Sapè Fà : L'arte misticu di Dumenica Fumaroli
Dissegni, pitture, ghjuvelli, libri, teatru, fole per i zitelli, u talente di Dumenica Fumaroli, chì prisenta a so prima mostra 2023 sin’à u 31 di marzu à a buttega « Signadora » in Bastia si sparghje in parechji duminii.
Sapè fà : L’arte misticu di Dumenica Fumaroli
Dissegni, pitture, ghjuvelli, libri, teatru, fole per i zitelli, u talente di Dumenica Fumaroli, chì prisenta a so prima mostra 2023 sin’à u 31 di marzu à a buttega « Signadora » in Bastia si sparghje in parechji duminii. Ma tutti intornu à una dimensione spirituale...
Donna « tocca » da issu qualcosa chì caratterizaghja l’artisti ciuttati ind’una dimensione spirituale, Dumenica Fumaroli, dava, à u principiu di ferraghju scorsu, una mostra-a so prima di l’annu 2023-. L’occasione di sfuglià, à traversu una vintena di e so pitture, un percorsu misticu à u sensu u più nobile di u vucabulu. « M’hè sempre piaciutu à fà dissegni,
spiega l’artista, di fattu, aghju pintu è culuritu da zitella. Sò nata ind’e iss’universu quì. Hè qualcosa chì hà sempre accumpagnatu in u mo percorsu. » Un percorsu principiatu zitella quand’ella cullava, passendu per a bocca di Verde da sopra à Ghisoni, in Palleca, unu di i so dui paesi (l’altru hè Muna). « I culori di u vaghjime mi facianu pienghje, aghjusta l’artista,
hè quì, pensu, ch’aghju pigliatu issu versu quì. »
Cusì, Dumenica face e so prime pitture. Cù dighjà un gustu per l’astrattu. « Ci hè una dimensione spirituale ind’e l’arte è à dilla franca, sò stata dinò ciutatta in issu mondu quì. In casa, i libri metafisichi è a litteratura fantastica eranu numerosi. Anu sulcatu u me percorsu. »
Da l’astrattu à u spirituale
Dopu à una scularità in Palleca (primariu) è in Bastia, parte à studià in Parrighji sin’à a facultà eppo si ne volta in Corti in arti plastichi. Nanzu di principià, à appena più di vinti anni, à fà ne u so mistieru. Frà tempu, a donna si mette à scrive fole per zitelli, a creà ghjuvelli, sempre nantu à a tematica spirituale, è cullà nantu à una scena à fà u teatru. « Ma ciò chì mi garba u più hèdi pinghje è fà dissegni. Praticheghju cù l’acrilicu o l’inchjostru di China. Mi piacenu dinò i culori... »
U primu di ferraghju scorsa, principiava una mostra à a buttega « Signadore » in Bastia, cù una vintena di tele. L’artista hà vulsutu aduprà appena tutte e simboliche ch’anu sulcatu u so percorsu : a massuneria, u Cristianisimu, a Cabbale, e tradizione d’oriente...u tuttu à mezu una spezia di scenariu. « Un percorsu spirituale induve a ghjente deve lascià si purtà da a magia mistica di e pitture. Dopu, tocca à ognunu di risente à a so manera... »
Nantu à e so tele, l’artista dà vita à persunaghji chì ci facenu pensà à a mitulugia (anghjuli, stelle, luna, sole...) qualchì arcane maiò, dinò, di u « Tarot » iniziaticu, u tuttu in biancu è neru o ancu culuritu. Subbitu, si entre ind’u mondu purtatu da norme diferente di u mondu di tutti i ghjorni. A donna nuda cù i quattru animali chì caratterizeghjanu i quattru elementi è i quattru vangelisti, da, nantu à u fondu neru, simbolu d’una spezia di silenziu eternu, porta u publicu in l’incuscente cullettivu. À a fine di u percorsu, i quattru cavalieri di l’apocalipisu...Una mostra da scopre sin’à u 31 di marzu. L’avvene ? L’artista serà nantu à a scena di l’Aghja in Aiacciu, u primu d’aprile per un « stand up » cù u sparticomedyclub. À a fine di l’annu, prisenterà una nova edizione di u so libru per zitelli « L’alchimiste » ch’ùn hà nulla à chì vede cù Coelho. È di sicuru, cuntinueghja à fà campà à so passione di. Pinghje. « Un pittore hè qualchissia chì asciuva u vetru trà u mondu è noi d’una lumera, cù un stracciu di lume carcu di silenziu... ». Una manera, fendu referenza nantu à u so situ, à Christian Bobin, scrivanu è pueta, di sprime in qualchì parolla, ciò chì pò esse l’anima artistica.
