<< Maglietta >>, U fondu artisticu novu di Saveriu Tavera
U famosu cantadore di u gruppu « Voce Ventu » s’hè messu, dapoi qualchì tempu, à un’altra spressione artistica. Passiunati di disegni, hà cuncepitu cù assai talente, persunaghji burleschi à modu soiu stampati da Nano Boutique.
« Maglietta », U fondu artisticu novu di Saveriu Tavera
U famosu cantadore di u gruppu « Voce Ventu » s’hè messu, dapoi qualchì tempu, à un’altra spressione artistica. Passiunati di disegni, hà cuncepitu cù assai talente, persunaghji burleschi à modu soiu stampati da Nano Boutique. L’occasione di misurà ciò chì puderia esse un percorsu novu…
Tuttu u mondu cunnosce, in Aiacciu è in altrò à Saveriu Tavera, cantadore chì face a so strada dapoi più di vinti anni cù u gruppu « Voce Ventu ». Ma cì chè i «prufani » ùn cunnoscenu micca, hè u so talente in tantu chè disegnadore. Una passione nata da zitellu. « Facciu sempri dissegni, spiega l’artistu, à tredeci anni, mamma mi vulia mandà à a scola di i « Beaux Arts », ma ùn aghju mai vulsutu parta. »
S’ellu hè statu in Corsica fendu a so strada trà u cantu è a lingua corsa, Saveria hà cuntinuatu à fà i so disegni. « Solu pà u piacè, aghjusta l’Aiaccinu, eppo strada facendu, hè ghjunta un’idea d’istati... »
L’attualità corsa in disegni
Purtatu da l’Alinea, issu famosu persunaghju talianu chì fù prisente nantu à a TV in l’anni settanta è ottanta, l’artistu hà vulsutu sprime iss’arte novu adattatu à l’attualità è a l’estru corsu. Cusì, sò nati qualchì disegni nantu à tematiche isulane : camping-cars, CRS di sicuru, u gruppu « Voce Ventu », un cacciadore tarruccatu da animali, ghjucadori di morra, un porcu chì corre apressu à un turistu, paghjella à u comptoir ACA, SCB è tanti altri…
« Di fatti, aghju sempri qualchì idea. Mi pongu in caffè cù a me tavuletta eppo facciu i me disegni... »
D’estate, Saveriu scontra à Micka « Nano Boutique ». Circhendu idee da stampà, quellu dumanda unepochi di disegni à l’artistu. A marca « Maglietta » face i so primi passi. « Aghju datu vinti dissegni ma ci voli à ricunnoscia chì l’affari hà pigliatu u so volu lestru, lestru... »
« Keep Calm and fà li saltà »
Di fattu, l’artistu ùn manca d’idee più burlesca una chè l’altra. Cusì, nascenu magliette specifiche « Keep calm and fà li saltà », « Bottacasa » o « Paghjella caffè » adattate da idee chì esistenu dighjà. Barrette è maglie piglianu a seguita. U tuttu à un prezzu chì cunvene à tuttu u mondu (da 25 à 60 euros). « Sò prudutti di qualità maiò, preciseghja Saveriu, ùn ci aspettavami micca à un cusì bellu successu. Ma par mè, u scopu, ùn hè di vincia soldi. Vuliu solu sprimà mi, fà piacè à la ghjenti è fà travaglià Mickaël. Mi faci prò di veda i me creazioni, sò liati à ciò ch’eu sò. »
Dopu avè fattu i so primi passi, Saveriu Tavera travaglia nantu à d’altre idee cum’è i paesi : Corti, Aiacciu, Bastia, Pastricciola (nantu à dumande particulare). I prudutti si ponu truvà à a buttega Nano, nantu à u corsu Grandval o nantu à u situ. Saveriu, ellu, cuntinueghja a so strada cù a so tavuletta in manu, sempre prontu à cuncepisce d’altri persunaghji…
Ph.P.
