Sapè Fà : Stazzona di u Taraghju
E cultelle tradiziunale di Ghjuvanni Rubini
Sapè fà : « Stazzona di u Taraghju »
E cultelle tradiziunale di Ghjuvanni Rubini
Stallatu in a piaghja di Cuttuli, Ghjuvà Rubini s’hè specializatu cù assai qualità in a fabricazione di cultelle ch’ellu cuncepisce à l’usu anticu.
Passà da cummerciante à artisgianu, eccu u percorsu di Jean Rubini chì hà scambiatu di strada abbastanza tardi. Una scelta chì s’hè imposta trè anni fà à...56 anni. Di fattu, l’omu, di ceppu murzese è guagnese hà principiatu u in cummerciu durante vinticinque anni dopu à una scularità à i licei Fesch è Letizia d’Aiacciu. « À dilla franca, spiega l’artisgianu, ùn eru tantu fattu per i studii. In u 1983, subbitu dopu à a terminale, ci era una pussibilità di entre in u mondu di u travagliu, l’aviu scelta. »
In u stabilimente maiò specializatu in i mobuli è l’audiuvisivu, Ghjuvà Rubini ci stà sin’à u 2008 passendu per parechji posti. Eppo, ci hè un ghjornu, a pussibilità d’esse direttore ma ùn piglia micca issa strada quì. « Ci vulia à seguità una furmazione in Cuntinente è ùn mi garbava tantu, aghjusta l’omu, cum’è pinsava d’avè fattu u giru di l’attività, aghju scambiatu di mistieru. »
Ùn hè chè dopu à un’altra sperienza, in u bastimente sta volta, ch’ellu riflette à un’altra andatura. « L’impresa chjudia e so porte, ci vulia à sceglie una strada nova. Zitellu, mi piacia sempre à travaglià cù e mani è mi piacianu i cultelli...»
Da Albì à Cuttuli
Tandu, quellu chì diventerà qualchì tempu dopu artisgianu, si ne parte in Albì à seguità una furmazione cù Christian Moretti, un famosu cultellaghju. « Si travagliava à l’usu anticu in tutti i duminii di a cuncipitura d’una cultella. Aghju amparatu assai cun ellu è sò surtitu cù un diploma di categuria 4. Vale à dì esse capace di stazzunà, travaglià l’aciaghju è l’arnesi. »
Vultatu in Corsica, Ghjuvà Rubini mette in piazza un attellu di fabricazione accantu à a so casa in u Taraghju è principia a so nova attività. « Aghju vulsutu stà in a cultella corsa tradiziunale, quella chì si piega. Compru u me aciaghju in u Tarn. Per ciò chì tocca à i manichi, sò fatti da corne o legnu di Corsica : castagnu, alivu, cipressu, prugnulu è altri arburi fruttiferi. À spessu, u tagliu da per mè osinnò, u mi portanu. Hè tagliatu à luna nova, u facciu seccà. Dopu, docu à u manicu, a forma ch’eu vogliu, facciu e scanalature, In fine, ci vole à smeriglià è travaglià e finizione à a manu. A seconda parte di a fabricazione tocca à a stazzona. Tagliu l’aciaghju, u facciu sdrughje. À a fine, ci vole à aghjunghje a lama è u manicu. »
Membre di u sindicatu di i cultellaghji corsi
L’artisgianu travaglia secondu à a manera tradiziunale ma cù arnesi muderni. L’inseme dà cultelle di a più bella fattura, ch’anu permessu d’altronde à Ghjuvà Rubini, di fà parte di u sindicatu di i cultellaghji corsi chè u so scopu hè a salvezza è a prumuzione di e cultelle corse artisgianale ma dinò a difesa di l’interessi di l’artisgiani (ci n’hè 24) cù esisgenze maiò è a nascita d’una appellazione « cultella tradiziunale »,
Cusì, è dapoi trè anni, Ghjuvà sviluppa a so nova attività. Face a maiò parte di e fiere (Bucugnà, Murzu, Tallà, Venacu, Vezzani…) è strada facendu, u so travagliu hè, oghje, ricunnisciutu. À 59 anni, saria, d’una certa manera, l’operaiu di l’ondicesim’ora…
Ph.P.
