A festa di a cultella corsa : 12 Août
Cutuli è Curtichjatu / 11ème édition / Fête de la coutellerie Corse
A festa di a cultella corsa
U paese di Cutuli è Curtichjatu si mette, issu sabbatu, à l’ora di a cultella corsa cù l’ondecesima edizione d’una manifestazione chì serà l’occasione di mette in vale un sapè fà anticu…
Sò avà ondeci anni chè u paese di Cutuli è Curtichjatu si mette à l’ora di a cultella cù una manifestazione chì hà fattu, dapoi, a so strada. Per prove, u publicu vene, tutti l’anni assai numerosu à visità issu paese di a Gravona, ma sopratuttu à fighjulà issu sapè anticu, quellu di i cultellaghji. « L’imbusca maiò quand’avemi creatu issa fiera in u 2015, spiega Ghjuvanni Biancucci, merre di a cumuna, era una manera di fà campà u paesi, è à tempu di mustrà un sapè fà chì hà fattu i so provi è una trafila chì, à pocu à pocu, cummencia à essa strutturata. »
Un sindicatu per sulcà un sapè fà
Purtatu da Ghjuvan Dumenicu Susini, u so presidente, u sindicatu, liatu, di sicuru à a fiera, adunisce, oghje, una trentena d’artisgiani chì devenu tutti rispettà una manera di travaglià per esse ricunisciuti. Masimu ch’ellu si dice chè iss’artisgianatu quì seria u più vechju di u Mediterraneu (più di 2000 anni). Ghjè cusì, chè dopu à una periode abbastanza difficiule, issa tradizione s’hè sviluppata. « Ci hè statu, aghjusta u merre di u paese, un muvimentu di fondu chì hà datu nascita à un artisgianatu di qualità. Cusì, l’artisgiani ani dicidu d’adunisciasi intornu à una struttura per difenda, ghjust’appuntu, u so sapè fà. »
U sindicatu di i cultellaghji corsi hà messu in piazza, dapoi qualchì annu, una demarchja cullettiva purtata da a Camera di i Mistieri è pruposta, per via di l’Adec, à a Cullettività di Corsica. Una demarchja chì hè sbuccata nantu à scopi precisi : urganizà a prufessione, difende l’interessi di i prufessiunali, favurizà a tramandera. « Un cartularu chì permetta di priservà l’identità di i cultelli corsi, di difenda u mistieru è u sapè fà, in fine di fà a diferenza trà un ugettu di qualità è un usu più cumerciali ch’ùn dà micca tutte i garantii necessarii. »
Un cartulare arrimbatu nantu à dui nivelli, « fattu in Corsica » è chì riposa nantu à l’eccelenza.
Una fiera per avè un spechju nantu à a prufessione
Ghjè cusì, in a cuntinuità di u sindicatu, ch’ella hè nata issa fiera in u 2015. L’occasione, masimu ind’un paese vicinu d’Aiacciu, di vene à scopre issu sapè fà cù cultellaghji rinumati per certi (Paulu Biancucci, figliolu di u merre, Ghjuvanni Rubini, Ghjuvan Dumenicu Susini, Ghjuvan Petru Ceccaldi, Antone Tramini è tanti altri. « Pà noi, hè l’occasioni d’essa messi in vali è di mustrà tutti i particularità di u nosciu travaddu. »
Issu dodeci d’aostu, s’aspetta forse u publicu maiò per una manifestazione in core di u paese induve a maiò parte di i cultellaghji di Corsica seranu prisente. À fiancu à elli, d’altri artisgiani è d’altri sapè per una ghjurnata chì li hè dedicata. À u prugramma, stazzunera di fiame, messa in forma di corne, sdrughjera di u bronzu è travagliu di u coghju. L’occasione di fà u spiazzamentu è, perchè micca, cumprà qualchì cultella o stilettu…
F.P.
