A Corsica si mette à l'ora di a festa di a lingua
RImessa di maghju scorsu per via di a crisa sanitaria, a festa di a lingua, urganizara avale dapoi parechji ani in tutta l'isula.......
A Corsica si mette à l’ora di a festa di a lingua
Rimessa di maghju scorsu per via di a crisa sanitaria, a festa di a lingua, urganizata avale dapoi parechji anni in tutta l’isula, hè stata principiata a settimana scorsa è anderà sin’à l’ottu di dicembre.
Trà cunferenze, debatiti, animazione diverse, hè l’occasione di prumove a lingua nustrale è di mette, à tempu in vale, a cultura è a storia…
Evenimentu culturale, storicu è linguisticu maiò dapoi u 2012, a festa di a lingua permette à tutti l’attori cuncernati di mette in piazza attelli diversi per prumove ghjust’à puntu, ciò chì tocca à e nostre radiche. Parlà, scrive, ascultà, fà campà a lingua… Cusì, è cù l’impegnu di tutti, issa manifestazione, chì hè stata principiata cù una settimana « A settimana di a lingua » da per tuttu in Corsica, hè sbuccata nantu à manifestazione d’un mese è ancu di più. « Hè segnu chì e cose avanzanu, spiega Saveriu Luciani, cunsiglieru esecutivu in carica di a lingua corsa, tuttu u mondu s’impegna à prò di a prumuzione di a lingua. Hè una bona…U sviluppu di a lingua corsa, pillastru maiò di a pulitica di a Cullettività di Corsica si scrive in azzione à longu andà (furmazione, stampa, partenariatu cù l’Educazione Naziunale) ma dinò in azzione più puntuale cum’è a Festa di a lingua. »
Dui mesi è mezu
Ancu s’è u scopu saria d’andà aldilà (cuufficialità, manifestazione durante tutta l’annata…), u fattu di cuncentrà si durante una perioda definita riprisenta dighjà monda per fà campà a lingua. Masimu chè i locutori i più anziani, quelli arradicati à un estru oghje sparitu partenu à pocu à pocu…Inizialmente prevista, questu annu da l’ondeci di maghju à u tredeci di lugliu, u cuntestu particulare liatu à a crisa sanitaria hà impostu un riportu di a manifestazione à d’altre date: da sabbatu scorsu, u 26 di settembre (ghjurnata aurupea di e lingue minuritarie) à marti l’ottu di decembre prussimu (festa di a Nazione)...
42 attori, 28 associ
Cusì è dapoi una settimana, a manifestazione adunisce à pocu à pocu è sin’à l’ottu di dicembre, quarantadui attori, è vintottu associ chì s’anu da sparte l’impegnu : cunferenze, debatiti, ghjochi, attelli diversi (cantu, musica, ballu, teatru). « Riprisenta quantunque una cresciuta di 60% di risposte favurevule masimu cù l’impegnu di cinque imprese, ottu cumune è un centru di furmazione… »
Frà tempu, à u nivellu puliticu, dui rapporti in leia cù a lingua, sò passati in sessione a settiman scorsa : u primu quellu di a festa (420000 e) è l’altru per ciò chì tocca à e case di a lingua (560000 e). Ancu s’è a strada hè longa, e cose avanzanu pian’pianinu…
Lien
F.P.
Rimessa di maghju scorsu per via di a crisa sanitaria, a festa di a lingua, urganizata avale dapoi parechji anni in tutta l’isula, hè stata principiata a settimana scorsa è anderà sin’à l’ottu di dicembre.
Trà cunferenze, debatiti, animazione diverse, hè l’occasione di prumove a lingua nustrale è di mette, à tempu in vale, a cultura è a storia…
Evenimentu culturale, storicu è linguisticu maiò dapoi u 2012, a festa di a lingua permette à tutti l’attori cuncernati di mette in piazza attelli diversi per prumove ghjust’à puntu, ciò chì tocca à e nostre radiche. Parlà, scrive, ascultà, fà campà a lingua… Cusì, è cù l’impegnu di tutti, issa manifestazione, chì hè stata principiata cù una settimana « A settimana di a lingua » da per tuttu in Corsica, hè sbuccata nantu à manifestazione d’un mese è ancu di più. « Hè segnu chì e cose avanzanu, spiega Saveriu Luciani, cunsiglieru esecutivu in carica di a lingua corsa, tuttu u mondu s’impegna à prò di a prumuzione di a lingua. Hè una bona…U sviluppu di a lingua corsa, pillastru maiò di a pulitica di a Cullettività di Corsica si scrive in azzione à longu andà (furmazione, stampa, partenariatu cù l’Educazione Naziunale) ma dinò in azzione più puntuale cum’è a Festa di a lingua. »
Dui mesi è mezu
Ancu s’è u scopu saria d’andà aldilà (cuufficialità, manifestazione durante tutta l’annata…), u fattu di cuncentrà si durante una perioda definita riprisenta dighjà monda per fà campà a lingua. Masimu chè i locutori i più anziani, quelli arradicati à un estru oghje sparitu partenu à pocu à pocu…Inizialmente prevista, questu annu da l’ondeci di maghju à u tredeci di lugliu, u cuntestu particulare liatu à a crisa sanitaria hà impostu un riportu di a manifestazione à d’altre date: da sabbatu scorsu, u 26 di settembre (ghjurnata aurupea di e lingue minuritarie) à marti l’ottu di decembre prussimu (festa di a Nazione)...
42 attori, 28 associ
Cusì è dapoi una settimana, a manifestazione adunisce à pocu à pocu è sin’à l’ottu di dicembre, quarantadui attori, è vintottu associ chì s’anu da sparte l’impegnu : cunferenze, debatiti, ghjochi, attelli diversi (cantu, musica, ballu, teatru). « Riprisenta quantunque una cresciuta di 60% di risposte favurevule masimu cù l’impegnu di cinque imprese, ottu cumune è un centru di furmazione… »
Frà tempu, à u nivellu puliticu, dui rapporti in leia cù a lingua, sò passati in sessione a settiman scorsa : u primu quellu di a festa (420000 e) è l’altru per ciò chì tocca à e case di a lingua (560000 e). Ancu s’è a strada hè longa, e cose avanzanu pian’pianinu…
Lien
F.P.
