Sapè Fà : U percorsu artisticu di Cédric Thérin
Sviluppa u so travagliu in Calvi dapoi 17 anni..
Sapè fà : U percorsu artisticu di Cédric Thérin
Uriginariu di Nurmandia, issu ritrattadore specializatu in u ritrattu d’arte », campa d’una passione zitellina. Corsu di core, sviluppa u so travagliu in Calvi dapoi 17 anni…
Chjappà una sperienza, un’emuzione o un qualcusellu di a vita cutidiana di qualchissia, eccu u scopu di Cédric Thérin, un famosu ritrattadore stallatu in Calvi dapoi 17 anni.
« Sò in Corsica dapoi l’età di 14 anni, spiega « l’artistu, autore », aghju fattu a mo scularità à u Fesch, in Aiacciu, eppo sò pertutu in Cuntinente è vultatu qualchì tempu dopu. »
A passione di u ritrattu
Senza esse statu ciuttatu in u bagnu di u ritrattu, issu mistieru s’hè, à pocu à pocu impostu, cù un ziu pittore è sopratuttu i so viaghju. « U viaghju, aghjusta Cédric, hè qualcosa d’impurtante in a mo vita. Aghju fattu i cinque Cuntinente, ùn sò più quantu paesi. Hè quì, fighjulendu a ghjente, ch’ella hà nata a passione di u ritrattu. »
Dopu à un percorsu di dece anni, uCédric Thérin si specializeghja in a fotografia d’arte. « Issu mistieru và aldilà di pichjà nantu à un buttone. In tutti casi, eiu aghju vulsutu andà aldilà d’issu fattu quì. »
A particularità di l’omu, hè ghjust’appuntu di chjappà un sintimu è di cuntà una storia. « Un ritrattu deve cuntà qualcosa è noi altri, ritrattadori, simu quì per testimugnà ne. »
Furmatu da u famosu Christian Simonpietri, fundatore di l’Agenza di stampa Sygma è specializatu in i culori è lumi, Cédric Thérin hà fattu a so strada sfruttendu u so travagliu intornu l’arti di manera generale. « Vogliu rende umaggiu à Christian, hè ellu chì m’hà amparatu tuttu. Issa manera ch’ellu t’avia d’andà andà aldilà di u ritrattu. Hè un arte ed eiu, aghju vulsutu cercà a leia cù a storia di l’arti. Tandu, l’aghju studiatu. »
Da riporti à mostre in u mondu sanu, u ritrattadore autore s’hè fattu nome è casata. Masimu cù tutti i so viaghji. « Cercu sempre à creà imagine chì sfruttanu parechje forme. È mi lasciu purtà da i mo viaghji è a mo curiosità per sulcà u mo travagliu. Di fattu, ùn aspettu micca norme sterne, chjappu imagine chì testimuneghjanu di a mo spressione. »
Un travagliu ricunnisciutu à l’occasione di dui cuncorsi induve elle hè statu premiatu : Cuncorsu Naziunale di u Centru Culturale di u Castellu de Laporte (maghju 2021) è u Cuncorsu Internaziunale Inoventa Awards (settembre 2021)...
CalviFornia : mischià l’arti
Una sperienza chì l’hà permessu di mischià u so arte cù quelllu d’Antò fils de Pop, specializatu, ellu, in u disegnu numericu. « Una bella sperienza. Facciu ritratti ed ellu pinghje à nantu.Mi piace assai à mischià l’arti è dinò à puntà e mo limite aldilà di ciò ch’eu possu fà... »
Cusì, hè natu u cuncettu « Calvifornia » è d’altri « Wake up », « Calvirama », « Freedom for free ». Tante mostre prisentate in Roma, Orléans, Parrighji, New-York…
Issi dui anni passati, Cédric Thérin hà, à tempu, travagliatu, piuttostu intornu à moda sta volta, cù 95 magazini specializati. Ma a so priurità stà u ritrattu d’arte. « In Corsica, avemu tuttu per sviluppà iss’arte quì. Tuttu, da una petra, un ciuttà di u sole, un fiore, un zitellu, un omu o una donna, conta una storia. Tocca à noi, di chjappà issu mumentu nanzu ch’ellu fughji... »
Un sguardu d’artistu nantu à a sucetà muderna è di sicuru, a sucetà corsa.
Ph.P.
