Christophe Boccheciampe, un omu di fede à u serviziu di i Curtinese
Dopu à ondeci anni passati in Purtichju, u Prunelli è una parte di l’Urnanu, Cristofanu Boccheciampe hà celebratu a so prima messa dumenica scorsu in Corti induve ellu hè statu numinatu.
Christophe Boccheciampe, un omu di fede à u serviziu di i Curtinese
Dopu à ondeci anni passati in Purtichju, u Prunelli è una parte di l’Urnanu, Cristofanu Boccheciampe hà celebratu a so prima messa dumenica scorsu in Corti induve ellu hè statu numinatu. L’occasione di sfuglià qualchì pagina di u so percorsu…
Si sà chè, da sempre, u Corsu t’hà u raportu particulare cù a fede è masimu tuttu ciò chì tocca à a religione. Cusì, ogni prete hà una leia cù a ghjente, una spezia d’avvicinera chì face a nostra specificità. Cristofanu Boccheciampe hè di quessi. À 44 anni, hè statu numinatu, da u Cardinale Bustillo, in Corti, duie settimane fà. Un scambiamentu chì s’hè fattu cù qualchì lacrima, da u so cantu è tutti quelli di i paesi di U Meziornu aiaccinu ch’ellu avia in carica. « Qualchissia di strasordinariu sempri à fiancu à a pupulazioni, anu cumentatu unepochi d’abitanti di u Prunelli, lei d’amicizia sò nati trà noi. Faci parta di a vita ma ci hà mancà quantunqua. »
Hè vera chè u prete hà sulcatu una fede tamanta da per tuttu induve ellu hè passatu. Di ceppu cerviunincu, Cristofanu Boccheciampe hà scupertu a so fede à l’età di 15 anni dopu à u percorsu sculare. « Aghju scontru un prete anzianu chì m’hà messu nantu à u chjassu, spiega u prete, aghju scupertu ciò ch’elle riprisentianu a messa, a preghera è a Ghjesgia. Dopu à una riflessione di qualchì tempu postu ch’eru troppu ghjovanu, aghju sceltu issa vucazione. »
Urdunatu u primu di lugliu di u 2007
Dopu à u so bascigliè, un annu di dirittu è un travagliu in Aiacciu (ind’è Fiat), u Cerviunincu principia u so seminariu. Un percorsu di sette anni in Marseglia, Ecchisi, Avignon è...Aiacciu à studià teululugia, filusufia è religione. « Sò ghjuntu in Aiacciu sottu à u Vescu Mre Brunin. »
Fattu diacunu u 18 di ghjugnu di u 2006, Cristofanu Boccheciampe hè urdunatu un annu dopu (u primu di lugliu di u 2007) à a ghjesgia San Ghjuvan Battista di Bastia. « Un mumentu maiò, di sicuru, analizeghja prete, hè un matrimoniu cm Diu, Ghjesù è tutta a ghjente di u territoriu. »
I primi sei anni, u prete t’hà in carica a Tavagna, l’Orezza, l’Ampugnani, Alesgiani, Aleria è una leia abbastanza forte cù e cunfraternite. « Si cantava in paghjella guasgi à tutte e celebrazione, hè un sustegnu impurtante. »
« A vicinanza hè a cundizione di u prete »
In u 2013, hè numinatu in i rughjoni di u Prunelli, l’Urnanu suttanu è Purtichju. Per un percorsu d’ondeci anni induve hà marcatu di a so grinfia, l’abitanti. « Ci hè una leia, masimu ch’ùn cunniscia micca issi lochi quì. Dicu sempre chè un prete hè cum’è un 4X4, un omu di tutti i terreni. Sparte a gioia è a tristezza di tutta a ghjente. A vicinanza hè a cundizione di u prete. Piglia ind’è noi, un chjassu particulare...Avemu a furtuna d’avè un Cardinale chì hè ghjst’à puntu in a vicinanza... »
Eppo, hà amparatu, duie settimane fà, a so numinazione in Corti. « Un percorsu novu...Aghju fighjulatu appena comu si passava quassù è aghju da prupone una ligna pasturale induve per urganizà a ghjesgia, scuntrà i ghjovani, i studienti, ecc... »
A partanza hè stata dura per Cristofanu Bocchecciampe chì hà celebratu a sdo ultima messa ind’una ghjesgia carca, carca. L’amichi di u Prunelli è d’altrò l’anu aiutatu in u so slughjamentu è fattu cun ellu, un’ ultima serata. Una pagina si chjode, un’altra s’apre. Sempre cù a listessa fede è a missione di purtà u messaghju di u Vangelu à a ghjente.
