A sfida, scopre u patrimoniu è storia di Corsica Ghjuchendu
Creata da a sucetà intervista Prod, iss' emissione,..........
A sfida, scopre u patrimoniu è storia di Corsica ghjuchendu
Creata da a sucetà Intervista Prod, iss’emissione, chì s’hà da sviluppà deci volte trà u 2023 è u 2024, prupone di manera ludica à sei zitelli di parte à a scuperta di lochi patrimuniali è storichi di Corsica…
Comu fà per amparà a storia di Corsica, scopre i so usi o i so patrimonii d’un’altra manera chè quella di a sala di classa ? Una manera diciaremu cumplementaria...Quale ch’ùn hà mai suniatu visitendu un museu o un castellu, d’apre una porta ver di un passaghju sicretu. Eccu i scopi di a squadra d’Intervista Pro chì hà vulsutu mette in piazza « A sfida », una seria d’emissione corte (26 minute) dedicate à zitelli di 12 anni. Per a prima sessione (2023-2024), sò sei à esse impegnati è t’anu tutti u cugnome : Carlu Andria (u Rusignolu), Leandru (a Chjocca), Louise (l’Astuta), Marine (a Maligna) è Stella (a Ciuccia). Dapoi u mese di settembre, u so percorsu l’hà permessu di scopre u penitenziariu di Coti, e citadelle d’Aiacciu, Bunifaziu, Corti, u battellu « Gaelotta » di a Corsica Linea è per compie u 2023, i mulini di Bucugnà sottu un timpurale tamantu…
A sfida di Natale in Bucugnà
« Cù un maestru di ghjocu, spieganu l’urganizatori, i zitelli devenu truvà qualcosa in leia cù u locu. Ci ponu esse prove di rapidità, fisiche, logiche o ancu d’urientazione. »
I zitelli sò felice di scopre, d’una manera diversa di quella di a scola, a storia di Corsica. « Hè una bona, spiega Leandru (12 anni), pudemu scopre assai lochi è rifemu a storia di u nostru paese. Ci permette dinò di passà un bellu mumentu trà amichi è di travaglià intornu à a lingua corsa. »
Cusì, è dopu à ogni prova, si vince una chjave chì dà una lettera. U scopu hè di ritruvà a parolla. I zitelli sò accumpagnati, fora di u maestru di ghjocu chì li dà rinsignamenti, d’una squadra di tecnichi chì anu da filmà, registrà, piglià u tempu per, dopu à muntami, creà l’emissione chì serà diffusata nantu à Via Stella. Un’emissione registrata, dunque, in cundizione di u direttu. À principiu di u mese di dicembre, a squadra avia sceltu, subbitu nanzu à a fiera di a Castagna, di parte à scopre i mulini da sottu à u paese ver di a Richjusa. « I zitelli anu pigliatu u trenu a mane in Aiacciu, aghjustanu l’urganizatori, semu stati surpresi da u timpurale ma avemu tenutu u colpu. U scopu hè dinò, per i zitelli d’andà aldilà di e so limite, cù sfide di pettu à u maestru di ghjocu o ancu persunaghji scuntrati sopra piazza. Ponu esse storichi (Napuliò, Pasquale Paoli), fittivi (Colomba) o appartene à a mitulugia (u Mazzeru)... »
Un’emissione diffusata un 24 di dicembre nantu à Via Stella
À l’occazione di iss’emissione quì, chì serà diffusata u 24 di dicembre nantu à Via Stella, a squadra di a Sfida hà pussutu scuntrà à...Babbu Natale. « U scopu di A sfida hè dinò di favurizà a scuperta di u patrimoniu corsu, a scrittura, l’amparera in muvimentu è in situazione, a cullaburazione (aiutà ci…). » Una manera d’amparà ghjuchendu è un arnese, perchè micca adupratu da quì à pocu inde e scole...Per avà, a sessione hè ghjunta à a metà di u so percorsu. Aspettendu a ripresa di ghjennaghju.
Creata da a sucetà Intervista Prod, iss’emissione, chì s’hà da sviluppà deci volte trà u 2023 è u 2024, prupone di manera ludica à sei zitelli di parte à a scuperta di lochi patrimuniali è storichi di Corsica…
Comu fà per amparà a storia di Corsica, scopre i so usi o i so patrimonii d’un’altra manera chè quella di a sala di classa ? Una manera diciaremu cumplementaria...Quale ch’ùn hà mai suniatu visitendu un museu o un castellu, d’apre una porta ver di un passaghju sicretu. Eccu i scopi di a squadra d’Intervista Pro chì hà vulsutu mette in piazza « A sfida », una seria d’emissione corte (26 minute) dedicate à zitelli di 12 anni. Per a prima sessione (2023-2024), sò sei à esse impegnati è t’anu tutti u cugnome : Carlu Andria (u Rusignolu), Leandru (a Chjocca), Louise (l’Astuta), Marine (a Maligna) è Stella (a Ciuccia). Dapoi u mese di settembre, u so percorsu l’hà permessu di scopre u penitenziariu di Coti, e citadelle d’Aiacciu, Bunifaziu, Corti, u battellu « Gaelotta » di a Corsica Linea è per compie u 2023, i mulini di Bucugnà sottu un timpurale tamantu…
A sfida di Natale in Bucugnà
« Cù un maestru di ghjocu, spieganu l’urganizatori, i zitelli devenu truvà qualcosa in leia cù u locu. Ci ponu esse prove di rapidità, fisiche, logiche o ancu d’urientazione. »
I zitelli sò felice di scopre, d’una manera diversa di quella di a scola, a storia di Corsica. « Hè una bona, spiega Leandru (12 anni), pudemu scopre assai lochi è rifemu a storia di u nostru paese. Ci permette dinò di passà un bellu mumentu trà amichi è di travaglià intornu à a lingua corsa. »
Cusì, è dopu à ogni prova, si vince una chjave chì dà una lettera. U scopu hè di ritruvà a parolla. I zitelli sò accumpagnati, fora di u maestru di ghjocu chì li dà rinsignamenti, d’una squadra di tecnichi chì anu da filmà, registrà, piglià u tempu per, dopu à muntami, creà l’emissione chì serà diffusata nantu à Via Stella. Un’emissione registrata, dunque, in cundizione di u direttu. À principiu di u mese di dicembre, a squadra avia sceltu, subbitu nanzu à a fiera di a Castagna, di parte à scopre i mulini da sottu à u paese ver di a Richjusa. « I zitelli anu pigliatu u trenu a mane in Aiacciu, aghjustanu l’urganizatori, semu stati surpresi da u timpurale ma avemu tenutu u colpu. U scopu hè dinò, per i zitelli d’andà aldilà di e so limite, cù sfide di pettu à u maestru di ghjocu o ancu persunaghji scuntrati sopra piazza. Ponu esse storichi (Napuliò, Pasquale Paoli), fittivi (Colomba) o appartene à a mitulugia (u Mazzeru)... »
Un’emissione diffusata un 24 di dicembre nantu à Via Stella
À l’occazione di iss’emissione quì, chì serà diffusata u 24 di dicembre nantu à Via Stella, a squadra di a Sfida hà pussutu scuntrà à...Babbu Natale. « U scopu di A sfida hè dinò di favurizà a scuperta di u patrimoniu corsu, a scrittura, l’amparera in muvimentu è in situazione, a cullaburazione (aiutà ci…). » Una manera d’amparà ghjuchendu è un arnese, perchè micca adupratu da quì à pocu inde e scole...Per avà, a sessione hè ghjunta à a metà di u so percorsu. Aspettendu a ripresa di ghjennaghju.
