Sapè Fà : Cristofanu Fabiani
Crsitofanu Fabiani, l'arte di u tatuasgiu
Cristofanu Fabiani, l’arte di u tatuasgiu
Stallatu dapoi qualchì tempu à l’entrata di a stretta Sebastiani, in Aiacciu, Cristofanu Fabiani, praticheghja in u so attellu « Twenty Four Tatoo Studio » u tatuasgiu. Un « arte » diventatu, per ellu, una vera passione…
Ùn si sà ciò chì saria accadutu di u so avvene prufessiunale s’è Cristofanu Fabiani ùn avia micca avutu un accidente di motò in u 2014. Ci vole à ricunnosce chè s’ellu hè sempre statu passiunatu da issa pratica, ùn pudia francà u passu. « Hè un mistieru chì m’hè sempre piaciutu, spiega l’artisgianu, trovu chè di manera esteticu, hè qualcosa d’assai piacevule. Eppo, sicura ch’eu n’aghju da per tuttu nantu à u corpu. »
Di ceppu venachese, Cristofanu hà seguitatu una scularità classica. À u LEP di i Salini in Aiacciu, si chjappa qualchì diploma in tecniche di l’architettura. Spinghjifocu da u 2006 à u 2013, cù un passaghju in i famosi parrighjini, tene sempre in capu, issa passione di u tatuasgiu. Eppo accade l’accidente di u 2014. « Hè statu per mè, aghjusta l’omu, cum’è una revelazione. Ci vole à dì chè, cù 127 ghjorni d’ITT, u tempu di riflette ùn mancava. »
Una volta surtitu da l’ospedale, Cristofanu decide di fà, d’issa pratica, u so mistieru. Principia una furmazione di dui anni à u Diamante è u Binda. In u 2017, apre u so attellu inghjò di a stretta Sebastiani. « Tatuatore hè veramente un mistieru particulare, spiega l’artisgianu, niente chè per u tempu ch’è voi passate. Eppo, ci vole sempre à piglià u tempu di creà. A creazione, hè l’essenza d’issu mistieru. »
Da dece minute à ottu ore
U tempu passatu ? « Dipende di u locu ch’avemu da fà. Una lettera piglierà dece minute, è un’altra zona parechje sequenze chì ponu andà sin’à ottu ore. »
Secondu à e persone, Cristofanu prupone mudelli ma a ghjente pò dumandà certi disegni. Tandu, ci vole à adattà si. I più ricercati ? « Ind’è noi, tuttu ciò chì tocca à u religiosu hè assai dumandatu. A maiò parte di i designi sò intornu à issa tematica quì. Pudemu dinò ritruvà parolle o infrasate in corsu. »
Dapoi qualchì tempu è dopu à più di quattru anni passati da sottu à a stretta Sebastiani, l’artistu (si pò chjamà cusì) hè cullatu insù. « Ci hè stata l’occasione. Hè vera chè sottu, eramu trè ind’una superficia stretta. Quì, ci hè 140 m², hè altru affare. »
Specializatu ind’un stilu tradiziunale appena « Old-School, Cristofanu praticheghja cù u so materiale : ache, mascine, inchjostru certe volte culuritu. « Hè una nuvità assai aduprata oghje, aghjusta u tatuatore, i risichi sò pochi ch’è noi pigliemu sempre e precauzione. »
In so u attellu novu, Cristofanu hè accumpagnatu da dui altri tatuatori (Arnaud è Fanny). Emilie hè incaricata da trapanà. Fabien, ellu, principia. « Ogni tatuatore t’hà u so universu è a so manera di praticà. Ci vole à risponde à tutte e dumande... »
Issu ghjornu quì, Emma ghjunghje à finisce un tatuasgiu principiatu qualchì tempu fà. Cù precisione, Cristofanu piglia tuttu u so tempu per copre u bracciu di a donna. Frà tempu, ci hè una pausa, u tempu di piglià un tè. « Hè impurtante di piglià u tempu di discorre cù a ghjente. Masimu quandu a sequenza hè abbasatanza longa. »
In u so attellu novu, Cristofanu è a so squadra, cuntinueghjanu à praticà un arte dedicatu solu à l’iniziati…
Ph.P.
