<< A so strada-l'ombralume >> l'ambiu festivu di u gruppu << Orizonte >>
Natu in tempu di l’anni ottanta, issu gruppu, chì dapoi, hà fattu a so strada in l’universu di u cantu corsu, hà prisentatu, u quattordeci d’aprile scorsu à u teatru municipale di Bastia, un spettaculu, fruttu di u so ultimu dischettu « A so strada-L’omb
L’ambiu festivu di u gruppu « Orizonte »
Natu in tempu di l’anni ottanta, issu gruppu, chì dapoi, hà fattu a so strada in l’universu di u cantu corsu, hà prisentatu, u quattordeci d’aprile scorsu à u teatru municipale di Bastia, un spettaculu, fruttu di u so ultimu dischettu « A so strada-L’ombralume ». L’occasione di sfruttà u percorsu d’una struttura creata da i fratelli Andreucetti…
U gruppu Orizonte hè, nanzu à tuttu, a storia di dui fratelli. Ghjuvan Maria è Rinatu Andreucetti. Sò elli ch’anu creatu a squadra in u 1987. Una squadra, chì ci vole à dilla, t’hà a so particularità, quella d’una musica assai muderna hè festiva. « Hè ciò chì ci curresponde, spiega Rinatu, unu di i dui capimachji di a struttura, avemu sempre circatu à sviluppà issu genaru di musica. L’ambiu festivu porta qualcosa in più à a ghjente, masimu in i tempi ch’è noi campemu. »
Arrimbati nantu à influenze diferente, u cantu corsu, sicuru, ma dinò è sopratuttu, quelle d’America suttana, i fratelli Andreucetti escenu un primu dischettu « Sognu » cù un’adattazione magnifica di a famosa canzona « El Condor Passa », in Corsu. Chì dà, d’altronde, un filu di u gruppu. D’altri dischetti anu da seguità è sulcà u percorsu di u gruppu : « A bandera » (1992), « Messageri » (1993), « Testa Mora » (1994), « Voce è ritimi » (1997), « Mondi » (1998), « Liberi » (2000), « Una terra » (2012) è ancu « Sole Altu » (2016). Frà tempu, u gruppu travaglia dinò nantu à cumpilazione di e più belle canzone corse...Strada facendu, a squadra riesce à impone u so stilu particulare induve ritruvemu dinò canti più dolci cum’è « Passione » o « A canzona di babbone ». Ma face a so nuturietà cù « A bandera » è sopratuttu « Testa Mora »...Pian’pianinu, s’acconcianu strumenti chì solcanu issu generu : bandonéon, charango è ancu sunettu, percussione. A ghjunta à u pianò, di Petru Agostinettu, porta una culurazione supplementaria. Cusì, a squadra travaglia nantu à un dischettu novu esciutu d’ottobre scorsu, « A so strada-L’ombralume ». Dicenove tituli chì trattanu sempre di e tematiche di a sucetà corsa.
« A so strada-l’ombralume »: Dicenove tituli
« Un dischettu natu in tempi di a pandemia, aghjusta Rinatu Andreucettu, cantemu l’anima di a nostra terra è tematiche oghjinche cum’è l’avvene di a ghjuventù, a speculazione, canzone varie, certe dolce è d’altre cù un ritimu più impurtante. Hè, d’altronde, ciò chì face a diversità di u gruppu. »
I dui fratelli anu scrittu è cumpostu a maiò parte di i tituli ma ùn sò micca soli. Anghjulu Orati (« Tempu », « cantadore », « Corsu mi ne stò »…), Jean-André Roudière (« U bancu ») o Francescu Maria Angeleri (« Chì più bellu n’ùn ci hè »). « Ci era a piazza per mette dinò d’altri canti ma ci simu piantati à 19. U restu serà per un prussimu dischettu... »
Orizonte hà prisentatu u so spettaculu à u teatru di Bastia u 14 d’aprile scorsu davanti à un publicu cunquistu di sente isse canzone nove à fiancu à d’altre. A squadra principia avà una girata in Corsica è altrò per fà a prumuzione di u so opus.
Ph.P.