Buttega Nano, Corsu Grandval
Situ :www.boutique-nano.com
Mail : [email protected]
Pagina Facebook è Instagram
Cuntattu : 07-56-88-83-04
U famosu cantadore di u gruppu « Voce Ventu » s’hè messu, dapoi qualchì tempu, à un’altra spressione artistica. Passiunati di disegni, hà cuncepitu cù assai talente, persunaghji burleschi à modu soiu stampati da Nano Boutique. L’occasione di misurà ciò chì puderia esse un percorsu novu…
Tuttu u mondu cunnosce, in Aiacciu è in altrò à Saveriu Tavera, cantadore chì face a so strada dapoi più di vinti anni cù u gruppu « Voce Ventu ». Ma cì chè i «prufani » ùn cunnoscenu micca, hè u so talente in tantu chè disegnadore. Una passione nata da zitellu. « Facciu sempri dissegni, spiega l’artistu, à tredeci anni, mamma mi vulia mandà à a scola di i « Beaux Arts », ma ùn aghju mai vulsutu parta. »
S’ellu hè statu in Corsica fendu a so strada trà u cantu è a lingua corsa, Saveria hà cuntinuatu à fà i so disegni. « Solu pà u piacè, aghjusta l’Aiaccinu, eppo strada facendu, hè ghjunta un’idea d’istati... »
L’attualità corsa in disegni
Purtatu da l’Alinea, issu famosu persunaghju talianu chì fù prisente nantu à a TV in l’anni settanta è ottanta, l’artistu hà vulsutu sprime iss’arte novu adattatu à l’attualità è a l’estru corsu. Cusì, sò nati qualchì disegni nantu à tematiche isulane : camping-cars, CRS di sicuru, u gruppu « Voce Ventu », un cacciadore tarruccatu da animali, ghjucadori di morra, un porcu chì corre apressu à un turistu, paghjella à u comptoir ACA, SCB è tanti altri…
« Di fatti, aghju sempri qualchì idea. Mi pongu in caffè cù a me tavuletta eppo facciu i me disegni... »
D’estate, Saveriu scontra à Micka « Nano Boutique ». Circhendu idee da stampà, quellu dumanda unepochi di disegni à l’artistu. A marca « Maglietta » face i so primi passi. « Aghju datu vinti dissegni ma ci voli à ricunnoscia chì l’affari hà pigliatu u so volu lestru, lestru... »
« Keep Calm and fà li saltà »
Di fattu, l’artistu ùn manca d’idee più burlesca una chè l’altra. Cusì, nascenu magliette specifiche « Keep calm and fà li saltà », « Bottacasa » o « Paghjella caffè » adattate da idee chì esistenu dighjà. Barrette è maglie piglianu a seguita. U tuttu à un prezzu chì cunvene à tuttu u mondu (da 25 à 60 euros). « Sò prudutti di qualità maiò, preciseghja Saveriu, ùn ci aspettavami micca à un cusì bellu successu. Ma par mè, u scopu, ùn hè di vincia soldi. Vuliu solu sprimà mi, fà piacè à la ghjenti è fà travaglià Mickaël. Mi faci prò di veda i me creazioni, sò liati à ciò ch’eu sò. »
Dopu avè fattu i so primi passi, Saveriu Tavera travaglia nantu à d’altre idee cum’è i paesi : Corti, Aiacciu, Bastia, Pastricciola (nantu à dumande particulare). I prudutti si ponu truvà à a buttega Nano, nantu à u corsu Grandval o nantu à u situ. Saveriu, ellu, cuntinueghja a so strada cù a so tavuletta in manu, sempre prontu à cuncepisce d’altri persunaghji…
Ph.P.
Buttega Nano, Corsu Grandval
Situ :www.boutique-nano.com
Mail : [email protected]
Pagina Facebook è Instagram
Cuntattu : 07-56-88-83-04