Cédric Thérin
Résidence 1, l’Aniella
20260, Calvi
cuntattu : 06-19-22-16-36
itu internet : www.cedrictherin.com
Uriginariu di Nurmandia, issu ritrattadore specializatu in u ritrattu d’arte », campa d’una passione zitellina. Corsu di core, sviluppa u so travagliu in Calvi dapoi 17 anni…
Chjappà una sperienza, un’emuzione o un qualcusellu di a vita cutidiana di qualchissia, eccu u scopu di Cédric Thérin, un famosu ritrattadore stallatu in Calvi dapoi 17 anni.
« Sò in Corsica dapoi l’età di 14 anni, spiega « l’artistu, autore », aghju fattu a mo scularità à u Fesch, in Aiacciu, eppo sò pertutu in Cuntinente è vultatu qualchì tempu dopu. »
A passione di u ritrattu
Senza esse statu ciuttatu in u bagnu di u ritrattu, issu mistieru s’hè, à pocu à pocu impostu, cù un ziu pittore è sopratuttu i so viaghju. « U viaghju, aghjusta Cédric, hè qualcosa d’impurtante in a mo vita. Aghju fattu i cinque Cuntinente, ùn sò più quantu paesi. Hè quì, fighjulendu a ghjente, ch’ella hà nata a passione di u ritrattu. »
Dopu à un percorsu di dece anni, uCédric Thérin si specializeghja in a fotografia d’arte. « Issu mistieru và aldilà di pichjà nantu à un buttone. In tutti casi, eiu aghju vulsutu andà aldilà d’issu fattu quì. »
A particularità di l’omu, hè ghjust’appuntu di chjappà un sintimu è di cuntà una storia. « Un ritrattu deve cuntà qualcosa è noi altri, ritrattadori, simu quì per testimugnà ne. »
Furmatu da u famosu Christian Simonpietri, fundatore di l’Agenza di stampa Sygma è specializatu in i culori è lumi, Cédric Thérin hà fattu a so strada sfruttendu u so travagliu intornu l’arti di manera generale. « Vogliu rende umaggiu à Christian, hè ellu chì m’hà amparatu tuttu. Issa manera ch’ellu t’avia d’andà andà aldilà di u ritrattu. Hè un arte ed eiu, aghju vulsutu cercà a leia cù a storia di l’arti. Tandu, l’aghju studiatu. »
Da riporti à mostre in u mondu sanu, u ritrattadore autore s’hè fattu nome è casata. Masimu cù tutti i so viaghji. « Cercu sempre à creà imagine chì sfruttanu parechje forme. È mi lasciu purtà da i mo viaghji è a mo curiosità per sulcà u mo travagliu. Di fattu, ùn aspettu micca norme sterne, chjappu imagine chì testimuneghjanu di a mo spressione. »
Un travagliu ricunnisciutu à l’occasione di dui cuncorsi induve elle hè statu premiatu : Cuncorsu Naziunale di u Centru Culturale di u Castellu de Laporte (maghju 2021) è u Cuncorsu Internaziunale Inoventa Awards (settembre 2021)...
CalviFornia : mischià l’arti
Una sperienza chì l’hà permessu di mischià u so arte cù quelllu d’Antò fils de Pop, specializatu, ellu, in u disegnu numericu. « Una bella sperienza. Facciu ritratti ed ellu pinghje à nantu.Mi piace assai à mischià l’arti è dinò à puntà e mo limite aldilà di ciò ch’eu possu fà... »
Cusì, hè natu u cuncettu « Calvifornia » è d’altri « Wake up », « Calvirama », « Freedom for free ». Tante mostre prisentate in Roma, Orléans, Parrighji, New-York…
Issi dui anni passati, Cédric Thérin hà, à tempu, travagliatu, piuttostu intornu à moda sta volta, cù 95 magazini specializati. Ma a so priurità stà u ritrattu d’arte. « In Corsica, avemu tuttu per sviluppà iss’arte quì. Tuttu, da una petra, un ciuttà di u sole, un fiore, un zitellu, un omu o una donna, conta una storia. Tocca à noi, di chjappà issu mumentu nanzu ch’ellu fughji... »
Un sguardu d’artistu nantu à a sucetà muderna è di sicuru, a sucetà corsa.
Ph.P.
Cédric Thérin
Résidence 1, l’Aniella
20260, Calvi
cuntattu : 06-19-22-16-36
itu internet : www.cedrictherin.com
