A Filetta : << I Balconi >> per vu
L'ultimu dischettu di u famosu gruppu A Filetta
A Filetta : « I Balconi » per vu
Esce, in principiu di settimana, l’ultimu dischettu di u famosu gruppu A Filetta. Dodeci tituli chì trattanu di tematiche diverse, seie voce è, nuvità, una ghitarra…
Monda aspettatu in l’universu di u cantu corsu, « I Balconi », dischettu novu di u gruppu A Filetta esce in principiu di settimana. Un’idea nata in tempi di a crisa sanitaria. « Era un’epica d’angoscia, spiega Ghjuvan Claudiu Acquaviva, capimachja di u gruppu,
avemu travagliatu nantu à canti novi senza sapè, à dilla franca, ciò chì ne devia sbuccà. E tematiche scelte sò intornu à l’amore è temi diversi di a sucetà d’oghje. »
Un viaghju musicale
« I balconi » si cumpone di dodeci tituli cù una particularità. S’elli ci sò sempre e voce pulifoniche di a squadra, sò purtate d’une sola ghitarra, à l’usu piuttostu classica. « Une vulintà, aghjusta u capimachja, s’hè imposta di manera naturale. Hè a prima volta, dapoi « Una tarra ci hè », esciutu in u 1994, ch’è noi aghjustemu issu strumentu. Possu aghjustà dinù ch’ella ci hè una sumiglia cù a ghitarra di quellu dischettu. »
Da « Valentina » chì conta u percorsu d’una ghjuvanotta pertuta troppu prestu à « Caprunale » passendu per « Quallà », « I balconié invitu à un viaghju musicale, sempre intornu l’estru è a qualità artistica di u gruppu dapoi i so primi passi. A squadra, ella, hè stata appena scambiata. « Settanta cantadori sò passati in u gruppu dapoi « Machja n’avemu un’altra » in u 1981, aghjusta Ghjuvan Claudiu Acquaviva, certi sò stati qualchì settimana o mese, d’altri parechji anni ma u spiritu di u gruppu hè sempre statu i listessu. »
Una squadra di sei membri
Un gruppu chì fece, dopu à « Una tarra ci hè », a scelta di mettesi à a pulifunia, fendu un’alchimia trà u tradiziunale è pulifunia più muderna arradicata à i canti antichi, si cumpone oghje di sei cantadori. Certi, più anziani, anu decisu di « passà a manu » cum’è Ghjuvan Lucca Geronimi o Ghjuvanni Sicurani. D’altri sò ghjunti (Francè Aragni in u 2013, Petru Antò Casta in u 2019 è Ghjuvan Dumenicu Bianco in u 2019). Ghjuvan Claudiu Acquaviva, Paulu Giansily è Massimu Vuillamier sò i tè chì fermanu di a prima squadra. « Avemu seie voce ma circhemu sopratuttu à cantà à quattru o cinque parte musicale... »
Un spettaculu di veranu prussimu
Frà iss’alchimia, si pò trattà di canti cum’è « Sumiglia » (ab eternu in l’anni novanta), « Kyrie » o « Sub Tuum » (In tantu, anni dui milla…) arradicati à a tradizione. D’altri canti cum’è « a paghjella di l’impiccati » anu fattu a nuturietà di a squadra. Cù « I Balconi », u gruppu rinnova cù un strumentu, ma e voce stanu sempre à l’usu di a pulifunia tradiziunale. A Filetta hà girà cù issu dischettu novu, appruntendu un spettacculu di veranu prussimu. Frà tempu, u gruppu serà in Calvi issu 15 d’ottobre. L’occasione, nanzu à, forse, girate in u mondu sanu, di sente isse voce magnifiche chì ci portanu aldilà d’una nota, d’una musica, ver di una dimensione spirituale…
Ph.P.
Esce, in principiu di settimana, l’ultimu dischettu di u famosu gruppu A Filetta. Dodeci tituli chì trattanu di tematiche diverse, seie voce è, nuvità, una ghitarra…
Monda aspettatu in l’universu di u cantu corsu, « I Balconi », dischettu novu di u gruppu A Filetta esce in principiu di settimana. Un’idea nata in tempi di a crisa sanitaria. « Era un’epica d’angoscia, spiega Ghjuvan Claudiu Acquaviva, capimachja di u gruppu,
avemu travagliatu nantu à canti novi senza sapè, à dilla franca, ciò chì ne devia sbuccà. E tematiche scelte sò intornu à l’amore è temi diversi di a sucetà d’oghje. »
Un viaghju musicale
« I balconi » si cumpone di dodeci tituli cù una particularità. S’elli ci sò sempre e voce pulifoniche di a squadra, sò purtate d’une sola ghitarra, à l’usu piuttostu classica. « Une vulintà, aghjusta u capimachja, s’hè imposta di manera naturale. Hè a prima volta, dapoi « Una tarra ci hè », esciutu in u 1994, ch’è noi aghjustemu issu strumentu. Possu aghjustà dinù ch’ella ci hè una sumiglia cù a ghitarra di quellu dischettu. »
Da « Valentina » chì conta u percorsu d’una ghjuvanotta pertuta troppu prestu à « Caprunale » passendu per « Quallà », « I balconié invitu à un viaghju musicale, sempre intornu l’estru è a qualità artistica di u gruppu dapoi i so primi passi. A squadra, ella, hè stata appena scambiata. « Settanta cantadori sò passati in u gruppu dapoi « Machja n’avemu un’altra » in u 1981, aghjusta Ghjuvan Claudiu Acquaviva, certi sò stati qualchì settimana o mese, d’altri parechji anni ma u spiritu di u gruppu hè sempre statu i listessu. »
Una squadra di sei membri
Un gruppu chì fece, dopu à « Una tarra ci hè », a scelta di mettesi à a pulifunia, fendu un’alchimia trà u tradiziunale è pulifunia più muderna arradicata à i canti antichi, si cumpone oghje di sei cantadori. Certi, più anziani, anu decisu di « passà a manu » cum’è Ghjuvan Lucca Geronimi o Ghjuvanni Sicurani. D’altri sò ghjunti (Francè Aragni in u 2013, Petru Antò Casta in u 2019 è Ghjuvan Dumenicu Bianco in u 2019). Ghjuvan Claudiu Acquaviva, Paulu Giansily è Massimu Vuillamier sò i tè chì fermanu di a prima squadra. « Avemu seie voce ma circhemu sopratuttu à cantà à quattru o cinque parte musicale... »
Un spettaculu di veranu prussimu
Frà iss’alchimia, si pò trattà di canti cum’è « Sumiglia » (ab eternu in l’anni novanta), « Kyrie » o « Sub Tuum » (In tantu, anni dui milla…) arradicati à a tradizione. D’altri canti cum’è « a paghjella di l’impiccati » anu fattu a nuturietà di a squadra. Cù « I Balconi », u gruppu rinnova cù un strumentu, ma e voce stanu sempre à l’usu di a pulifunia tradiziunale. A Filetta hà girà cù issu dischettu novu, appruntendu un spettacculu di veranu prussimu. Frà tempu, u gruppu serà in Calvi issu 15 d’ottobre. L’occasione, nanzu à, forse, girate in u mondu sanu, di sente isse voce magnifiche chì ci portanu aldilà d’una nota, d’una musica, ver di una dimensione spirituale…
Ph.P.
