27a edizione di "Mele in festa", trà cultura è trafila bugnaghjola
I respunsevuli di l’Associu « San Larenzu » urganizeghjanu issa dumenica, in Murzu, a vintisettesima edizione di « Mele in festa ». Un mumentu particulare cù a messa celebrata da Munsignore Bustillo, vescu di Corsica, è un cuncorsu per unurà u mele di l’a
27a edizione di « Mele in festa » : trà cultura è trafila bugnaghjola
I respunsevuli di l’Associu « San Larenzu » urganizeghjanu issa dumenica, in Murzu, a vintisettesima edizione di « Mele in festa ». Un mumentu particulare cù a messa celebrata da Munsignore Bustillo, vescu di Corsica, è un cuncorsu per unurà u mele di l’annu 2023…
Sò avà vintisett’anni chè l’associu San Larenzu mette in piazza u so appuntamentu ogni ultima dumenica di settembre. Vinticinsue s’è no cacciemu i dui anni di quellu siscu...A scumessa, à l’epica, di fà parlà, intornu à una tematica o piuttostu una trafila, di u paese hè stata una riesciuta tamanta. Quale hè ch’ùn cunnosce issu paese di i dui Sorru insù oghje. Ma issa riesciuta ùn hè a sola chè a trafila bugnaghjola, hà, à tempu, fattu a so strada. S’ella hè custretta di seguità l’evoluzione di u clima è i mignoculi chì attaccanu l’arburi, issa trafila si porta più o menu bè. In Murzu, u Parcu Naturale di Corsica hà apertu una casa di u mele cù appena di storia, tastera, presentazione di bugni...In paese, ci hè dinò u chjassu di l’ape chì permette di sapè ne di più nantu à l’ape, l’arburi o e piante…
Trafila bugnaghjola è sapè fà isulanu
Spechju maiò di a trafila, « Mele in Festa » hè monda aspettata ogni annu. « Si travaglia tuttu l’annu per esse prontu u ghjornu stessu, spiega Josée Cipriani, capimachja di l’associu San Larenzu, circhemu aiuti, appruntemu u prugramma, travagliemu intornu à a trafila cù i respunsevuli di l’AOP. »
Questu annu, più d’ottanta banchi seranu prisenti da l’entrata di u paese sin’à a strada di Muna. Artisgiani è pruduttori selezziunati di manera à mette in vale u sapè fà isulanu. Ghjochi diversi per i zitelli, spassighjata spinu à sumeri…
Dui mumenti maiò sò previsti. U primu serà, di sicuru, a celebrazione di a messa (cantata da i Muvrini), da Monsignore Bustillo, u vescu di Corsica, una settimana nanzu à a so creazione in tantu chè Cardinale, in Roma…
Un primu cuncorsu di mele
U secondu serà u primu cuncorsu di mele urganizatu da u sindicatu AOP Mele di Corsica, a FFRAAC è l’associu San Larenzu. «Respunsevuli di l’associu, o di l’AOP mele di Corsica, aghjusta Josée Cipriani, semu pertuti in Altiani à fà a tastera di sei meli diferenti, tutti in AOP. (melastru di a machja, mele di veranu, machja di veranu, machja d’estate, mele di castagnettu...) I resultati anu da permette di prisintà vi u mele 2023, à l’occasione di a ghjurnata « Mele in Festa ».
In u 2023, 163 bugnaghjoli sò stati abilitati in AOP, mele di Corsica. Ùn seranu micca tutti in Murzu ma s’hà da trattà di a trafila bugnaghjola. Tuttu, da l’origine di u pruduttu à e cundizione di pruduzzione, hè piazzatu sottu à u cuntrollu d’un urganisimu è di l’INAO. U mele di Corsica, hè u solu cù quellu di i Pini di e Vosges, à avè ottenutu l’AOP.
« Mele in festa », induve assai benevulenti s’anu da impegnà da u parcheghju à l’entrata di u paese, sin’à l’usteria da sopra à a ghjesgia, hè diventatu una fiera monda rinumata induve s’aspettanu guasgi 10000 persone ogni volta. Iss’edizione 2023 s’hà da compie cù e ghitarre è canzone di Ghjuvanu è Michaël, i dui cugini di u gruppu « Ozin », dui zitelli di issi lochi.
