Jean-Jean Vero hà apertu dapoi dighjà più di trenta anni, u « Bilboq », un locu induve si manghjanu paste à a ligusta cù una sosula ch’ellu tene cum’è un sicretu. U stabilimente hè dinò un spaziu di spartera induve omu scopre u perfumu di l’Aiacciu di i tempi fà…
Semu in u vechju Aiacciu. Davanti, a piazza di i Palmi. Appena più sottu, u portu Tino Rossi induve i pescadori tiranu e so rete. Da sopra, a stretta Bonaparte cù a famosa casa di l’Imperatore. Hè quì, in a stretta di i Glacis, locu induve pudemu risente u perfumu d’un Aiacciu sputicu, per disgrazia sparitu, chè Jean-Jean Vero, di ceppu aiaccinu bella sicura, hà decisu di stallà si, aprendu u « Bilboq ». Un albergu chì rimpiazza un locu assai cunnisciutu di tutti l’Aiaccini, masimu quelli ch’avianu 15 anni in l’anni settanta è chì andavanu à a « Marinasca » è u « Bilboquet », lochi induve s’andava à ballà u ghjovi è in dumenicata u dopu meziornu. Jean-Jean, ellu, hà fattu a so strada in u pugilatu à u Ring Ajaccien cù un certu talente.
Di fattu, u « Bilboq », ellu, hà pigliatu a piazza di u « Bilboquet », albergu stallatu nantu à u vechju portu. Ma in a stretta di i Glacis, Jean-Jean l’hà vulsutu fà à modu soiu quand’ellu principia issu percorsu gustosu in u 1988. « Prima, c’era appena di tuttu, spiega l’Aiaccinu, eppo strada facendu, mi sò messu à prupone solu paste à a ligusta, ligusta arrustita è frutti di mare. »
U « Bilboq » piglia u so slanciu. In a so cucina, è a mezu e cazzarole, Jean-Jean appronta una salsa ch’ellu tene da a so minnana. A ligusta, ella, hè una vera stituzione in Aiacciu. È à dilla franca, s’ellu ci hè u mare (capite chè s’ellu ci hè u gattivu tempu, l’albergu hè chjosu ch’ùn pò prupone a so « regina » à a carta.) In tantu chè dolce, una crema specifica à l’usi di quelle di e nostre minnane...Sò i soli prudutti à tastà sopra piazza. Ma per vene à u Bilboq, vi tocca à fà una riservazione bellu nanzu...
Un « rituale » particulare
D’estate, u serviziu si face nantu à a terrazza. D’inguernu, in a sala insù. A cucina, induve Jean-Jean è u so figliolu Anthony, sò affacendati è inghjò. In issa « sapara », nimu ùn pò entre. Hè quì chè l’alchimia permette di sbuccà nantu un pruduttu famosu. Una corsa à u gustu per fà a felicità di i clienti.
Ma s’è a ghjente vene sopratuttu per tastà un pruduttu rinumatu aldilà di l’isula (sottu à a presidenza di Nicolas Sarkosy, in u 2006, u cunsigliu di i ministri era statu fattu in Aiacciu è tutti l’eletti avianu manghjatu à u « Bilboq « ), ghjè altru affare ch’è noi pudemu scopre quallà. Un perfumu di u vechju Aiacciu. In a sala, ci sò, poste nantu à i muri, ritratti di persunalità aiaccine ma micca solu. Sò qualchì pagina di a storia di a Cità Imperiale, chì si ponu sfuglià. Sottu, nantu à a terrazza, Jean-Jean hà stallatu un screnu induve passanu filmetti è ritratti ch’anu sculpitu a so vita. Si tratta di u vechju aiacciu, di persunalità cù, di sicuru, u più famosu aiaccinu : Tino Rossi ! Issu rituale hè -o ùn hè- assai preziatu da a ghjente. Sariamu aldilà di u tempu, in l’Aiacciu di tempi fà cù iss’ambianza di u meziornu di l’Italia. È à 10 ore di sera, tuttu si pianta è si sente da luntanu « l’Aiaccina » cantata da Tino Rossi. Jean-Jean s’affacca à u balcone, è passa frà e tavule cantendu à più pudè mentre chè a ghjente sciaccamaneghja. Si capisce, tandu, ancu s’è e paste à a ligusta facenu a rinumata di u stabilimente, ch’ellu ci altru affare da scopre è risente. U muscu di u vechju aiacciu chè Jean-Jean face rinvivisce. Niente chè què vale u spiazzamentu…
Ph.P.
Le Bilboq, 1 stretta di i Glacis, 20000 Aiacciu
Apertu tutti i ghjorni da 18.00 à 23.00. Chjosu u luni
Tel : 04-95-51-35-40
