Derby: Aiacciu - Bastia : Avà bast !
Chè suluzione ?
Derby Aiacciu-Bastia : Avà basta !
U ghjocu à ballò corsu s’hè fattu, torna una volta rimarcà à l’occasione di u derby di a dumenicata scorsa in Timizolu. Fora di e respunsabilità d’unu o l’altru di i gruppi, hè a viulenza ind’i nostri stadii, listessa ch’in altrò, è chì cresce sempre, chì ci tocca à palisà. Aspettendu forse sanzione…
Dapoi a stagione 2012-2013, i sustenitori, ch’elli sianu Aiaccini o Bastiacci, ùn anu più u dirittu di vene in Timizolu o in Furiani à « accumpagnà » a so squadra. Aviamu pinsatu chè l’assenza, dopu, (2013-2014) di sustenitori, macciu ghjucatu fora di casa, a falata di l’ACA in Lega 2 (2014) è quella di i u SCB (2017) in NIII pudia « calmà » appena tuttu u mondu. Un fattu vistu quantunque, ottu anni dopu in u 2021-2022 cù duie vittorie di u Sporting in Furiani (2-0) è Timizolu (1-0) senza sustenitori. È dinò l’annu scorsu in Aiacciu (2-0 per l’ACA) è a presenza di sustenitori « Turchini » malgradu l’arrestatu di u Prifettu.
L’influenza di e rete suciale
À u ritornu, nulla à dì, torna una volta, vittoria di u Sporting è alcunu incidente. Tandu chì ci seria statu a settimana scorsa ? Ci tocca à fà l’analisi d’un fattu chì, forse, hè cresciutu in e rete suciale, prime in causate per fà « cullà » a timperatura è, à tempu, l’odiu. Ognunu dice a soia daretu à u so screnu...Hè vera, chè u derby 2021-2022 era statu l’occasione di qualchì azzuffu fora di u stadiu di Timizolu. Què rinfurzatu da u fattu ch’elli sò abbastanza numerosi à sustene u Sporting in Aiacciu. U primu custattu ch’è noi pudemu fà, oghje, dopu à l’incidenti « privisti » forse, sabbatu scorsu, hè di rimarcà a ghjunta, in Corsica, cù appena di ritardu, d’un « fenomenu » ultras chì agisce cum’è un « cancaru » altrò. Brioni, colpi, barruffe, pocu à pinsà di i u macciu, à l’usu di ciò chì si face in Ollanda, Auropa di l’Este, ecc…
Chè suluzione ?
Un fattu, quellu di ghjente tutti vestuti di neru, vistu d’altronde in Timizolu in Lega una cù i sustenitori avversi (Strasbourg, Nantes per indettu…). Cù, poca leia cù u ghjocu à ballò. À pocu à pocu, stu fenomenu affacca in d’è noi. È s’è, oghje, ogni sustenitori difendenu a so squadra è mettenu u rimproveru à l’altri, ci tocca à ricunnosce ch’elli si ponu « dà a manu » chè u resultatu hè sempre u listessu. Nimu piglia e so respunsabilità, l’odiu cresce è l’affare cuntinueghja...Sin’à quandu ? Un mortu ?
Sabbatu, in a tribuna JB Poli, ci eranu famiglie ghjunte à purtà i so zitelli à vede un macciu di ballò. Ciò chì divia esse una festa hà mancatu di finisce in drama (lampatu di fumicaghjoli nantu à a ghjente cù un risicu maiò di ferita gravissima).
Chì serianu e suluzione di pettu à què ? Aldilà di sanzione (interdizzione di stadiu), ci vuleria à impedisce à longu andà, tuttu attu di viulenza. Di chè manera sapendu chè a risposta à issu fenomenu hè di ceppu naziunale è tocca à a LFP di piglià e misure chì s’imponenu. È què, ùn hè per dumane chè i gruppi di sustenitori anu pigliatu a suprana nantu à i dirigenti.
L’esempii di l’Inghliterra è l’Italia
L’esempii di l’Inghliterra (piazze numinative è monda più care), l’Italia (reunione qualchì annu fà cù i respunsevuli di i gruppi, i dirigenti di e squadre è u Statu), dui paesi induve ci sò stati i morti, mostranu ch’ellu si pò luttà di manera efficace contru à què.
In Corsica, auturizà i spiazzamenti di sustenitori cù un inquadramentu maiò ? Ùn hè sicuru ch’elli anu a pussibilità di ghjunghje in cità. Ma cum’è a Corsica hè chjuca è ùn conta chè 360000 abitanti è chè tuttu u mondu si cunnosce, ùn serà tantu faciule à mette in piazza. Per avà, aspettemu è forse ancu sanzione.
