A messa di l'artisti : trà cultura , religion e è arte
Un' initiziativa di u Prete Tomei in leia cù Stéphanie Girard.....
A messa di l’artisti : trà cultura, religione è arte
Creata una decina d’anni fà da qualchì passiunati è pitturi, a messa di l’artista hà da esse urganizata issu sabbatu à cinque ore di sera à a ghjesgia San Roccu in Aiacciu. Un’initiziativa di u Prete Tomei in leia cù Stéphanie Girard...
Per quelli ch’ùn la sanu micca, a messa di l’artisti piglia e so radiche in u...1914 ! Una manifestazione di ceppu naziunale induve pittori, scultori, ballerini, pueta, cantadori ecc, si ritrovanu, in tutti i lochi di Francia una volta l’annu. S’adduniscenu in ghjesgia per una manifestazione chì face a leia trà l’arte culturale è a religione. Cù qualcosa di particulare, di sicuru, liatu à u sacratu. In Corsica è masimu in Aiaicciu, a manifestazione si sviluppa dapoi una decina d’anni. Ci era, à l’iniziu, Stéphanie Girard, à u capu d’issu bellu prughjettu. « Avemu principiatu pianu, pianinu, spiega a capimachja, cù qualchì artistu è una messa celebrata à a ghjesgia San Roccu. À pocu à pocu, circhemu à andà aldillà aghjustendu arti novi. »
« L’arte hà una dimensione spiritale »
U cuncettu permette d’avè una messa celebrata è cantata in paghjella, à fiancu à mostre d’artisti isulani liati o micca à l’arte sacratu. Frà elli, Mario Sepulcre, maestru per ciò chì tocca à iss’arte quì. « À dilla franca, spiega u pittore, l’arte hà una dimensione spirituale, hè abbastanza faciule d’addunisce artisti pittori, pocu impreme o so arte. Ci pare impurtante di fà issa leia trà l’arte è a religione. Issu cuncettu ci ne dà l’occasione... »
Cusì, è dopu à un arrestu liatu à a crisa sanitaria, a manifestazione face u so ritornu, à l’iniziativa di u prete Tomei in a ghjesgia San Roccu in Aiacciu. Stéphanie Girard, chì gestisce l’inseme cù u prete hè incaricata, ella, di a tematica, chì scambia tutti l’anni.
Allargà l’arti
« Avemu sceltu « Creazione », aghjusta a respunsevule, ci seranu artisti pittori rinumati cum’è Mario Sepulcre, masimu per ciò chì tocca à u sacratu. Ma dinò d’altri cum’è Nita Bertaudière chì ci hà da va vede e so tele culurite. Ci serà, in tuttu una decina d’artisti. A vernicera si passerà u 15 di ferraghju cù una mostra chì s’hà da sparghje sin’à u 29. »
Una squadra di cantadori di u circondu hà da cantà issa messa liata à u ghjornu di e cenere (mercuri scorsu…). À più o menu longu andà, a squadra urganizatrice hà da circà à addunisce d’altri arti à issa manifestazione : scultori, ritrattadori, sinemà, arti plastichi. « Prima di tuttu, aghjusta Mario Sepulcre, vulemu assicurà bè issu ritornu. Dopu avemu da riflette, tutti inseme, à a manera d’allargà u cuncettu. »
Versu à a Catedrale Santa Maria Assunta ?
L’idea di spiazzà si ancu sin’à a catedrale Santa Maria Assunta, ùn hè scartata. « Aspettendu, dice Stéphanie Girard, ci hè qualchì messa in Santa Lucia di dicembre per indettu. L’occasione di sparghje u cuncettu sempre intornu à a fede. »
Fede, religione, arte, u tuttu intornu à u sacratu, eccu u scopu d’una manifestazione chì s’hà da scrive à longu andà.
F.P.
