Sapè Fà : U percorsu << designer >> di Fabien Martinet
Un cuncettu chi piglia e so radiche in l'arte primitivu par dà cullane,....
Sapè fà : U percorsu « designer » di Fabien Martinet
Stallatu in Aiacciu, iss’artisgianu quì cuncepisce ghjuvelli di qualità maiò à partesi d’arnesi numerichi. Un cuncettu chì piglia e so radiche in l’arte primitivu per dà cullane, pindini, braccialetti è anelli...
Sfruttà tutti i sicreti dii ghjuvellu, cum’è s’elli eranu surtiti da scavi archeologiche, eccu u scopu di Fabien Martinet, un artisgianu aiaccinu. Ma l’omu hè passatu nanzu, in l’arte...pitturale. « M’hè sempre piaciutu, da zitelli di pinghje, spiega l’artistu, ci hè un rapportu particulare trà a tele è l’omu. Un rapportu astrattu ch’ùn si pò cuncepisce di manera intelletuale. »
Da u stilisimu à u muvimentu astrattu
Passiunatu da tuttu ciò chì tocca ghjst’appuntu à l’arte astrattu, Fabien Martinet seguita, dopu à un primu percorsu in u dissegnu, una furmazione di stilistu indu’un istitutu superiore di l’arti appiegati. Ma quandu ellu scopre u muvimentu astrattu à l’Academia di Port Royal, si mette à travaglià intornu à iss’arte quì. « Un arte chì ci apre certe porte, aghjusta l’artistu di l’epica, circhemu sempre à sfruttà l’imaginariu... »
Dopu à qualchì mostra, à spessu in Parrighji, induve ellu stà, scopre, in u 2018, un altru universu:quellu di a fotografia cù una ricerca chì piglia e so radiche, sta volta, inde l’esteticu giappunese, chjamatu « wabi-sabi ». « In iss’arte quì, truvemu induve ciò chì hà campatu, una bellezza prufonda...Hè ciò chì mi piacia assai. »
A scuperta di l’impressione 3D
È un annu dopu, ghjè l’impressione 3D chì hà da sulcà u so percorsu prufessiunale. Li permette d’apre, dopu à tante sperienze passate, d’altre porte è masimu, pussibilità creative. « Aghju travagliatu à nantu, mi sò furmatu è aghju sceltu a creazione di ghjuvelli. Hè qualcosa di stranu, esiste dapoi sempre, hà un’identità propria è conta a so storia, carcu di simboli è di misteri... »
In u 2021, l’artistu cumencia e so prime creazione, mischiendu, ghjust’appuntu, e tecnulugie liate à u 3D è un sapè fà artisgianale. Un inseme chì dà ghjuvelli è ugetti di qualità maiò. Cullezione arrimbate nantu à u so percorsu. « Truvà a bellezza in qualcosa ch’ùn hè perfettu chè u caratteru d’un ugettu nasce da u so percorsu à mezu à l’omi. Hè per quessu chè a forma di i me ghjuvelli ùn hè « perfetta ». Hè una scelta creativa. »
Tutti i ghjuvelli sò fatti in argente, stagnu, ramu ma Fabien pò dinò aduprà u legnu, u bronzu. L’inseme si spicca in duie gamme di prudutti : annelli, braccialetti, cullane, pindini cù una fabricazione secondu à u ghjuvellu chì pò andà da 2 à 8 ghjorni. « Tuttu hè fattu sopra piazza è subbitu dopu à a cumanda. »
À partesi di l’annu scorsu, Fabien Martinet sceglie di cuncentrà u so travagliu nantu à d’altre metode di fabricazione, sempre intornu à l’argente, u ramu è u stagnu. Sceglie « lab42°9 » per definisce a so attività. « Lab cum’è laburatoriu di fabricazione è 42°9, l’impiazzamentu geugraficu di u locu : a Corsica. »
Fabien Martinet travaglia solu, in u so attellu in Aiacciu. Da a fabricazione sin’à a fasa cumerciale. Un artistu da seguità…
Ph.P.