Ghjuvà Rubini
Stazzona di u Taraghju
Strada di Sgarittatu, 20167 Cuttuli
Situ :www.coutellerierubini.com
Pagina facebook : coutellerie Jean Rubini Stazzona di u Taraghju
Pagina instagram : @jeanr_rubini_couteaux_corses
Cuntattu : 06-20-79-50-09
E cultelle tradiziunale di Ghjuvanni Rubini
Stallatu in a piaghja di Cuttuli, Ghjuvà Rubini s’hè specializatu cù assai qualità in a fabricazione di cultelle ch’ellu cuncepisce à l’usu anticu.
Passà da cummerciante à artisgianu, eccu u percorsu di Jean Rubini chì hà scambiatu di strada abbastanza tardi. Una scelta chì s’hè imposta trè anni fà à...56 anni. Di fattu, l’omu, di ceppu murzese è guagnese hà principiatu u in cummerciu durante vinticinque anni dopu à una scularità à i licei Fesch è Letizia d’Aiacciu. « À dilla franca, spiega l’artisgianu, ùn eru tantu fattu per i studii. In u 1983, subbitu dopu à a terminale, ci era una pussibilità di entre in u mondu di u travagliu, l’aviu scelta. »
In u stabilimente maiò specializatu in i mobuli è l’audiuvisivu, Ghjuvà Rubini ci stà sin’à u 2008 passendu per parechji posti. Eppo, ci hè un ghjornu, a pussibilità d’esse direttore ma ùn piglia micca issa strada quì. « Ci vulia à seguità una furmazione in Cuntinente è ùn mi garbava tantu, aghjusta l’omu, cum’è pinsava d’avè fattu u giru di l’attività, aghju scambiatu di mistieru. »
Ùn hè chè dopu à un’altra sperienza, in u bastimente sta volta, ch’ellu riflette à un’altra andatura. « L’impresa chjudia e so porte, ci vulia à sceglie una strada nova. Zitellu, mi piacia sempre à travaglià cù e mani è mi piacianu i cultelli...»
Da Albì à Cuttuli
Tandu, quellu chì diventerà qualchì tempu dopu artisgianu, si ne parte in Albì à seguità una furmazione cù Christian Moretti, un famosu cultellaghju. « Si travagliava à l’usu anticu in tutti i duminii di a cuncipitura d’una cultella. Aghju amparatu assai cun ellu è sò surtitu cù un diploma di categuria 4. Vale à dì esse capace di stazzunà, travaglià l’aciaghju è l’arnesi. »
Vultatu in Corsica, Ghjuvà Rubini mette in piazza un attellu di fabricazione accantu à a so casa in u Taraghju è principia a so nova attività. « Aghju vulsutu stà in a cultella corsa tradiziunale, quella chì si piega. Compru u me aciaghju in u Tarn. Per ciò chì tocca à i manichi, sò fatti da corne o legnu di Corsica : castagnu, alivu, cipressu, prugnulu è altri arburi fruttiferi. À spessu, u tagliu da per mè osinnò, u mi portanu. Hè tagliatu à luna nova, u facciu seccà. Dopu, docu à u manicu, a forma ch’eu vogliu, facciu e scanalature, In fine, ci vole à smeriglià è travaglià e finizione à a manu. A seconda parte di a fabricazione tocca à a stazzona. Tagliu l’aciaghju, u facciu sdrughje. À a fine, ci vole à aghjunghje a lama è u manicu. »
Membre di u sindicatu di i cultellaghji corsi
L’artisgianu travaglia secondu à a manera tradiziunale ma cù arnesi muderni. L’inseme dà cultelle di a più bella fattura, ch’anu permessu d’altronde à Ghjuvà Rubini, di fà parte di u sindicatu di i cultellaghji corsi chè u so scopu hè a salvezza è a prumuzione di e cultelle corse artisgianale ma dinò a difesa di l’interessi di l’artisgiani (ci n’hè 24) cù esisgenze maiò è a nascita d’una appellazione « cultella tradiziunale »,
Cusì, è dapoi trè anni, Ghjuvà sviluppa a so nova attività. Face a maiò parte di e fiere (Bucugnà, Murzu, Tallà, Venacu, Vezzani…) è strada facendu, u so travagliu hè, oghje, ricunnisciutu. À 59 anni, saria, d’una certa manera, l’operaiu di l’ondicesim’ora…
Ph.P.
Ghjuvà Rubini
Stazzona di u Taraghju
Strada di Sgarittatu, 20167 Cuttuli
Situ :www.coutellerierubini.com
Pagina facebook : coutellerie Jean Rubini Stazzona di u Taraghju
Pagina instagram : @jeanr_rubini_couteaux_corses
Cuntattu : 06-20-79-50-09