PH.P
Dissegni, pitture, ghjuvelli, libri, teatru, fole per i zitelli, u talente di Dumenica Fumaroli, chì prisenta a so prima mostra 2023 sin’à u 31 di marzu à a buttega « Signadora » in Bastia si sparghje in parechji duminii. Ma tutti intornu à una dimensione spirituale...
Donna « tocca » da issu qualcosa chì caratterizaghja l’artisti ciuttati ind’una dimensione spirituale, Dumenica Fumaroli, dava, à u principiu di ferraghju scorsu, una mostra-a so prima di l’annu 2023-. L’occasione di sfuglià, à traversu una vintena di e so pitture, un percorsu misticu à u sensu u più nobile di u vucabulu. « M’hè sempre piaciutu à fà dissegni,
spiega l’artista, di fattu, aghju pintu è culuritu da zitella. Sò nata ind’e iss’universu quì. Hè qualcosa chì hà sempre accumpagnatu in u mo percorsu. » Un percorsu principiatu zitella quand’ella cullava, passendu per a bocca di Verde da sopra à Ghisoni, in Palleca, unu di i so dui paesi (l’altru hè Muna). « I culori di u vaghjime mi facianu pienghje, aghjusta l’artista,
hè quì, pensu, ch’aghju pigliatu issu versu quì. »
Cusì, Dumenica face e so prime pitture. Cù dighjà un gustu per l’astrattu. « Ci hè una dimensione spirituale ind’e l’arte è à dilla franca, sò stata dinò ciutatta in issu mondu quì. In casa, i libri metafisichi è a litteratura fantastica eranu numerosi. Anu sulcatu u me percorsu. »
Da l’astrattu à u spirituale
Dopu à una scularità in Palleca (primariu) è in Bastia, parte à studià in Parrighji sin’à a facultà eppo si ne volta in Corti in arti plastichi. Nanzu di principià, à appena più di vinti anni, à fà ne u so mistieru. Frà tempu, a donna si mette à scrive fole per zitelli, a creà ghjuvelli, sempre nantu à a tematica spirituale, è cullà nantu à una scena à fà u teatru. « Ma ciò chì mi garba u più hèdi pinghje è fà dissegni. Praticheghju cù l’acrilicu o l’inchjostru di China. Mi piacenu dinò i culori... »
U primu di ferraghju scorsa, principiava una mostra à a buttega « Signadore » in Bastia, cù una vintena di tele. L’artista hà vulsutu aduprà appena tutte e simboliche ch’anu sulcatu u so percorsu : a massuneria, u Cristianisimu, a Cabbale, e tradizione d’oriente...u tuttu à mezu una spezia di scenariu. « Un percorsu spirituale induve a ghjente deve lascià si purtà da a magia mistica di e pitture. Dopu, tocca à ognunu di risente à a so manera... »
Nantu à e so tele, l’artista dà vita à persunaghji chì ci facenu pensà à a mitulugia (anghjuli, stelle, luna, sole...) qualchì arcane maiò, dinò, di u « Tarot » iniziaticu, u tuttu in biancu è neru o ancu culuritu. Subbitu, si entre ind’u mondu purtatu da norme diferente di u mondu di tutti i ghjorni. A donna nuda cù i quattru animali chì caratterizeghjanu i quattru elementi è i quattru vangelisti, da, nantu à u fondu neru, simbolu d’una spezia di silenziu eternu, porta u publicu in l’incuscente cullettivu. À a fine di u percorsu, i quattru cavalieri di l’apocalipisu...Una mostra da scopre sin’à u 31 di marzu. L’avvene ? L’artista serà nantu à a scena di l’Aghja in Aiacciu, u primu d’aprile per un « stand up » cù u sparticomedyclub. À a fine di l’annu, prisenterà una nova edizione di u so libru per zitelli « L’alchimiste » ch’ùn hà nulla à chì vede cù Coelho. È di sicuru, cuntinueghja à fà campà à so passione di. Pinghje. « Un pittore hè qualchissia chì asciuva u vetru trà u mondu è noi d’una lumera, cù un stracciu di lume carcu di silenziu... ». Una manera, fendu referenza nantu à u so situ, à Christian Bobin, scrivanu è pueta, di sprime in qualchì parolla, ciò chì pò esse l’anima artistica.
PH.P
