Eppò , u soffiu festivu di a musica corsa
Eppò
Eppò, u soffiu festivu di a musica corsa
Natu ghjustu nanzu à u Covid, issu gruppu insulanu, chì adunisce Bastiacci, hà fattu di a musica festiva, u so ceppu.
Semu in u 2019. Cinque amichi, tutti di ceppu bastiacciu o di u circondu, anu decisu d’aduniscesi, di sparte a so passione di u cantu, è di creà un gruppu novu : Eppò hè in marchja. Una struttura chì, dapoi, hà fattu a so strada. Particularità, ghjunghjenu d’universu musicale diversu, u rock per certi. « Vengu, per contu meu da u tradiziunale, spiega Anghjulu Torre, unu di i cinque membri di u gruppu, ma aghju sunatu dinò cù u tintu Petru Guelfucci, Canta è d’altri. »
2021 : esciuta di « Core Timpesta », u primu dischettu
Qualchì tempu nanzu, esistia un gruppu di rock, battizatu « I Varans », purtatu ghjust’à puntu da Anghjulu Torre. « Un rock in lingua corsa, aghjusta u musicante, ed eramu dui di a futura squadra d’Eppò à particupà ci. »
U scopu di a nova squadra, hè di fà rinasce una musica festiva arradicata à u so ceppu mediterraneu. « Nanzu à u riacquistu, issa musica era assai prisenta in i nostrui paesi. In l’anni settanta, tuttu u mondu era allegra in Corsica anziani è ghjovani facianu a festa. Cù « Eppò », avemu vulsutu ripiglià issu versu quì. »
Anghjulu Torre, Francescu Spinelli, Petru Tristani, Ange Bianchini è Ghjuvan Filippu Graziani, cercanu à dà nome à a so struttura. È dopu à qualchì nome, « Eppò », più cortu è faciule à prununcià, s’impone à « Arcimusa ». I membri travaglianu è dui anni dopu, esce « Core Timpesta », u so primu dischettu. Subbitu, l’ambiu festivu si sente à traversu strumenti cum’è u busucchì irlandese, i fiati, u bandjò è sopratuttu a capacità di u gruppu, à sparghje s’ambiu quì.Strada facendu, l’amichi riescenu, cù i so scritt è so musica, à imponesi pian’pianinu in l’universu di a musica corsa. Cù a so grinfia particulare.
45 date in u 2023
Altra particularità, José Ugolini, hè incaricatu di i scritti, Anghjulu Torre è Francescu Spinelli, di e cumpusizione. U dischettu face a nuturietà di u gruppu cù canzone festive cum’è « Terra Nove », « Bolero per tè », dedicatu à e femine, o « A Zinzalesca » ch’invita à ballà. Cinque anni dopu à a so creazione, u gruppu mantene sempre u so estru. Pudemu ritruvà i so membri sunà in caffè, intornu à un bichjeru caccendu i so strumenti. Senza scurdà si di cuncerti, monda in u rughjone bastiacciu ma dinò altrò. « L’annu scorsu, avemu avutu quarantacinque date, hè un segnu chè u gruppu hè bè accoltu. »
Un secondu dischettu di veranu
Questu annu, ne sò dighjà à 23 è micca solu in Cismonte (Sotta, U Salge, Zicavu, Purtivechju, Fiera di u ficu in i Peri). L’amichi di vinti anni cuntineghja a so strada. « Simu intraccia di finalizà un secondu dischettu. Scritti è musiche sò dighjà pronte, u registramentu si compie. Sè tuttu và bè, sera prontu di veranu. »
Sempre arrimbatu nantu à radiche tradiziunale, l’anziani « Varans » è dinò AC DC Tribute, portanu un soffiu novu à a musica corsa. « Ripigliemu dinò vechje canzone di i nostri anziani cum’è canzone di pescatori o a famosa « Cun voi o Madamicella », ch’è noi ripigliemu ma più lestra è più allegra.
A squadra hà pocu cambiatu dapoi l’iniziu fora di a batteria è e percussione induve Sébastien Torre-figliolu d’Anghjulu- è Rumanu Nabjidi anu pigliatu a seguita. Si pò dì, in puchissimi tempi, ch’è u gruppu hà dighjà pigliatu u so volu. Sempre intornu à a musica festiva…
F.P.
Photos :Philippe Peraut
Eppò
-Anghjulu Torre : Cantu, ghitarra bassa, busucchì, fiati)
-Francescu Spinelli (cantu)
-Ghjuvan Filippu Graziani (bassa è cantu)
-Paulu Tristani (ghitarra è cantu)
-Sébastien Torre è Rumanu Nabdjidi (percussione è batteria)
Natu ghjustu nanzu à u Covid, issu gruppu insulanu, chì adunisce Bastiacci, hà fattu di a musica festiva, u so ceppu.
