Maria Anghjula Geronimi : l’arte cum’è spressione
Attrice di teatru è sinemà, cantatrice, animatrice, Maria Anghjula Geronimi t’hà parechje barrette. Tutte arrimbate à nantu à a so passione : l’arte.
Maria Anghjula Geronimi : l’arte cum’è spressione
Attrice di teatru è sinemà, cantatrice, animatrice, Maria Anghjula Geronimi t’hà parechje barrette. Tutte arrimbate à nantu à a so passione : l’arte.
Fà a leia trà Maria Anghjula Geronimi è l’arte seria una spezia di pleonasma chè, per ella, a vita seria cum’è un spettaculu induve ella hè, à tempu, attrice è spettatore. Un percorsu autodidattu principiatu nantu à i banchi di e scole, culleghji è licei di Bastia. Ma si pò dì ch’una « stella artistica » hè sempre stata à fiancu à ella. U so basciliè in a stacca, à a fine di l’anni settanta, si ne parte in Ecchisi à chjappà si un BTS.
U brocciu in...Arizona
Ma l’arte, è à iss’epica quì a musica, ùn serà mai luntana. Per prova, face i so primi passi in l’anni ottanta cù a famosa squadra di « Zia Devota », tanti amichi è una canzona mittica chì fece u giru di l’Isula : « U Pastizzu ». « Mumenti strasordinarii, spiega l’artista, à fiancu à amichi : Ghjuvan Battista Filippi, Petru Fondacci, Pasquale Pariggi. Avemu giratu durante sei anni à pocu pressu cù canti scherzosi. Ma un gruppu di qualità. »
In u 1996, Maria Anghjula face i so primi passi in u teatru cù a squadra di « Teatrinu » cù Guidu Cimino, Jo Fondacci, Ghjuvan Petru Lanfranchi è Francescu Berlinghi. « Avemu fattu una quarantina di pezze di teatru, aghjusta quella, micca sempre ridicule. »
À mezu à issu percosu, a famosa seria diffusata nantu à FR3 di l’epica, « A famiglia Pastasciù ». « Una famiglia nata in l’imaginariu di Guidu, ripiglia l’artista, André Stefanaggi, direttore di FR3 di tandu, ci dumandò di fà una leia trà parechji prugrami. Ma u spiritu di « a famiglia » pigliò a suprana è ci semu messi, à pocu à pocu, à fà « à modu nostru », chè issu spiritu ci currespundia. »
Strada facendu, participeghja à a seria « I storti » cù i cumpagni di « Teatrinu » cù dinò Daniel Pariggi è Dumè Gambini.
Da a musica à u teatru è u sinemà
In l’anni 2000, l’artista hà da fà i so primi passi in u sinemà. Ma nanzu, participeghja à un’aventura strasordinaria. Mentre ch’ella hè agricultrice in Santa Lucia di Mercuriu, si ne parte, cù Serge Bonavita è Filippu Raffali, in u quadru d’un scambiu cù a Corsica, in...Arizona à scuntrà à l’Indiani Navajo. « Simu stati tredeci ghjorni è avemu amparatu à l’Indiani, à fà u brocciu ch’ella ci era una manifestazione intornu à u muntone. Era in u quadru di u ducumentariu chì d’altronde, fù premiatu. »
Vultata in Corsica, Maria Anghjula principia un percorsu d’attrice. « Le silence » d’Orso Miret (2004) ma hè un rolu in « L’enquête corse » (2004) chì face à so nuturietà in u settesimu arte. Dapoi, l’artista hà giratu ind’un a decina di filmi cum’è « Inestimable » è sopratuttu « Le retour » di Catherine Corsini (2023). Un filmu chì li vale di cullà e scale è u tapettu rossu di u Festivale di Cannes l’annu scorsu. Frà tempu, participeghja à a seria cum’è « Mafiosa ».
À tempu, hà ripigliatu a musica cù « Zia ‘n Blues », una manera di fà un’uchjata à « Zia Devota ».
Cunniscimu dinò l’artisti in tantu chè animatrice inde l’emissione « I Sapientoni » à fiancu à Paulu Antò Squarcini è dapoi qualchì tempu, face e traduzzione simultanee à e sessione di l’Assemblea di Corsica. Sempre u surisu in bocca, qualchì macagna à lampà senza sminticà un stintu corsu. « Una persona senza passione hè quant’è un Rè senza sole. » dice a fola.
