U gruppu Passione canta Natale
U gruppu isulanu hà esciutu in issi tempi nataleschi, un dischettu novu specialmente dedi-catu à issa perioda quì. Dodeci di tituli festivi, creazione per a maiò parte…
Passione canta Natale
U gruppu isulanu hà esciutu in issi tempi nataleschi, un dischettu novu specialmente dedi-catu à issa perioda quì. Dodeci di tituli festivi, creazione per a maiò parte…
A squadra di u gruppu Passione-chì porta bè u so nome- face a so strada dapoi una vintena d’anni. Assai prisente in e ghjesge ma micca solu, cerca à tramandà u so arte à i ghjovani chì raghjunghjenu « l’effettivu » purtatu da « l’anziani » : Benoît Rusterucci, Jean-Marc Ceccaldi, Paul-Vincent Mucchielli, Rémy Bizzari, Jean-Louis Blaineau...Dapoi qualchì tempu, Benjamin, u figliolu di Benoît. Dui dischetti sò esciuti. Ma a squadra hà vulsutu, questu annu, travaglià intornu à canti nataleschi. « Avemu sceltu di sviluppà i valori di scambiu è di spartera, spiega Jean-Marc Ceccaldi, unu di i capimachja di a squadra, una manera di mantene issa fiara di Natale, in issi mumenti particulari ch’è noi campemu. Urganizemi cuncerti di Natale dapoi dece anni. Era u mumentu di sulcà u nostru travagliu... »
Unurà u spiritu natalescu
Dopu à issi 10 anni di presenza nantu à a scena per unurà u spiritu natelescu è purtà testimoniu à issu lume, u gruppu hà decisu di travaglià intornu à issu prughjettu durante guasgi un annu. I registramenti sò stati fatti à u studiò « A fata », in Appiettu è u mastering ind’è Stephane Romei (studiò « La Source »). Cusì, issu dischettu novu hè statu fattu solu di creazione. Una manera di lascià ci purtà da a magia di Natale intornu à canti novi fora d’una sola adattazzione (U Tamburellu, trad.) : u Barone, Santunelli, Fioccu, Vinù, O Cara, l’ultima messa di Natale, Cicculata, A stella di Natale, l’anghjulu di Natale...Una manera d’invità a ghjente à aduniscesi in famiglia. Un dischettu induve si sente a grinfia muderna di u gruppu ma, à tempu, pulifunie è acconci musicali ch’anu fattu u so successu. Tutte e tematiche di Natale sò prisente inde issu dischettu : a gioia, i santoni, a neve, u barone, a cicculata, i rigali...U tuttu nantu à a festa famigliale è festiva di Natale ma, à tempu, u so sensu spirituale è religiosu. Meludie cù un ritimu allegru è festivu per marcà issu mumentu. Jean-Marc Ceccaldi è Benoît Rusterucci anu cumposte e musiche è scrittu i testi cù Paul-Vincent Mucchielli. Una nuvità postu chè i dischetti di Natale in lingua corsa sò pochi iss’ultimi tempi. U gruppu hà, d’altronde, prisentatu issu dischettu novu u 10 di dicembre scorsu in un cuncertu in a ghjesgia Sant’Eramu in Aiacciu. L’occasione di sente e sei voce di a struttura.
Ver di u giru 2024 in Suizzera
U gruppu Passione travaglia, à tempu, nantu à i so prughjetti. Masimu un giru 2024 chì diveria passà per a Suizzera cù amichi baschi è brittoni nanzu d’appruntà l’estatina in e ghjesge isulane, masimu quella di Sant’Eramu. Frà tempu, hè questione di Natale, cù un dischettu chì, quessu quì dinò, hà da fà a so strada durante qualchì tempu. Aspettendu, perchè micca, una seguita ?
FP
U gruppu isulanu hà esciutu in issi tempi nataleschi, un dischettu novu specialmente dedi-catu à issa perioda quì. Dodeci di tituli festivi, creazione per a maiò parte…
A squadra di u gruppu Passione-chì porta bè u so nome- face a so strada dapoi una vintena d’anni. Assai prisente in e ghjesge ma micca solu, cerca à tramandà u so arte à i ghjovani chì raghjunghjenu « l’effettivu » purtatu da « l’anziani » : Benoît Rusterucci, Jean-Marc Ceccaldi, Paul-Vincent Mucchielli, Rémy Bizzari, Jean-Louis Blaineau...Dapoi qualchì tempu, Benjamin, u figliolu di Benoît. Dui dischetti sò esciuti. Ma a squadra hà vulsutu, questu annu, travaglià intornu à canti nataleschi. « Avemu sceltu di sviluppà i valori di scambiu è di spartera, spiega Jean-Marc Ceccaldi, unu di i capimachja di a squadra, una manera di mantene issa fiara di Natale, in issi mumenti particulari ch’è noi campemu. Urganizemi cuncerti di Natale dapoi dece anni. Era u mumentu di sulcà u nostru travagliu... »
Unurà u spiritu natalescu
Dopu à issi 10 anni di presenza nantu à a scena per unurà u spiritu natelescu è purtà testimoniu à issu lume, u gruppu hà decisu di travaglià intornu à issu prughjettu durante guasgi un annu. I registramenti sò stati fatti à u studiò « A fata », in Appiettu è u mastering ind’è Stephane Romei (studiò « La Source »). Cusì, issu dischettu novu hè statu fattu solu di creazione. Una manera di lascià ci purtà da a magia di Natale intornu à canti novi fora d’una sola adattazzione (U Tamburellu, trad.) : u Barone, Santunelli, Fioccu, Vinù, O Cara, l’ultima messa di Natale, Cicculata, A stella di Natale, l’anghjulu di Natale...Una manera d’invità a ghjente à aduniscesi in famiglia. Un dischettu induve si sente a grinfia muderna di u gruppu ma, à tempu, pulifunie è acconci musicali ch’anu fattu u so successu. Tutte e tematiche di Natale sò prisente inde issu dischettu : a gioia, i santoni, a neve, u barone, a cicculata, i rigali...U tuttu nantu à a festa famigliale è festiva di Natale ma, à tempu, u so sensu spirituale è religiosu. Meludie cù un ritimu allegru è festivu per marcà issu mumentu. Jean-Marc Ceccaldi è Benoît Rusterucci anu cumposte e musiche è scrittu i testi cù Paul-Vincent Mucchielli. Una nuvità postu chè i dischetti di Natale in lingua corsa sò pochi iss’ultimi tempi. U gruppu hà, d’altronde, prisentatu issu dischettu novu u 10 di dicembre scorsu in un cuncertu in a ghjesgia Sant’Eramu in Aiacciu. L’occasione di sente e sei voce di a struttura.
Ver di u giru 2024 in Suizzera
U gruppu Passione travaglia, à tempu, nantu à i so prughjetti. Masimu un giru 2024 chì diveria passà per a Suizzera cù amichi baschi è brittoni nanzu d’appruntà l’estatina in e ghjesge isulane, masimu quella di Sant’Eramu. Frà tempu, hè questione di Natale, cù un dischettu chì, quessu quì dinò, hà da fà a so strada durante qualchì tempu. Aspettendu, perchè micca, una seguita ?
FP