Orizonte
Rinatu è Ghjuvan Maria Andreucetti : ghitarra è voce
Petru Agostinetti : pianò, tastiera
Rémy Chaillan : percussione
Jean-Henry Brandone : ghitarra bassa, ghitarra, charango), François Devun (viulinu), David Crucciani (percussione), Stefanu Andreucetti (voce, ghitarra, bassa), Lisandru Andreucetti (voce)…
Natu in tempu di l’anni ottanta, issu gruppu, chì dapoi, hà fattu a so strada in l’universu di u cantu corsu, hà prisentatu, u quattordeci d’aprile scorsu à u teatru municipale di Bastia, un spettaculu, fruttu di u so ultimu dischettu « A so strada-L’ombralume ». L’occasione di sfruttà u percorsu d’una struttura creata da i fratelli Andreucetti…
U gruppu Orizonte hè, nanzu à tuttu, a storia di dui fratelli. Ghjuvan Maria è Rinatu Andreucetti. Sò elli ch’anu creatu a squadra in u 1987. Una squadra, chì ci vole à dilla, t’hà a so particularità, quella d’una musica assai muderna hè festiva. « Hè ciò chì ci curresponde, spiega Rinatu, unu di i dui capimachji di a struttura, avemu sempre circatu à sviluppà issu genaru di musica. L’ambiu festivu porta qualcosa in più à a ghjente, masimu in i tempi ch’è noi campemu. »
Arrimbati nantu à influenze diferente, u cantu corsu, sicuru, ma dinò è sopratuttu, quelle d’America suttana, i fratelli Andreucetti escenu un primu dischettu « Sognu » cù un’adattazione magnifica di a famosa canzona « El Condor Passa », in Corsu. Chì dà, d’altronde, un filu di u gruppu. D’altri dischetti anu da seguità è sulcà u percorsu di u gruppu : « A bandera » (1992), « Messageri » (1993), « Testa Mora » (1994), « Voce è ritimi » (1997), « Mondi » (1998), « Liberi » (2000), « Una terra » (2012) è ancu « Sole Altu » (2016). Frà tempu, u gruppu travaglia dinò nantu à cumpilazione di e più belle canzone corse...Strada facendu, a squadra riesce à impone u so stilu particulare induve ritruvemu dinò canti più dolci cum’è « Passione » o « A canzona di babbone ». Ma face a so nuturietà cù « A bandera » è sopratuttu « Testa Mora »...Pian’pianinu, s’acconcianu strumenti chì solcanu issu generu : bandonéon, charango è ancu sunettu, percussione. A ghjunta à u pianò, di Petru Agostinettu, porta una culurazione supplementaria. Cusì, a squadra travaglia nantu à un dischettu novu esciutu d’ottobre scorsu, « A so strada-L’ombralume ». Dicenove tituli chì trattanu sempre di e tematiche di a sucetà corsa.
« A so strada-l’ombralume »: Dicenove tituli
« Un dischettu natu in tempi di a pandemia, aghjusta Rinatu Andreucettu, cantemu l’anima di a nostra terra è tematiche oghjinche cum’è l’avvene di a ghjuventù, a speculazione, canzone varie, certe dolce è d’altre cù un ritimu più impurtante. Hè, d’altronde, ciò chì face a diversità di u gruppu. »
I dui fratelli anu scrittu è cumpostu a maiò parte di i tituli ma ùn sò micca soli. Anghjulu Orati (« Tempu », « cantadore », « Corsu mi ne stò »…), Jean-André Roudière (« U bancu ») o Francescu Maria Angeleri (« Chì più bellu n’ùn ci hè »). « Ci era a piazza per mette dinò d’altri canti ma ci simu piantati à 19. U restu serà per un prussimu dischettu... »
Orizonte hà prisentatu u so spettaculu à u teatru di Bastia u 14 d’aprile scorsu davanti à un publicu cunquistu di sente isse canzone nove à fiancu à d’altre. A squadra principia avà una girata in Corsica è altrò per fà a prumuzione di u so opus.
Ph.P.
Orizonte
Rinatu è Ghjuvan Maria Andreucetti : ghitarra è voce
Petru Agostinetti : pianò, tastiera
Rémy Chaillan : percussione
Jean-Henry Brandone : ghitarra bassa, ghitarra, charango), François Devun (viulinu), David Crucciani (percussione), Stefanu Andreucetti (voce, ghitarra, bassa), Lisandru Andreucetti (voce)…
