Sapè Fà : << Regalu di dolcezza >> , u sapè fà di Ghjaseppu Bernardi
Stallatu in a Ghisunaccia, Ghjaseppu Bernardi, autodidattu è anzianu cumerciale, face dapoi u 2013, prduzzione di savoni, balsami, olii essenziali è perfumi…
« Regalu di dolcezza », u sapè fà di Ghjaseppu Bernardi
Stallatu in a Ghisunaccia, Ghjaseppu Bernardi, autodidattu è anzianu cumerciale, face dapoi u 2013, prduzzione di savoni, balsami, olii essenziali è perfumi…
Quale hè, in Corsica, ch’ùn hè mai statu in cuntattu cù a machja, ch’ùn hà mai sentitu u perfumu di e piante salvaticu di Corsica ? Pochi à dilla franca. Ma per ciò chì tocca à Ghjaseppu Bernardi, issa passione zitellina hè diventata dapoi più di dece anni, un mistieru. « Sò statu ciuttatu in iss’ambianza quì, spiega l’artisgianu, zitellu, fighjulava a mo minnana fà siccà i panni fora vicinu à a machja in Ghisoni. Iss’odori quì m’anu sempre viculatu... »
Odori sculpiti in a so mente è chì anu da sorte appena più tardi. Frà tempu, Ghjaseppu Bernardi hà da cunnosce parechji mistieri. « Ci vulia à campà », ripiglia l’omu, aghju fattu a me vita in u cumerciu ma aghju sempre tenutu, in core à mè, l’amore di e piante. »
2013 : una strada nova
Un amore chì, liatu à u destinu, l’hà da purtà nantu à una strada nova. « Sò statu malatu è mi sò curatu ghjust’appuntu cù e piante. Ci ne vole fà casu. »
Semu in u 2012. Dopu à l’arrestu di u so travagliu, Ghjaseppu Bernardi decide di principià un’attività nova : a pruduzzione di savoni. Ne face a sapunificazione à fretu. Un annu dopu, nasce l’impresa « Regalu di dolcezza ». È à u listessu tempu, u so figliolu, Massimu, ampara u mistieru. « Ci vulia à esse più prufessiunale. hè pertutu à studià in Forcalquier (Pruvenza) per vene à travaglià cù mecu. »
Nepita, mente, arancia, eccu unepochi di perfumi di i savoni ch’ellu prupone.
In u 2014, l’artisgianu vole allargà a so attività. Compra un alambiccu chì li permette di principià l’olii essenziali. « Marca un tempu maiò. Ci semu messi à issa tematica quì, prima cù una pianta impurtante di Corsica ; a muredda. Ma avemu cuntinuatu cù d’altre : a mortula, l’arifogliu, u ghjineparu, u laricciu. Eppo avemu cultivatu una spezia di muredda particulare chì cresce vicinu à Vezzani à 800 metri d’altitudine. Adupremu dinò a lavanda di Pruvenzia. »
2018 è 2022 : dui perfumi
À pocu à pocu, Ghjaseppu Bernardi sviluppa a so attività. Compra un terrenu di 20 ettari induve pò cultivà e piante c’ùn sò micca salvatiche. « U fattu d’avè un me figlioliu à cantu à mè mi permette di travaglià nantu e piante. Massimu gestisce tuttu ciò chì tocca à l’oliu essenziali, ed eu possu nittà i terreni, smachjà, taglià, caccià i lamaghji chì crescenu. »
A gama s’hè allargata : savoni, balsami, olii essenziali, olii di massagiu, u tuttu da a pianta à u pruduttu. À partesi da u 2018, « Regalu di dolcezza » piglia torna un’altra strada cù a nascita di dui perfumi : « l’inamurati » è l’ultimu « ribellu », natu à a fine di l’annu scorsu è fattu cù u ghjineparu. « Ma i prudutti maiò, assicureghja Ghjaseppu Bernardi, sò fattu cù a muredda, pianta endemica o salvatica di Corsica...D’estate, giremu e fiere di Corsica, u resttu di u tempu hè dedicatu à a prudizzione... »
Cusì, è da babbu à figliolu, issa passione zitellina hè tramandata ind’un spiritu nustrale è sputicu per sbuccà nantu à prudutti di qualità maiò. Da pruvà…
Ph.P.
