<< L'île des voix >> Un cuncorsu novu di cantu
Un concorsu di cantu battizatu << l'île des voix >>
« L’île des voix », un cuncorsu novu di cantu
Issu 23 di nuvembre, u spaziu culturale di Purti Vechju urganizeghja un cuncorsu di cantu battizatu « l’île des voix ». À l’origine d’issu prughjettu, dui amichi, Delia Lucia, figliola di Ghjacumu Culioli, è Brice Colombier, anzianu ghitarristu di Jean Menconi.
Delia Lucia è Brice Colombier sò tramindui cunnisciuti in l’universu di a canzona corsa. A prima, figliola di Ghjacumu Culioli, u famosu cantadore hà dighjà fattu e so prove nantu à e scene isulane è dinò altrò. Hà participatu, cù Garou, à u dischettu « Corsu mezu mezu dui », cantendu « Et peut-être qu’un jour » d’Antone Ciosi cù Garou o nantu à a scena cù Christophe Willem è canta dapoi qualchì annu (« Fer rouge », « Cet effet là », « Je voudrais ». U secondu, ellu, sona di ghitarra cù Jean Menconi. Inseme, anu dighjà registratu un dischettu. I dui cumpagni, cù Nalween Leroy, anu vulsutu creà un speziu di cuncorsu di cantu dedicatu à tutti, ghjovani, persone maiò è anziani.
Adunisce invece d’oppone
« U scopu era à l’iniziu, spiega Delia, di creà appena di vita in a cità di Purti Vechju. Tandu avemi pinsatu à un cuncorsu di cantu, ch’eddu pudia currisponda à a noscia vulintà. Avemi piddatu cuntattu nantu à i reti suciali, è l’affari hè statu principiatu. »
I respunsevuli anu vulsutu, nanzu à tutti, urganizà una manifestazione per adunisce è micca mette in cuncurrenza i candidati. Anu ricivutu più di centu scrizzione. Solu, una vintena di candidati sò stati scelti dopu à un casting (da sei à quaranta anni). Ma ci vulia à risponde à duie ubligazione, vale à dì campà in Corsica è ùn avè prughjetti troppu avanzatu di manera à avè piuttostu talenti à scopre chè cunfirmati.
Cantu corsu, ripresa o varietà
I vinti finalisti ritenuti ghjunghjenu da tutti i lochi di Corsica è s’anu da pruduce issu sabbatu davanti à una ghjuria cumposta d’Ariane Quatrefages (parullaghja) è d’un membre di a piattaforma K’Scolta, specializata nantu à a spressione di i talenti à scopre.
« U cuntenutu hè diversu, aghjusta Delia Lucia, passa da u cantu corsu à a varietà, i ripresi o cantà nantu à una banda sunori ». Per issa prima edizione- ci ne serà forse d’altre- i vincidori averanu rigali diversi (ghitarra accustica, microfoni, participazione à u NRJ Corsica Party di ghjugnu in Bastia).
Ver di un altru prughjettu
Di fattu, un cuncettu « The voice » ma à l’usu corsu. L’appuntamentu hè datu à sette ore di sera è l’intrata serà à 15 auri, sapendu chè tutta a ricetta serà investita l’annu prussimu à l’occasione di a seconda edizione. L’avvicinera cù certi cantadori rinumati puderia, à pocu à pocu sbuccà nantu à un cuncettu allargatu. « Ma u scopu principali, assicureghja Delia Lucia, hè di fà scopra talenti novi ch’eddi sò parechji ind’è noi. Chè « L’île des voix » hè un’idea ambiziosa assai chì si voli scriva à longu andà. ». Fora d’avè iss’ambizione quì, Delia è Brice, chì cantanu o sonanu ognunu da u so cantu, travaglianu à a creazione d’un secondu cuncettu. Sempre liatu cù a musica.
F.P.
