Nouveau CD de Bande à part
Dodeci canzone per " sorte u mercuru "
Bande à part : dodeci canzone per « sorte u mercuri »
Natu una vintena d’anni fà, issu gruppu pop-rock chì face a so strada, esce dodeci « single », unu à settimana, nantu à a tematica di « les sorties du mercredi »
Si chjamanu « Bande à Part » ch’elli sò particulari in l’universu di u cantu pop-rock d’ind’è noi, cù a so manera di sprime u so arte. Ma si pudianu dinò chjamà « I scatinati » ch’elli t’anu, da veru, issu qualcusellu in più chì face à so « grinfia »-manera di vestesi, di mascarà si è sopratutti di ripiglià, à modu soiu, tituli corsi, francesi è ancu internaziunali-Ancu u so nome si scrive in issa particularità : Alex « Benny Love » (cantu è ghitarra), « Danny Vargas » (batteria) è Lino Rover (ghitarra bassa). Tutti i trè intermittenti di u spettaculu, si scrivenu in a cuntinuità d’un anzianu gruppu… « Blague à part ».
« Ripiglià tituli à modu nostru, hè l’ADN di u gruppu »
« A nostra andatura, spiega Alex, hè sempre stata di ripiglià tituli corsi, francesi o internaziunali ma sempre à modu nostru. Canzone di nanzu o d’avà. Issu cuncettu hè piaciutu à a ghjente, avemu cuntinuatu nantu à issa strada quì. Hè ciò chì ci piace, u nostru ADN. »
Cusì, a struttura hà sempre vulsutu scambià tituli « classichi » di a canzona naziunale è internaziunale. In u 2010, è dopu à cuncerti da per tuttu in Corsica, u gruppu sceglie di mette nantu à un dischettu, i tituli maiò di i so cuncerti : the « Foufoune Tour » induve si ritrovanu classichi cum’è «Ricordu », « Magnolia forever » o ancu « Dans les yeux d’Emilie ». « Ci piace à travaglià i codeci musicali, aghjusta Alex, avemu compiu issu dischettu in trè ghjorni ! »
Strada facendu, « Bande à Part » travaglia nantu à una tematica particulare iss’ultimi mesi : « Les sorties du mercredi ». « Aviamu dodeci tituli diferenti cù, ogni volta, un culore definitu ma tutti liati. Aghjusta u cantadore, à l’iniziu, l’idea era di fà un dischettu. Eppo, avemu scambiatu u filu, passendu per dodeci « single », unu à settimana. Tucco Toerras, ch’avia sunatu di a ghitarra bassa cù « Blague à Part », purtendu a so petra...Per noi, l ‘essenziale, hè di fà ci piacè…»
Sei primi tituli
U gruppu, chì mette a so persunalità, e so scuperte è a so passione in ogni prughjettu musicale, hà sceltu di prisentà ne cinque, è micca n’importa quale esse : « Alexandrie, Alexandra », classicu di Claude François, « L’envie d’aimer » (cumedia musicale les Dix commandements), « Les valses de Vienne » di François Feldman, « la Bonne du curé », Annie Cordy, « Yellow » di u gruppu inghlese Cold Play è u famosu « Castellucciu » di Tao By. « Tutte e canzone sò liate, anu una tematica particulare ma, per noi, ramentanu un mumentu di a nostra vita.È quand’è noi travagliemu, circhemu sempre à sfruttà qualchì detagliu. Ognunu dà u so parè, ùn ci hè micca « patrone » di u gruppu. L’impurtante, hè d’alluntanà ci di l’uriginale. »
In ogni canzona, si sente a meludia cunnisciuta, accunciata à modu soiu, da u gruppu : qualchì nota, u ritimu, qualchì parola, solò di ghitarra è tante surprese... »Avemu registratu a canzona « L’envie d’Aimer », chì hè una maraviglia, hè stata registrata in una sola presa... »
« Bande à Part » appronta, avà a staghjone à vene in Corsica è in altrò per prisentà e dodeci canzone è quelle dinò chì anu fattu u so successu. L’occasione di sente un gruppu di talente…
Ph.P.