Twenty Four Tatoo Studio
1, stretta Sebastiani, 20000 Aiacciu
Cuntattu : 04-95-77-25-98
www.twentyfourtatoostudio.fr
Pagina facebook
Stallatu dapoi qualchì tempu à l’entrata di a stretta Sebastiani, in Aiacciu, Cristofanu Fabiani, praticheghja in u so attellu « Twenty Four Tatoo Studio » u tatuasgiu. Un « arte » diventatu, per ellu, una vera passione…
Ùn si sà ciò chì saria accadutu di u so avvene prufessiunale s’è Cristofanu Fabiani ùn avia micca avutu un accidente di motò in u 2014. Ci vole à ricunnosce chè s’ellu hè sempre statu passiunatu da issa pratica, ùn pudia francà u passu. « Hè un mistieru chì m’hè sempre piaciutu, spiega l’artisgianu, trovu chè di manera esteticu, hè qualcosa d’assai piacevule. Eppo, sicura ch’eu n’aghju da per tuttu nantu à u corpu. »
Di ceppu venachese, Cristofanu hà seguitatu una scularità classica. À u LEP di i Salini in Aiacciu, si chjappa qualchì diploma in tecniche di l’architettura. Spinghjifocu da u 2006 à u 2013, cù un passaghju in i famosi parrighjini, tene sempre in capu, issa passione di u tatuasgiu. Eppo accade l’accidente di u 2014. « Hè statu per mè, aghjusta l’omu, cum’è una revelazione. Ci vole à dì chè, cù 127 ghjorni d’ITT, u tempu di riflette ùn mancava. »
Una volta surtitu da l’ospedale, Cristofanu decide di fà, d’issa pratica, u so mistieru. Principia una furmazione di dui anni à u Diamante è u Binda. In u 2017, apre u so attellu inghjò di a stretta Sebastiani. « Tatuatore hè veramente un mistieru particulare, spiega l’artisgianu, niente chè per u tempu ch’è voi passate. Eppo, ci vole sempre à piglià u tempu di creà. A creazione, hè l’essenza d’issu mistieru. »
Da dece minute à ottu ore
U tempu passatu ? « Dipende di u locu ch’avemu da fà. Una lettera piglierà dece minute, è un’altra zona parechje sequenze chì ponu andà sin’à ottu ore. »
Secondu à e persone, Cristofanu prupone mudelli ma a ghjente pò dumandà certi disegni. Tandu, ci vole à adattà si. I più ricercati ? « Ind’è noi, tuttu ciò chì tocca à u religiosu hè assai dumandatu. A maiò parte di i designi sò intornu à issa tematica quì. Pudemu dinò ritruvà parolle o infrasate in corsu. »
Dapoi qualchì tempu è dopu à più di quattru anni passati da sottu à a stretta Sebastiani, l’artistu (si pò chjamà cusì) hè cullatu insù. « Ci hè stata l’occasione. Hè vera chè sottu, eramu trè ind’una superficia stretta. Quì, ci hè 140 m², hè altru affare. »
Specializatu ind’un stilu tradiziunale appena « Old-School, Cristofanu praticheghja cù u so materiale : ache, mascine, inchjostru certe volte culuritu. « Hè una nuvità assai aduprata oghje, aghjusta u tatuatore, i risichi sò pochi ch’è noi pigliemu sempre e precauzione. »
In so u attellu novu, Cristofanu hè accumpagnatu da dui altri tatuatori (Arnaud è Fanny). Emilie hè incaricata da trapanà. Fabien, ellu, principia. « Ogni tatuatore t’hà u so universu è a so manera di praticà. Ci vole à risponde à tutte e dumande... »
Issu ghjornu quì, Emma ghjunghje à finisce un tatuasgiu principiatu qualchì tempu fà. Cù precisione, Cristofanu piglia tuttu u so tempu per copre u bracciu di a donna. Frà tempu, ci hè una pausa, u tempu di piglià un tè. « Hè impurtante di piglià u tempu di discorre cù a ghjente. Masimu quandu a sequenza hè abbasatanza longa. »
In u so attellu novu, Cristofanu è a so squadra, cuntinueghjanu à praticà un arte dedicatu solu à l’iniziati…
Ph.P.
Twenty Four Tatoo Studio
1, stretta Sebastiani, 20000 Aiacciu
Cuntattu : 04-95-77-25-98
www.twentyfourtatoostudio.fr
Pagina facebook