F.P.
Dopu à ondeci anni passati in Purtichju, u Prunelli è una parte di l’Urnanu, Cristofanu Boccheciampe hà celebratu a so prima messa dumenica scorsu in Corti induve ellu hè statu numinatu. L’occasione di sfuglià qualchì pagina di u so percorsu…
Si sà chè, da sempre, u Corsu t’hà u raportu particulare cù a fede è masimu tuttu ciò chì tocca à a religione. Cusì, ogni prete hà una leia cù a ghjente, una spezia d’avvicinera chì face a nostra specificità. Cristofanu Boccheciampe hè di quessi. À 44 anni, hè statu numinatu, da u Cardinale Bustillo, in Corti, duie settimane fà. Un scambiamentu chì s’hè fattu cù qualchì lacrima, da u so cantu è tutti quelli di i paesi di U Meziornu aiaccinu ch’ellu avia in carica. « Qualchissia di strasordinariu sempri à fiancu à a pupulazioni, anu cumentatu unepochi d’abitanti di u Prunelli, lei d’amicizia sò nati trà noi. Faci parta di a vita ma ci hà mancà quantunqua. »
Hè vera chè u prete hà sulcatu una fede tamanta da per tuttu induve ellu hè passatu. Di ceppu cerviunincu, Cristofanu Boccheciampe hà scupertu a so fede à l’età di 15 anni dopu à u percorsu sculare. « Aghju scontru un prete anzianu chì m’hà messu nantu à u chjassu, spiega u prete, aghju scupertu ciò ch’elle riprisentianu a messa, a preghera è a Ghjesgia. Dopu à una riflessione di qualchì tempu postu ch’eru troppu ghjovanu, aghju sceltu issa vucazione. »
Urdunatu u primu di lugliu di u 2007
Dopu à u so bascigliè, un annu di dirittu è un travagliu in Aiacciu (ind’è Fiat), u Cerviunincu principia u so seminariu. Un percorsu di sette anni in Marseglia, Ecchisi, Avignon è...Aiacciu à studià teululugia, filusufia è religione. « Sò ghjuntu in Aiacciu sottu à u Vescu Mre Brunin. »
Fattu diacunu u 18 di ghjugnu di u 2006, Cristofanu Boccheciampe hè urdunatu un annu dopu (u primu di lugliu di u 2007) à a ghjesgia San Ghjuvan Battista di Bastia. « Un mumentu maiò, di sicuru, analizeghja prete, hè un matrimoniu cm Diu, Ghjesù è tutta a ghjente di u territoriu. »
I primi sei anni, u prete t’hà in carica a Tavagna, l’Orezza, l’Ampugnani, Alesgiani, Aleria è una leia abbastanza forte cù e cunfraternite. « Si cantava in paghjella guasgi à tutte e celebrazione, hè un sustegnu impurtante. »
« A vicinanza hè a cundizione di u prete »
In u 2013, hè numinatu in i rughjoni di u Prunelli, l’Urnanu suttanu è Purtichju. Per un percorsu d’ondeci anni induve hà marcatu di a so grinfia, l’abitanti. « Ci hè una leia, masimu ch’ùn cunniscia micca issi lochi quì. Dicu sempre chè un prete hè cum’è un 4X4, un omu di tutti i terreni. Sparte a gioia è a tristezza di tutta a ghjente. A vicinanza hè a cundizione di u prete. Piglia ind’è noi, un chjassu particulare...Avemu a furtuna d’avè un Cardinale chì hè ghjst’à puntu in a vicinanza... »
Eppo, hà amparatu, duie settimane fà, a so numinazione in Corti. « Un percorsu novu...Aghju fighjulatu appena comu si passava quassù è aghju da prupone una ligna pasturale induve per urganizà a ghjesgia, scuntrà i ghjovani, i studienti, ecc... »
A partanza hè stata dura per Cristofanu Bocchecciampe chì hà celebratu a sdo ultima messa ind’una ghjesgia carca, carca. L’amichi di u Prunelli è d’altrò l’anu aiutatu in u so slughjamentu è fattu cun ellu, un’ ultima serata. Una pagina si chjode, un’altra s’apre. Sempre cù a listessa fede è a missione di purtà u messaghju di u Vangelu à a ghjente.
F.P.