Nouveau CD de Bande
Natu una vintena d’anni fà, issu gruppu pop-rock chì face a so strada, esce dodeci « single », unu à settimana, nantu à a tematica di « les sorties du mercredi »
Si chjamanu « Bande à Part » ch’elli sò particulari in l’universu di u cantu pop-rock d’ind’è noi, cù a so manera di sprime u so arte. Ma si pudianu dinò chjamà « I scatinati » ch’elli t’anu, da veru, issu qualcusellu in più chì face à so « grinfia »-manera di vestesi, di mascarà si è sopratutti di ripiglià, à modu soiu, tituli corsi, francesi è ancu internaziunali-Ancu u so nome si scrive in issa particularità : Alex « Benny Love » (cantu è ghitarra), « Danny Vargas » (batteria) è Lino Rover (ghitarra bassa). Tutti i trè intermittenti di u spettaculu, si scrivenu in a cuntinuità d’un anzianu gruppu… « Blague à part ».
« Ripiglià tituli à modu nostru, hè l’ADN di u gruppu »
« A nostra andatura, spiega Alex, hè sempre stata di ripiglià tituli corsi, francesi o internaziunali ma sempre à modu nostru. Canzone di nanzu o d’avà. Issu cuncettu hè piaciutu à a ghjente, avemu cuntinuatu nantu à issa strada quì. Hè ciò chì ci piace, u nostru ADN. »
Cusì, a struttura hà sempre vulsutu scambià tituli « classichi » di a canzona naziunale è internaziunale. In u 2010, è dopu à cuncerti da per tuttu in Corsica, u gruppu sceglie di mette nantu à un dischettu, i tituli maiò di i so cuncerti : the « Foufoune Tour » induve si ritrovanu classichi cum’è «Ricordu », « Magnolia forever » o ancu « Dans les yeux d’Emilie ». « Ci piace à travaglià i codeci musicali, aghjusta Alex, avemu compiu issu dischettu in trè ghjorni ! »
Strada facendu, « Bande à Part » travaglia nantu à una tematica particulare iss’ultimi mesi : « Les sorties du mercredi ». « Aviamu dodeci tituli diferenti cù, ogni volta, un culore definitu ma tutti liati. Aghjusta u cantadore, à l’iniziu, l’idea era di fà un dischettu. Eppo, avemu scambiatu u filu, passendu per dodeci « single », unu à settimana. Tucco Toerras, ch’avia sunatu di a ghitarra bassa cù « Blague à Part », purtendu a so petra...Per noi, l ‘essenziale, hè di fà ci piacè…»
Sei primi tituli
U gruppu, chì mette a so persunalità, e so scuperte è a so passione in ogni prughjettu musicale, hà sceltu di prisentà ne cinque, è micca n’importa quale esse : « Alexandrie, Alexandra », classicu di Claude François, « L’envie d’aimer » (cumedia musicale les Dix commandements), « Les valses de Vienne » di François Feldman, « la Bonne du curé », Annie Cordy, « Yellow » di u gruppu inghlese Cold Play è u famosu « Castellucciu » di Tao By. « Tutte e canzone sò liate, anu una tematica particulare ma, per noi, ramentanu un mumentu di a nostra vita.È quand’è noi travagliemu, circhemu sempre à sfruttà qualchì detagliu. Ognunu dà u so parè, ùn ci hè micca « patrone » di u gruppu. L’impurtante, hè d’alluntanà ci di l’uriginale. »
In ogni canzona, si sente a meludia cunnisciuta, accunciata à modu soiu, da u gruppu : qualchì nota, u ritimu, qualchì parola, solò di ghitarra è tante surprese... »Avemu registratu a canzona « L’envie d’Aimer », chì hè una maraviglia, hè stata registrata in una sola presa... »
« Bande à Part » appronta, avà a staghjone à vene in Corsica è in altrò per prisentà e dodeci canzone è quelle dinò chì anu fattu u so successu. L’occasione di sente un gruppu di talente…
Ph.P.
Nouveau CD de Bande