F.P.
I respunsevuli di l’Associu « San Larenzu » urganizeghjanu issa dumenica, in Murzu, a vintisettesima edizione di « Mele in festa ». Un mumentu particulare cù a messa celebrata da Munsignore Bustillo, vescu di Corsica, è un cuncorsu per unurà u mele di l’annu 2023…
Sò avà vintisett’anni chè l’associu San Larenzu mette in piazza u so appuntamentu ogni ultima dumenica di settembre. Vinticinsue s’è no cacciemu i dui anni di quellu siscu...A scumessa, à l’epica, di fà parlà, intornu à una tematica o piuttostu una trafila, di u paese hè stata una riesciuta tamanta. Quale hè ch’ùn cunnosce issu paese di i dui Sorru insù oghje. Ma issa riesciuta ùn hè a sola chè a trafila bugnaghjola, hà, à tempu, fattu a so strada. S’ella hè custretta di seguità l’evoluzione di u clima è i mignoculi chì attaccanu l’arburi, issa trafila si porta più o menu bè. In Murzu, u Parcu Naturale di Corsica hà apertu una casa di u mele cù appena di storia, tastera, presentazione di bugni...In paese, ci hè dinò u chjassu di l’ape chì permette di sapè ne di più nantu à l’ape, l’arburi o e piante…
Trafila bugnaghjola è sapè fà isulanu
Spechju maiò di a trafila, « Mele in Festa » hè monda aspettata ogni annu. « Si travaglia tuttu l’annu per esse prontu u ghjornu stessu, spiega Josée Cipriani, capimachja di l’associu San Larenzu, circhemu aiuti, appruntemu u prugramma, travagliemu intornu à a trafila cù i respunsevuli di l’AOP. »
Questu annu, più d’ottanta banchi seranu prisenti da l’entrata di u paese sin’à a strada di Muna. Artisgiani è pruduttori selezziunati di manera à mette in vale u sapè fà isulanu. Ghjochi diversi per i zitelli, spassighjata spinu à sumeri…
Dui mumenti maiò sò previsti. U primu serà, di sicuru, a celebrazione di a messa (cantata da i Muvrini), da Monsignore Bustillo, u vescu di Corsica, una settimana nanzu à a so creazione in tantu chè Cardinale, in Roma…
Un primu cuncorsu di mele
U secondu serà u primu cuncorsu di mele urganizatu da u sindicatu AOP Mele di Corsica, a FFRAAC è l’associu San Larenzu. «Respunsevuli di l’associu, o di l’AOP mele di Corsica, aghjusta Josée Cipriani, semu pertuti in Altiani à fà a tastera di sei meli diferenti, tutti in AOP. (melastru di a machja, mele di veranu, machja di veranu, machja d’estate, mele di castagnettu...) I resultati anu da permette di prisintà vi u mele 2023, à l’occasione di a ghjurnata « Mele in Festa ».
In u 2023, 163 bugnaghjoli sò stati abilitati in AOP, mele di Corsica. Ùn seranu micca tutti in Murzu ma s’hà da trattà di a trafila bugnaghjola. Tuttu, da l’origine di u pruduttu à e cundizione di pruduzzione, hè piazzatu sottu à u cuntrollu d’un urganisimu è di l’INAO. U mele di Corsica, hè u solu cù quellu di i Pini di e Vosges, à avè ottenutu l’AOP.
« Mele in festa », induve assai benevulenti s’anu da impegnà da u parcheghju à l’entrata di u paese, sin’à l’usteria da sopra à a ghjesgia, hè diventatu una fiera monda rinumata induve s’aspettanu guasgi 10000 persone ogni volta. Iss’edizione 2023 s’hà da compie cù e ghitarre è canzone di Ghjuvanu è Michaël, i dui cugini di u gruppu « Ozin », dui zitelli di issi lochi.
F.P.