Messa di l’artisti
Sabbatu u 17 di ferrahju
Cinque ore di sera, ghjesgia San Roccu
Vernicera : u 15 di ferraghju
Mostra : da u 15 à u 29 di fe
Creata una decina d’anni fà da qualchì passiunati è pitturi, a messa di l’artista hà da esse urganizata issu sabbatu à cinque ore di sera à a ghjesgia San Roccu in Aiacciu. Un’initiziativa di u Prete Tomei in leia cù Stéphanie Girard...
Per quelli ch’ùn la sanu micca, a messa di l’artisti piglia e so radiche in u...1914 ! Una manifestazione di ceppu naziunale induve pittori, scultori, ballerini, pueta, cantadori ecc, si ritrovanu, in tutti i lochi di Francia una volta l’annu. S’adduniscenu in ghjesgia per una manifestazione chì face a leia trà l’arte culturale è a religione. Cù qualcosa di particulare, di sicuru, liatu à u sacratu. In Corsica è masimu in Aiaicciu, a manifestazione si sviluppa dapoi una decina d’anni. Ci era, à l’iniziu, Stéphanie Girard, à u capu d’issu bellu prughjettu. « Avemu principiatu pianu, pianinu, spiega a capimachja, cù qualchì artistu è una messa celebrata à a ghjesgia San Roccu. À pocu à pocu, circhemu à andà aldillà aghjustendu arti novi. »
« L’arte hà una dimensione spiritale »
U cuncettu permette d’avè una messa celebrata è cantata in paghjella, à fiancu à mostre d’artisti isulani liati o micca à l’arte sacratu. Frà elli, Mario Sepulcre, maestru per ciò chì tocca à iss’arte quì. « À dilla franca, spiega u pittore, l’arte hà una dimensione spirituale, hè abbastanza faciule d’addunisce artisti pittori, pocu impreme o so arte. Ci pare impurtante di fà issa leia trà l’arte è a religione. Issu cuncettu ci ne dà l’occasione... »
Cusì, è dopu à un arrestu liatu à a crisa sanitaria, a manifestazione face u so ritornu, à l’iniziativa di u prete Tomei in a ghjesgia San Roccu in Aiacciu. Stéphanie Girard, chì gestisce l’inseme cù u prete hè incaricata, ella, di a tematica, chì scambia tutti l’anni.
Allargà l’arti
« Avemu sceltu « Creazione », aghjusta a respunsevule, ci seranu artisti pittori rinumati cum’è Mario Sepulcre, masimu per ciò chì tocca à u sacratu. Ma dinò d’altri cum’è Nita Bertaudière chì ci hà da va vede e so tele culurite. Ci serà, in tuttu una decina d’artisti. A vernicera si passerà u 15 di ferraghju cù una mostra chì s’hà da sparghje sin’à u 29. »
Una squadra di cantadori di u circondu hà da cantà issa messa liata à u ghjornu di e cenere (mercuri scorsu…). À più o menu longu andà, a squadra urganizatrice hà da circà à addunisce d’altri arti à issa manifestazione : scultori, ritrattadori, sinemà, arti plastichi. « Prima di tuttu, aghjusta Mario Sepulcre, vulemu assicurà bè issu ritornu. Dopu avemu da riflette, tutti inseme, à a manera d’allargà u cuncettu. »
Versu à a Catedrale Santa Maria Assunta ?
L’idea di spiazzà si ancu sin’à a catedrale Santa Maria Assunta, ùn hè scartata. « Aspettendu, dice Stéphanie Girard, ci hè qualchì messa in Santa Lucia di dicembre per indettu. L’occasione di sparghje u cuncettu sempre intornu à a fede. »
Fede, religione, arte, u tuttu intornu à u sacratu, eccu u scopu d’una manifestazione chì s’hà da scrive à longu andà.
F.P.
Messa di l’artisti
Sabbatu u 17 di ferrahju
Cinque ore di sera, ghjesgia San Roccu
Vernicera : u 15 di ferraghju
Mostra : da u 15 à u 29 di fe