Cù u caratteru ch’è noi li cunniscimu, luccieghja u so benestà à tutti quelli chì li stanu in giru…
F.P.
Attrice di teatru è sinemà, cantatrice, animatrice, Maria Anghjula Geronimi t’hà parechje barrette. Tutte arrimbate à nantu à a so passione : l’arte.
Fà a leia trà Maria Anghjula Geronimi è l’arte seria una spezia di pleonasma chè, per ella, a vita seria cum’è un spettaculu induve ella hè, à tempu, attrice è spettatore. Un percorsu autodidattu principiatu nantu à i banchi di e scole, culleghji è licei di Bastia. Ma si pò dì ch’una « stella artistica » hè sempre stata à fiancu à ella. U so basciliè in a stacca, à a fine di l’anni settanta, si ne parte in Ecchisi à chjappà si un BTS.
U brocciu in...Arizona
Ma l’arte, è à iss’epica quì a musica, ùn serà mai luntana. Per prova, face i so primi passi in l’anni ottanta cù a famosa squadra di « Zia Devota », tanti amichi è una canzona mittica chì fece u giru di l’Isula : « U Pastizzu ». « Mumenti strasordinarii, spiega l’artista, à fiancu à amichi : Ghjuvan Battista Filippi, Petru Fondacci, Pasquale Pariggi. Avemu giratu durante sei anni à pocu pressu cù canti scherzosi. Ma un gruppu di qualità. »
In u 1996, Maria Anghjula face i so primi passi in u teatru cù a squadra di « Teatrinu » cù Guidu Cimino, Jo Fondacci, Ghjuvan Petru Lanfranchi è Francescu Berlinghi. « Avemu fattu una quarantina di pezze di teatru, aghjusta quella, micca sempre ridicule. »
À mezu à issu percosu, a famosa seria diffusata nantu à FR3 di l’epica, « A famiglia Pastasciù ». « Una famiglia nata in l’imaginariu di Guidu, ripiglia l’artista, André Stefanaggi, direttore di FR3 di tandu, ci dumandò di fà una leia trà parechji prugrami. Ma u spiritu di « a famiglia » pigliò a suprana è ci semu messi, à pocu à pocu, à fà « à modu nostru », chè issu spiritu ci currespundia. »
Strada facendu, participeghja à a seria « I storti » cù i cumpagni di « Teatrinu » cù dinò Daniel Pariggi è Dumè Gambini.
Da a musica à u teatru è u sinemà
In l’anni 2000, l’artista hà da fà i so primi passi in u sinemà. Ma nanzu, participeghja à un’aventura strasordinaria. Mentre ch’ella hè agricultrice in Santa Lucia di Mercuriu, si ne parte, cù Serge Bonavita è Filippu Raffali, in u quadru d’un scambiu cù a Corsica, in...Arizona à scuntrà à l’Indiani Navajo. « Simu stati tredeci ghjorni è avemu amparatu à l’Indiani, à fà u brocciu ch’ella ci era una manifestazione intornu à u muntone. Era in u quadru di u ducumentariu chì d’altronde, fù premiatu. »
Vultata in Corsica, Maria Anghjula principia un percorsu d’attrice. « Le silence » d’Orso Miret (2004) ma hè un rolu in « L’enquête corse » (2004) chì face à so nuturietà in u settesimu arte. Dapoi, l’artista hà giratu ind’un a decina di filmi cum’è « Inestimable » è sopratuttu « Le retour » di Catherine Corsini (2023). Un filmu chì li vale di cullà e scale è u tapettu rossu di u Festivale di Cannes l’annu scorsu. Frà tempu, participeghja à a seria cum’è « Mafiosa ».
À tempu, hà ripigliatu a musica cù « Zia ‘n Blues », una manera di fà un’uchjata à « Zia Devota ».
Cunniscimu dinò l’artisti in tantu chè animatrice inde l’emissione « I Sapientoni » à fiancu à Paulu Antò Squarcini è dapoi qualchì tempu, face e traduzzione simultanee à e sessione di l’Assemblea di Corsica. Sempre u surisu in bocca, qualchì macagna à lampà senza sminticà un stintu corsu. « Una persona senza passione hè quant’è un Rè senza sole. » dice a fola.
Cù u caratteru ch’è noi li cunniscimu, luccieghja u so benestà à tutti quelli chì li stanu in giru…
F.P.
