Sapè Fà : Sgiò , u spiritu nustrale d'Elodie Emmanuelli
Una marca di panni dedicati à l'omu, a donna , u zitellu
Sgiò, u spiritu nustrale d’Elodie Emmanuelli
Originaria di Piezzole d’Orezza è di Castellare di Casinca, Elodie Emmanuelli hà fattu a scelta, qualchì annu fà, di creà « Sgiò », una marca di panni dedicati à l’omu, a donna, u zitellu. Una manera, à tempu, di sparte i valori tramandati da i so anziani...
Sviluppà una marca di panni nustrali, è à tempu, sparte valori di i nostri anziani, ci vulia à fà la. Elodie Emmanuelli, nova creatrice di Piezzole d’Orezza è Castellare di Casinca, l’hà fattu. Una scelta chì s’hè imposta subbitu per issa figliola d’agricultore. « Fù per mè una logica, spiega a donna, u mo babbu era pastore è aghju campatu in paese à mezu à l’anziani. Tutti m’anu lasciatu qualcosa di l’estru corsu. L’avia in mè. Ci vulia, à un mumentu datu, à fà lu campà à modu meiu. »
Dopu à un percorsu in a cummunicazione, è studii in Corti, Elodie hà fattu a scelta di scambià di versu è di cuncentrà si nantu à a creazione d’una marca di panni. « Aghju sempre avutu issa fibra artistica, spiega a donna, zitella facciu assai disegni. Durante i mo studii, vindia e mo pitture. In quantu à a moda, hè sempre stata una passione. Un ghjornu, mi sò decisa à lampà mi... »
« Parte per vultà megliu »
Cusì, in u 2016, nasce a marca « Sgiò ». « Ùn mi ritruvava micca ind’e e nove generazione. Ci vulia à fà qualcosa per mantene un pocu di l’estru corsu. Ci vole à ricunnosce ch’ellu sparisce à pocu à pocu. Aldilà di panni, vulia sparte i valori tramandati da i mo parenti, u travagliu, a sulidarità, l’umilità è prumove, à tempu, a nostra cultura. Ci hè una ricchezza tamanta in Corsica, ci vole à fà la campà. »
Averemu subbitu capitu chè a ghjente compra altru affare chè panni ind’è Elodie. Hà sceltu « Sgiò », referenza à un simbolu di riesciuta. « S’è vo fighjulate a storia di i Capicursini chì partianu in battellu, ci hè qualcosa di strasordinariu. Vultavanu à arricchisce i soi. Sapè parte per vultà megliu è mustrà u spiritu corsu. Fà luccicà a Corsica in u mondu sanu. Eccu a me voglia... »
A famosa « Baretta misgia »
L’artisgiana sviluppa parechji panni diferenti cù « Sgiò » : U tradiziunale « Bleu de Chine » chì caratterizeghja u travagliu, panni di sport, magliette, è tanti panni per omi, donne è zitelli. Ci sò dinò addurnamenti storichi (statulette di Paoli, Napuliò, a Vergine Maria, tutte pinte à a manu…). Si ritrova dinò una ligna , « A Signora di Sgiò » è qualchì leia cù u duminiu di Murtoli, u Sporting, l’ACA, Eric Fraticelli, attori, « La Ptite Culotte ».
« Assai ghjente si ritrovanu ind’i nostri valori è i volenu sparte cun noi. » L’ugettu u più famosu, quellu chì face a prumuzione di l’impresa, hè di sicuru a baretta misgia. « In umagiu à u mo arcimissiavu, aghjusta, aghju avutu a furtuna di cunnoscelu. Si vende abbastanza bè. »
A marca s’hè sviluppata aldilà di l’isula. In Parrighji (A cantina), Bordeaux, Liò, Marseglia...I tissuti ghjunghjenu da a Francia o qualchì paese stranieru. « Ciò chì hè impurtante per noi, hè a qualità. Avemu un spiritu apertu à l’imagine di i sgiò di u Capicorsu. Semu dapertuttu ma vultemu sempre ind’è noi. »
A marca si trova in Corsica (Corti, Aiacciu, Folelli…), in Cuntinente è ancu à u stranieru. Una manera di mantene, à modu soiu, u spiritu corsu.
Ph.P.