F.P.
Photo : F.P
U ghjocu à ballò corsu s’hè fattu, torna una volta rimarcà à l’occasione di u derby di a dumenicata scorsa in Timizolu. Fora di e respunsabilità d’unu o l’altru di i gruppi, hè a viulenza ind’i nostri stadii, listessa ch’in altrò, è chì cresce sempre, chì ci tocca à palisà. Aspettendu forse sanzione…
Dapoi a stagione 2012-2013, i sustenitori, ch’elli sianu Aiaccini o Bastiacci, ùn anu più u dirittu di vene in Timizolu o in Furiani à « accumpagnà » a so squadra. Aviamu pinsatu chè l’assenza, dopu, (2013-2014) di sustenitori, macciu ghjucatu fora di casa, a falata di l’ACA in Lega 2 (2014) è quella di i u SCB (2017) in NIII pudia « calmà » appena tuttu u mondu. Un fattu vistu quantunque, ottu anni dopu in u 2021-2022 cù duie vittorie di u Sporting in Furiani (2-0) è Timizolu (1-0) senza sustenitori. È dinò l’annu scorsu in Aiacciu (2-0 per l’ACA) è a presenza di sustenitori « Turchini » malgradu l’arrestatu di u Prifettu.
L’influenza di e rete suciale
À u ritornu, nulla à dì, torna una volta, vittoria di u Sporting è alcunu incidente. Tandu chì ci seria statu a settimana scorsa ? Ci tocca à fà l’analisi d’un fattu chì, forse, hè cresciutu in e rete suciale, prime in causate per fà « cullà » a timperatura è, à tempu, l’odiu. Ognunu dice a soia daretu à u so screnu...Hè vera, chè u derby 2021-2022 era statu l’occasione di qualchì azzuffu fora di u stadiu di Timizolu. Què rinfurzatu da u fattu ch’elli sò abbastanza numerosi à sustene u Sporting in Aiacciu. U primu custattu ch’è noi pudemu fà, oghje, dopu à l’incidenti « privisti » forse, sabbatu scorsu, hè di rimarcà a ghjunta, in Corsica, cù appena di ritardu, d’un « fenomenu » ultras chì agisce cum’è un « cancaru » altrò. Brioni, colpi, barruffe, pocu à pinsà di i u macciu, à l’usu di ciò chì si face in Ollanda, Auropa di l’Este, ecc…
Chè suluzione ?
Un fattu, quellu di ghjente tutti vestuti di neru, vistu d’altronde in Timizolu in Lega una cù i sustenitori avversi (Strasbourg, Nantes per indettu…). Cù, poca leia cù u ghjocu à ballò. À pocu à pocu, stu fenomenu affacca in d’è noi. È s’è, oghje, ogni sustenitori difendenu a so squadra è mettenu u rimproveru à l’altri, ci tocca à ricunnosce ch’elli si ponu « dà a manu » chè u resultatu hè sempre u listessu. Nimu piglia e so respunsabilità, l’odiu cresce è l’affare cuntinueghja...Sin’à quandu ? Un mortu ?
Sabbatu, in a tribuna JB Poli, ci eranu famiglie ghjunte à purtà i so zitelli à vede un macciu di ballò. Ciò chì divia esse una festa hà mancatu di finisce in drama (lampatu di fumicaghjoli nantu à a ghjente cù un risicu maiò di ferita gravissima).
Chì serianu e suluzione di pettu à què ? Aldilà di sanzione (interdizzione di stadiu), ci vuleria à impedisce à longu andà, tuttu attu di viulenza. Di chè manera sapendu chè a risposta à issu fenomenu hè di ceppu naziunale è tocca à a LFP di piglià e misure chì s’imponenu. È què, ùn hè per dumane chè i gruppi di sustenitori anu pigliatu a suprana nantu à i dirigenti.
L’esempii di l’Inghliterra è l’Italia
L’esempii di l’Inghliterra (piazze numinative è monda più care), l’Italia (reunione qualchì annu fà cù i respunsevuli di i gruppi, i dirigenti di e squadre è u Statu), dui paesi induve ci sò stati i morti, mostranu ch’ellu si pò luttà di manera efficace contru à què.
In Corsica, auturizà i spiazzamenti di sustenitori cù un inquadramentu maiò ? Ùn hè sicuru ch’elli anu a pussibilità di ghjunghje in cità. Ma cum’è a Corsica hè chjuca è ùn conta chè 360000 abitanti è chè tuttu u mondu si cunnosce, ùn serà tantu faciule à mette in piazza. Per avà, aspettemu è forse ancu sanzione.
F.P.
Photo : F.P