Fiera di a cultella
Cutuli è Curtichjatu
Sabbatu u 12 d’aostu
Da 9.30 à mezanotte
U paese di Cutuli è Curtichjatu si mette, issu sabbatu, à l’ora di a cultella corsa cù l’ondecesima edizione d’una manifestazione chì serà l’occasione di mette in vale un sapè fà anticu…
Sò avà ondeci anni chè u paese di Cutuli è Curtichjatu si mette à l’ora di a cultella cù una manifestazione chì hà fattu, dapoi, a so strada. Per prove, u publicu vene, tutti l’anni assai numerosu à visità issu paese di a Gravona, ma sopratuttu à fighjulà issu sapè anticu, quellu di i cultellaghji. « L’imbusca maiò quand’avemi creatu issa fiera in u 2015, spiega Ghjuvanni Biancucci, merre di a cumuna, era una manera di fà campà u paesi, è à tempu di mustrà un sapè fà chì hà fattu i so provi è una trafila chì, à pocu à pocu, cummencia à essa strutturata. »
Un sindicatu per sulcà un sapè fà
Purtatu da Ghjuvan Dumenicu Susini, u so presidente, u sindicatu, liatu, di sicuru à a fiera, adunisce, oghje, una trentena d’artisgiani chì devenu tutti rispettà una manera di travaglià per esse ricunisciuti. Masimu ch’ellu si dice chè iss’artisgianatu quì seria u più vechju di u Mediterraneu (più di 2000 anni). Ghjè cusì, chè dopu à una periode abbastanza difficiule, issa tradizione s’hè sviluppata. « Ci hè statu, aghjusta u merre di u paese, un muvimentu di fondu chì hà datu nascita à un artisgianatu di qualità. Cusì, l’artisgiani ani dicidu d’adunisciasi intornu à una struttura per difenda, ghjust’appuntu, u so sapè fà. »
U sindicatu di i cultellaghji corsi hà messu in piazza, dapoi qualchì annu, una demarchja cullettiva purtata da a Camera di i Mistieri è pruposta, per via di l’Adec, à a Cullettività di Corsica. Una demarchja chì hè sbuccata nantu à scopi precisi : urganizà a prufessione, difende l’interessi di i prufessiunali, favurizà a tramandera. « Un cartularu chì permetta di priservà l’identità di i cultelli corsi, di difenda u mistieru è u sapè fà, in fine di fà a diferenza trà un ugettu di qualità è un usu più cumerciali ch’ùn dà micca tutte i garantii necessarii. »
Un cartulare arrimbatu nantu à dui nivelli, « fattu in Corsica » è chì riposa nantu à l’eccelenza.
Una fiera per avè un spechju nantu à a prufessione
Ghjè cusì, in a cuntinuità di u sindicatu, ch’ella hè nata issa fiera in u 2015. L’occasione, masimu ind’un paese vicinu d’Aiacciu, di vene à scopre issu sapè fà cù cultellaghji rinumati per certi (Paulu Biancucci, figliolu di u merre, Ghjuvanni Rubini, Ghjuvan Dumenicu Susini, Ghjuvan Petru Ceccaldi, Antone Tramini è tanti altri. « Pà noi, hè l’occasioni d’essa messi in vali è di mustrà tutti i particularità di u nosciu travaddu. »
Issu dodeci d’aostu, s’aspetta forse u publicu maiò per una manifestazione in core di u paese induve a maiò parte di i cultellaghji di Corsica seranu prisente. À fiancu à elli, d’altri artisgiani è d’altri sapè per una ghjurnata chì li hè dedicata. À u prugramma, stazzunera di fiame, messa in forma di corne, sdrughjera di u bronzu è travagliu di u coghju. L’occasione di fà u spiazzamentu è, perchè micca, cumprà qualchì cultella o stilettu…
F.P.
Fiera di a cultella
Cutuli è Curtichjatu
Sabbatu u 12 d’aostu
Da 9.30 à mezanotte