Regalu di dolcezza
Casa Ciarlinu
20240, Ghisonaccia « Gare »
tel : 06-80-28-31-52
www.regaludidolcezza.com
Stallatu in a Ghisunaccia, Ghjaseppu Bernardi, autodidattu è anzianu cumerciale, face dapoi u 2013, prduzzione di savoni, balsami, olii essenziali è perfumi…
Quale hè, in Corsica, ch’ùn hè mai statu in cuntattu cù a machja, ch’ùn hà mai sentitu u perfumu di e piante salvaticu di Corsica ? Pochi à dilla franca. Ma per ciò chì tocca à Ghjaseppu Bernardi, issa passione zitellina hè diventata dapoi più di dece anni, un mistieru. « Sò statu ciuttatu in iss’ambianza quì, spiega l’artisgianu, zitellu, fighjulava a mo minnana fà siccà i panni fora vicinu à a machja in Ghisoni. Iss’odori quì m’anu sempre viculatu... »
Odori sculpiti in a so mente è chì anu da sorte appena più tardi. Frà tempu, Ghjaseppu Bernardi hà da cunnosce parechji mistieri. « Ci vulia à campà », ripiglia l’omu, aghju fattu a me vita in u cumerciu ma aghju sempre tenutu, in core à mè, l’amore di e piante. »
2013 : una strada nova
Un amore chì, liatu à u destinu, l’hà da purtà nantu à una strada nova. « Sò statu malatu è mi sò curatu ghjust’appuntu cù e piante. Ci ne vole fà casu. »
Semu in u 2012. Dopu à l’arrestu di u so travagliu, Ghjaseppu Bernardi decide di principià un’attività nova : a pruduzzione di savoni. Ne face a sapunificazione à fretu. Un annu dopu, nasce l’impresa « Regalu di dolcezza ». È à u listessu tempu, u so figliolu, Massimu, ampara u mistieru. « Ci vulia à esse più prufessiunale. hè pertutu à studià in Forcalquier (Pruvenza) per vene à travaglià cù mecu. »
Nepita, mente, arancia, eccu unepochi di perfumi di i savoni ch’ellu prupone.
In u 2014, l’artisgianu vole allargà a so attività. Compra un alambiccu chì li permette di principià l’olii essenziali. « Marca un tempu maiò. Ci semu messi à issa tematica quì, prima cù una pianta impurtante di Corsica ; a muredda. Ma avemu cuntinuatu cù d’altre : a mortula, l’arifogliu, u ghjineparu, u laricciu. Eppo avemu cultivatu una spezia di muredda particulare chì cresce vicinu à Vezzani à 800 metri d’altitudine. Adupremu dinò a lavanda di Pruvenzia. »
2018 è 2022 : dui perfumi
À pocu à pocu, Ghjaseppu Bernardi sviluppa a so attività. Compra un terrenu di 20 ettari induve pò cultivà e piante c’ùn sò micca salvatiche. « U fattu d’avè un me figlioliu à cantu à mè mi permette di travaglià nantu e piante. Massimu gestisce tuttu ciò chì tocca à l’oliu essenziali, ed eu possu nittà i terreni, smachjà, taglià, caccià i lamaghji chì crescenu. »
A gama s’hè allargata : savoni, balsami, olii essenziali, olii di massagiu, u tuttu da a pianta à u pruduttu. À partesi da u 2018, « Regalu di dolcezza » piglia torna un’altra strada cù a nascita di dui perfumi : « l’inamurati » è l’ultimu « ribellu », natu à a fine di l’annu scorsu è fattu cù u ghjineparu. « Ma i prudutti maiò, assicureghja Ghjaseppu Bernardi, sò fattu cù a muredda, pianta endemica o salvatica di Corsica...D’estate, giremu e fiere di Corsica, u resttu di u tempu hè dedicatu à a prudizzione... »
Cusì, è da babbu à figliolu, issa passione zitellina hè tramandata ind’un spiritu nustrale è sputicu per sbuccà nantu à prudutti di qualità maiò. Da pruvà…
Ph.P.
Regalu di dolcezza
Casa Ciarlinu
20240, Ghisonaccia « Gare »
tel : 06-80-28-31-52
www.regaludidolcezza.com
