Sapè Fà : A vucazione nustrale di Marie-Lydie Frassati
Stallata in Bastelica induve ellu t’hà e so radiche, issa ghjuvanotta campà a so vucazione intornu à l’allivu di i porchi, a farina castagnina à e mele…
A vucazione nustrale di Marie-Lydie Frassati
Stallata in Bastelica induve ellu t’hà e so radiche, issa ghjuvanotta campà a so vucazione intornu à l’allivu di i porchi, a farina castagnina à e mele…
Campà à l’usu paisanu è à mezu à l’agricultura hè, più ch’una passione, una vucazione per quelli chì piglianu, un ghjornu o l’altru, a decisione di fà ne u so mistieru. Issa vucazione, Marie-Lydie Frassati (20 anni) l’hà avuta chè da zitella, sappia ciò ch’ella vulia fà. « Aghju sempri campatu à mezu à l’anziani in paesi, spiega a ghjuvanotta, babbu era agricultori è aghju travagliatu monda cùn eddu. »
Logicu, di vede à Marie-Lydie sceglie un percorsu liatu à l’agricultura dopu à una scularità compia à u liceu Letizia in Aghjacciu. « Ùn aghju mai avutu u « versu » di i studii, aghjusta a prudutrice, dopu à u Bac tecnulogicu, sò cullata in Borgu per travaglià in stu sensu quì. »
Un’attività diversa
Dopu à dui anni di furmazione, hè pronta per stallà si. Ma sò dighjà parechji anni ch’ella travaglia à fiancu à u so babbu, ciò chì permette, oghje, d’avè un’attività diversa. « Mi pari impurtanti oghji di diversificà i so attività chè u mondu di l’agricultura hè abbastanza duru masimu pè vinci a so vita. »
Agricultore, u babbu di Marie-Lydie, li permette di scopre tuttu ciò chì hè liatu à u misteriu di purcaghju, chì serà, da quì à un annu, a so attività principale. Ma accantu à què, a ghjuvanotta hà decisu di fà a farina castagnani o e mele. « Aghju a pussibilità di sviluppà iss’attività quì nantu à tarreni di famiglia chì m’ani da parmetta di stallà mi. I castagni o i meli erani dighjà attività da u me missiavu. Aghju vulsutu ripiglià tuttu què. »
Cù un castagnettu è melu d’un ettare, Marie-Lydie hà, di sicuru, da chì fà.
Da 100 à 150 chilò di farina
« Facciu tuttu da par mè, aiutata da u me babbu. I castagni sò pigliati nantu à unu di i nosci tarreni è purtati, dopu, à un mulinu in Cuttuli. Oghji, iss’attività si passa propiu bè. Da ottanta chilò di castagni, racolte trè anni fà, semi passati à novecentu quist’annu, ciò chì riprisenta à pocu pressu, da 100 à 150 chilò di farina. »
Marie-Lydie travaglia nantu à l’usu anticu cù fruttu chì seccanu cum’è a facianu l’anziani. Per ciò chì tocca à e mele, a prudutrice principia ghjustu a so attività. « I meli erani stati piantati da u me missiavu, un’attività ripigliata cù babbu. Per avà, vindimu i frutti freschi è circhemi à sviluppà. Era un’attività monda praticata, tempi fà in Bastelica. Aghju da cumprà u materiali necessariu par pudè, à cortu andà, fà u suchju di meli. Forsa, da quì à un annu. »
Quaranta porchi à l’annu
Ma l’attività principale di a ghjuvanotta serà liata à u mistieru di purcaghju. Un travagliu ch’ella cunnosce dighjà abbastanza bè per esse à fiancu à u so babbu dapoi parechji anni. « Possu dì ch’eu cunnoscu un mistieru, travagliu cù babbu nantu à l’allevu, a tumbera è ancu a fabricazioni di a robba purcina. Ancu s’aghju amparatu monda à u liceu di u Borgu, pensu chè l’affari s’hà da accuncià bè in puchissimi tempi ch’aghju vistu fà a ghjenti... »
Marie-Lydie hà da principià, s’è tuttu và bè, à u principiu di l’annu cù seie lovie è un farru di manera à avè un allevu di quaranta porchi è di fà prestu a robba purcina. Quì dinò, a prudutrice aspetta di mette in piazza u so materiale. « Ani da essa porchi labellizati «AOP nustrali », allivati à l’usu anticu... »
Mele, farina castagnina, porchi nustrali, trè attività chè Marie-Lydia hà da sviluppà. Una manera, per una ghjuvanotta di solu vinti anni, di campà una vucazione zitellina. Un esempiu da seguità...