Fabien Martinet, lab429
www.lab429.com
Stallatu in Aiacciu, iss’artisgianu quì cuncepisce ghjuvelli di qualità maiò à partesi d’arnesi numerichi. Un cuncettu chì piglia e so radiche in l’arte primitivu per dà cullane, pindini, braccialetti è anelli...
Sfruttà tutti i sicreti dii ghjuvellu, cum’è s’elli eranu surtiti da scavi archeologiche, eccu u scopu di Fabien Martinet, un artisgianu aiaccinu. Ma l’omu hè passatu nanzu, in l’arte...pitturale. « M’hè sempre piaciutu, da zitelli di pinghje, spiega l’artistu, ci hè un rapportu particulare trà a tele è l’omu. Un rapportu astrattu ch’ùn si pò cuncepisce di manera intelletuale. »
Da u stilisimu à u muvimentu astrattu
Passiunatu da tuttu ciò chì tocca ghjst’appuntu à l’arte astrattu, Fabien Martinet seguita, dopu à un primu percorsu in u dissegnu, una furmazione di stilistu indu’un istitutu superiore di l’arti appiegati. Ma quandu ellu scopre u muvimentu astrattu à l’Academia di Port Royal, si mette à travaglià intornu à iss’arte quì. « Un arte chì ci apre certe porte, aghjusta l’artistu di l’epica, circhemu sempre à sfruttà l’imaginariu... »
Dopu à qualchì mostra, à spessu in Parrighji, induve ellu stà, scopre, in u 2018, un altru universu:quellu di a fotografia cù una ricerca chì piglia e so radiche, sta volta, inde l’esteticu giappunese, chjamatu « wabi-sabi ». « In iss’arte quì, truvemu induve ciò chì hà campatu, una bellezza prufonda...Hè ciò chì mi piacia assai. »
A scuperta di l’impressione 3D
È un annu dopu, ghjè l’impressione 3D chì hà da sulcà u so percorsu prufessiunale. Li permette d’apre, dopu à tante sperienze passate, d’altre porte è masimu, pussibilità creative. « Aghju travagliatu à nantu, mi sò furmatu è aghju sceltu a creazione di ghjuvelli. Hè qualcosa di stranu, esiste dapoi sempre, hà un’identità propria è conta a so storia, carcu di simboli è di misteri... »
In u 2021, l’artistu cumencia e so prime creazione, mischiendu, ghjust’appuntu, e tecnulugie liate à u 3D è un sapè fà artisgianale. Un inseme chì dà ghjuvelli è ugetti di qualità maiò. Cullezione arrimbate nantu à u so percorsu. « Truvà a bellezza in qualcosa ch’ùn hè perfettu chè u caratteru d’un ugettu nasce da u so percorsu à mezu à l’omi. Hè per quessu chè a forma di i me ghjuvelli ùn hè « perfetta ». Hè una scelta creativa. »
Tutti i ghjuvelli sò fatti in argente, stagnu, ramu ma Fabien pò dinò aduprà u legnu, u bronzu. L’inseme si spicca in duie gamme di prudutti : annelli, braccialetti, cullane, pindini cù una fabricazione secondu à u ghjuvellu chì pò andà da 2 à 8 ghjorni. « Tuttu hè fattu sopra piazza è subbitu dopu à a cumanda. »
À partesi di l’annu scorsu, Fabien Martinet sceglie di cuncentrà u so travagliu nantu à d’altre metode di fabricazione, sempre intornu à l’argente, u ramu è u stagnu. Sceglie « lab42°9 » per definisce a so attività. « Lab cum’è laburatoriu di fabricazione è 42°9, l’impiazzamentu geugraficu di u locu : a Corsica. »
Fabien Martinet travaglia solu, in u so attellu in Aiacciu. Da a fabricazione sin’à a fasa cumerciale. Un artistu da seguità…
Ph.P.
Fabien Martinet, lab429
www.lab429.com