Semu in u 2019. Cinque amichi, tutti di ceppu bastiacciu o di u circondu, anu decisu d’aduniscesi, di sparte a so passione di u cantu, è di creà un gruppu novu : Eppò hè in marchja. Una struttura chì, dapoi, hà fattu a so strada. Particularità, ghjunghjenu d’universu musicale diversu, u rock per certi. « Vengu, per contu meu da u tradiziunale, spiega Anghjulu Torre, unu di i cinque membri di u gruppu, ma aghju sunatu dinò cù u tintu Petru Guelfucci, Canta è d’altri. »
2021 : esciuta di « Core Timpesta », u primu dischettu
Qualchì tempu nanzu, esistia un gruppu di rock, battizatu « I Varans », purtatu ghjust’à puntu da Anghjulu Torre. « Un rock in lingua corsa, aghjusta u musicante, ed eramu dui di a futura squadra d’Eppò à particupà ci. »
U scopu di a nova squadra, hè di fà rinasce una musica festiva arradicata à u so ceppu mediterraneu. « Nanzu à u riacquistu, issa musica era assai prisenta in i nostrui paesi. In l’anni settanta, tuttu u mondu era allegra in Corsica anziani è ghjovani facianu a festa. Cù « Eppò », avemu vulsutu ripiglià issu versu quì. »
Anghjulu Torre, Francescu Spinelli, Petru Tristani, Ange Bianchini è Ghjuvan Filippu Graziani, cercanu à dà nome à a so struttura. È dopu à qualchì nome, « Eppò », più cortu è faciule à prununcià, s’impone à « Arcimusa ». I membri travaglianu è dui anni dopu, esce « Core Timpesta », u so primu dischettu. Subbitu, l’ambiu festivu si sente à traversu strumenti cum’è u busucchì irlandese, i fiati, u bandjò è sopratuttu a capacità di u gruppu, à sparghje s’ambiu quì.Strada facendu, l’amichi riescenu, cù i so scritt è so musica, à imponesi pian’pianinu in l’universu di a musica corsa. Cù a so grinfia particulare.
45 date in u 2023
Altra particularità, José Ugolini, hè incaricatu di i scritti, Anghjulu Torre è Francescu Spinelli, di e cumpusizione. U dischettu face a nuturietà di u gruppu cù canzone festive cum’è « Terra Nove », « Bolero per tè », dedicatu à e femine, o « A Zinzalesca » ch’invita à ballà. Cinque anni dopu à a so creazione, u gruppu mantene sempre u so estru. Pudemu ritruvà i so membri sunà in caffè, intornu à un bichjeru caccendu i so strumenti. Senza scurdà si di cuncerti, monda in u rughjone bastiacciu ma dinò altrò. « L’annu scorsu, avemu avutu quarantacinque date, hè un segnu chè u gruppu hè bè accoltu. »
Un secondu dischettu di veranu
Questu annu, ne sò dighjà à 23 è micca solu in Cismonte (Sotta, U Salge, Zicavu, Purtivechju, Fiera di u ficu in i Peri). L’amichi di vinti anni cuntineghja a so strada. « Simu intraccia di finalizà un secondu dischettu. Scritti è musiche sò dighjà pronte, u registramentu si compie. Sè tuttu và bè, sera prontu di veranu. »
Sempre arrimbatu nantu à radiche tradiziunale, l’anziani « Varans » è dinò AC DC Tribute, portanu un soffiu novu à a musica corsa. « Ripigliemu dinò vechje canzone di i nostri anziani cum’è canzone di pescatori o a famosa « Cun voi o Madamicella », ch’è noi ripigliemu ma più lestra è più allegra.
A squadra hà pocu cambiatu dapoi l’iniziu fora di a batteria è e percussione induve Sébastien Torre-figliolu d’Anghjulu- è Rumanu Nabjidi anu pigliatu a seguita. Si pò dì, in puchissimi tempi, ch’è u gruppu hà dighjà pigliatu u so volu. Sempre intornu à a musica festiva…
F.P.
Photos :Philippe Peraut
Eppò
-Anghjulu Torre : Cantu, ghitarra bassa, busucchì, fiati)
-Francescu Spinelli (cantu)
-Ghjuvan Filippu Graziani (bassa è cantu)
-Paulu Tristani (ghitarra è cantu)
-Sébastien Torre è Rumanu Nabdjidi (percussione è batteria)