Ph.P.
Marie-Lydie Frassati
Tricolacci, 20119 Bastelica
Tel : 07-86-41-94-43
Stallata in Bastelica induve ellu t’hà e so radiche, issa ghjuvanotta campà a so vucazione intornu à l’allivu di i porchi, a farina castagnina à e mele…
Campà à l’usu paisanu è à mezu à l’agricultura hè, più ch’una passione, una vucazione per quelli chì piglianu, un ghjornu o l’altru, a decisione di fà ne u so mistieru. Issa vucazione, Marie-Lydie Frassati (20 anni) l’hà avuta chè da zitella, sappia ciò ch’ella vulia fà. « Aghju sempri campatu à mezu à l’anziani in paesi, spiega a ghjuvanotta, babbu era agricultori è aghju travagliatu monda cùn eddu. »
Logicu, di vede à Marie-Lydie sceglie un percorsu liatu à l’agricultura dopu à una scularità compia à u liceu Letizia in Aghjacciu. « Ùn aghju mai avutu u « versu » di i studii, aghjusta a prudutrice, dopu à u Bac tecnulogicu, sò cullata in Borgu per travaglià in stu sensu quì. »
Un’attività diversa
Dopu à dui anni di furmazione, hè pronta per stallà si. Ma sò dighjà parechji anni ch’ella travaglia à fiancu à u so babbu, ciò chì permette, oghje, d’avè un’attività diversa. « Mi pari impurtanti oghji di diversificà i so attività chè u mondu di l’agricultura hè abbastanza duru masimu pè vinci a so vita. »
Agricultore, u babbu di Marie-Lydie, li permette di scopre tuttu ciò chì hè liatu à u misteriu di purcaghju, chì serà, da quì à un annu, a so attività principale. Ma accantu à què, a ghjuvanotta hà decisu di fà a farina castagnani o e mele. « Aghju a pussibilità di sviluppà iss’attività quì nantu à tarreni di famiglia chì m’ani da parmetta di stallà mi. I castagni o i meli erani dighjà attività da u me missiavu. Aghju vulsutu ripiglià tuttu què. »
Cù un castagnettu è melu d’un ettare, Marie-Lydie hà, di sicuru, da chì fà.
Da 100 à 150 chilò di farina
« Facciu tuttu da par mè, aiutata da u me babbu. I castagni sò pigliati nantu à unu di i nosci tarreni è purtati, dopu, à un mulinu in Cuttuli. Oghji, iss’attività si passa propiu bè. Da ottanta chilò di castagni, racolte trè anni fà, semi passati à novecentu quist’annu, ciò chì riprisenta à pocu pressu, da 100 à 150 chilò di farina. »
Marie-Lydie travaglia nantu à l’usu anticu cù fruttu chì seccanu cum’è a facianu l’anziani. Per ciò chì tocca à e mele, a prudutrice principia ghjustu a so attività. « I meli erani stati piantati da u me missiavu, un’attività ripigliata cù babbu. Per avà, vindimu i frutti freschi è circhemi à sviluppà. Era un’attività monda praticata, tempi fà in Bastelica. Aghju da cumprà u materiali necessariu par pudè, à cortu andà, fà u suchju di meli. Forsa, da quì à un annu. »
Quaranta porchi à l’annu
Ma l’attività principale di a ghjuvanotta serà liata à u mistieru di purcaghju. Un travagliu ch’ella cunnosce dighjà abbastanza bè per esse à fiancu à u so babbu dapoi parechji anni. « Possu dì ch’eu cunnoscu un mistieru, travagliu cù babbu nantu à l’allevu, a tumbera è ancu a fabricazioni di a robba purcina. Ancu s’aghju amparatu monda à u liceu di u Borgu, pensu chè l’affari s’hà da accuncià bè in puchissimi tempi ch’aghju vistu fà a ghjenti... »
Marie-Lydie hà da principià, s’è tuttu và bè, à u principiu di l’annu cù seie lovie è un farru di manera à avè un allevu di quaranta porchi è di fà prestu a robba purcina. Quì dinò, a prudutrice aspetta di mette in piazza u so materiale. « Ani da essa porchi labellizati «AOP nustrali », allivati à l’usu anticu... »
Mele, farina castagnina, porchi nustrali, trè attività chè Marie-Lydia hà da sviluppà. Una manera, per una ghjuvanotta di solu vinti anni, di campà una vucazione zitellina. Un esempiu da seguità...
Ph.P.
Marie-Lydie Frassati
Tricolacci, 20119 Bastelica
Tel : 07-86-41-94-43