Crédit photo : Macce photo
« L’île des voix », sabbatu u 23 di nuvembre, sette ore di sera, spaziu culturale Ghjuvan Paulu di Rocca Serra. Entrata : 15 e. Reservazione : 06-16-60-14-89
Issu 23 di nuvembre, u spaziu culturale di Purti Vechju urganizeghja un cuncorsu di cantu battizatu « l’île des voix ». À l’origine d’issu prughjettu, dui amichi, Delia Lucia, figliola di Ghjacumu Culioli, è Brice Colombier, anzianu ghitarristu di Jean Menconi.
Delia Lucia è Brice Colombier sò tramindui cunnisciuti in l’universu di a canzona corsa. A prima, figliola di Ghjacumu Culioli, u famosu cantadore hà dighjà fattu e so prove nantu à e scene isulane è dinò altrò. Hà participatu, cù Garou, à u dischettu « Corsu mezu mezu dui », cantendu « Et peut-être qu’un jour » d’Antone Ciosi cù Garou o nantu à a scena cù Christophe Willem è canta dapoi qualchì annu (« Fer rouge », « Cet effet là », « Je voudrais ». U secondu, ellu, sona di ghitarra cù Jean Menconi. Inseme, anu dighjà registratu un dischettu. I dui cumpagni, cù Nalween Leroy, anu vulsutu creà un speziu di cuncorsu di cantu dedicatu à tutti, ghjovani, persone maiò è anziani.
Adunisce invece d’oppone
« U scopu era à l’iniziu, spiega Delia, di creà appena di vita in a cità di Purti Vechju. Tandu avemi pinsatu à un cuncorsu di cantu, ch’eddu pudia currisponda à a noscia vulintà. Avemi piddatu cuntattu nantu à i reti suciali, è l’affari hè statu principiatu. »
I respunsevuli anu vulsutu, nanzu à tutti, urganizà una manifestazione per adunisce è micca mette in cuncurrenza i candidati. Anu ricivutu più di centu scrizzione. Solu, una vintena di candidati sò stati scelti dopu à un casting (da sei à quaranta anni). Ma ci vulia à risponde à duie ubligazione, vale à dì campà in Corsica è ùn avè prughjetti troppu avanzatu di manera à avè piuttostu talenti à scopre chè cunfirmati.
Cantu corsu, ripresa o varietà
I vinti finalisti ritenuti ghjunghjenu da tutti i lochi di Corsica è s’anu da pruduce issu sabbatu davanti à una ghjuria cumposta d’Ariane Quatrefages (parullaghja) è d’un membre di a piattaforma K’Scolta, specializata nantu à a spressione di i talenti à scopre.
« U cuntenutu hè diversu, aghjusta Delia Lucia, passa da u cantu corsu à a varietà, i ripresi o cantà nantu à una banda sunori ». Per issa prima edizione- ci ne serà forse d’altre- i vincidori averanu rigali diversi (ghitarra accustica, microfoni, participazione à u NRJ Corsica Party di ghjugnu in Bastia).
Ver di un altru prughjettu
Di fattu, un cuncettu « The voice » ma à l’usu corsu. L’appuntamentu hè datu à sette ore di sera è l’intrata serà à 15 auri, sapendu chè tutta a ricetta serà investita l’annu prussimu à l’occasione di a seconda edizione. L’avvicinera cù certi cantadori rinumati puderia, à pocu à pocu sbuccà nantu à un cuncettu allargatu. « Ma u scopu principali, assicureghja Delia Lucia, hè di fà scopra talenti novi ch’eddi sò parechji ind’è noi. Chè « L’île des voix » hè un’idea ambiziosa assai chì si voli scriva à longu andà. ». Fora d’avè iss’ambizione quì, Delia è Brice, chì cantanu o sonanu ognunu da u so cantu, travaglianu à a creazione d’un secondu cuncettu. Sempre liatu cù a musica.
F.P.
Crédit photo : Macce photo
« L’île des voix », sabbatu u 23 di nuvembre, sette ore di sera, spaziu culturale Ghjuvan Paulu di Rocca Serra. Entrata : 15 e. Reservazione : 06-16-60-14-89