Buttega « Sgiò »
Rue Fesch in Aiacciu
Tel : 04-95-52-39-61
RésidenceU centru, Penta di Casinca
Tel : 04-95-57-94-33
Route d’Aleria, Corti
Tel : 04-95-60-31-13
www.sgio-corsica.com
Originaria di Piezzole d’Orezza è di Castellare di Casinca, Elodie Emmanuelli hà fattu a scelta, qualchì annu fà, di creà « Sgiò », una marca di panni dedicati à l’omu, a donna, u zitellu. Una manera, à tempu, di sparte i valori tramandati da i so anziani...
Sviluppà una marca di panni nustrali, è à tempu, sparte valori di i nostri anziani, ci vulia à fà la. Elodie Emmanuelli, nova creatrice di Piezzole d’Orezza è Castellare di Casinca, l’hà fattu. Una scelta chì s’hè imposta subbitu per issa figliola d’agricultore. « Fù per mè una logica, spiega a donna, u mo babbu era pastore è aghju campatu in paese à mezu à l’anziani. Tutti m’anu lasciatu qualcosa di l’estru corsu. L’avia in mè. Ci vulia, à un mumentu datu, à fà lu campà à modu meiu. »
Dopu à un percorsu in a cummunicazione, è studii in Corti, Elodie hà fattu a scelta di scambià di versu è di cuncentrà si nantu à a creazione d’una marca di panni. « Aghju sempre avutu issa fibra artistica, spiega a donna, zitella facciu assai disegni. Durante i mo studii, vindia e mo pitture. In quantu à a moda, hè sempre stata una passione. Un ghjornu, mi sò decisa à lampà mi... »
« Parte per vultà megliu »
Cusì, in u 2016, nasce a marca « Sgiò ». « Ùn mi ritruvava micca ind’e e nove generazione. Ci vulia à fà qualcosa per mantene un pocu di l’estru corsu. Ci vole à ricunnosce ch’ellu sparisce à pocu à pocu. Aldilà di panni, vulia sparte i valori tramandati da i mo parenti, u travagliu, a sulidarità, l’umilità è prumove, à tempu, a nostra cultura. Ci hè una ricchezza tamanta in Corsica, ci vole à fà la campà. »
Averemu subbitu capitu chè a ghjente compra altru affare chè panni ind’è Elodie. Hà sceltu « Sgiò », referenza à un simbolu di riesciuta. « S’è vo fighjulate a storia di i Capicursini chì partianu in battellu, ci hè qualcosa di strasordinariu. Vultavanu à arricchisce i soi. Sapè parte per vultà megliu è mustrà u spiritu corsu. Fà luccicà a Corsica in u mondu sanu. Eccu a me voglia... »
A famosa « Baretta misgia »
L’artisgiana sviluppa parechji panni diferenti cù « Sgiò » : U tradiziunale « Bleu de Chine » chì caratterizeghja u travagliu, panni di sport, magliette, è tanti panni per omi, donne è zitelli. Ci sò dinò addurnamenti storichi (statulette di Paoli, Napuliò, a Vergine Maria, tutte pinte à a manu…). Si ritrova dinò una ligna , « A Signora di Sgiò » è qualchì leia cù u duminiu di Murtoli, u Sporting, l’ACA, Eric Fraticelli, attori, « La Ptite Culotte ».
« Assai ghjente si ritrovanu ind’i nostri valori è i volenu sparte cun noi. » L’ugettu u più famosu, quellu chì face a prumuzione di l’impresa, hè di sicuru a baretta misgia. « In umagiu à u mo arcimissiavu, aghjusta, aghju avutu a furtuna di cunnoscelu. Si vende abbastanza bè. »
A marca s’hè sviluppata aldilà di l’isula. In Parrighji (A cantina), Bordeaux, Liò, Marseglia...I tissuti ghjunghjenu da a Francia o qualchì paese stranieru. « Ciò chì hè impurtante per noi, hè a qualità. Avemu un spiritu apertu à l’imagine di i sgiò di u Capicorsu. Semu dapertuttu ma vultemu sempre ind’è noi. »
A marca si trova in Corsica (Corti, Aiacciu, Folelli…), in Cuntinente è ancu à u stranieru. Una manera di mantene, à modu soiu, u spiritu corsu.
Ph.P.
Buttega « Sgiò »
Rue Fesch in Aiacciu
Tel : 04-95-52-39-61
RésidenceU centru, Penta di Casinca
Tel : 04-95-57-94-33
Route d’Aleria, Corti
Tel : 04-95-60-31-13
www.sgio-corsica.com
