E sfide di a renuvazione energetica
CAPEB di u Pumonte
E sfide di a renuvazione energetica
À l’iniziativa di a CAPEB di u Pumonte, in leia stretta cù l’AUE è d’altri partenarii, s’hè tenuta, a settimana scorsa in i scagni di a merria di Sarrula è Carcupinu, una ghjurnata dedicata à e sfide di a renuvazione energetica. Una manera, à traversu issu mumentu, di sapè ne di più nantu à issa tematica è d’appruntà, à cortu andà, l’avvene…
Sò avà qualchì tempu ch’ellu si tratta di transizione è renuvazione energetica in Corsica. Cù una data, l’orizonte 2050, per vede sbuccà una altru modu di cunsumazione più respettuosu di l’ambiente. Un inseme, à traversu l’imbusca di l’anticipazione ch’è noi t’avemu, frà tempu, vinticinque anni per mette tuttu in piazza. Cusì, ùn mancanu l’initiative da sensibilizà a pupulazione ma dinò accuncià tuttu cù l’attori cuncernati.
Sensibilizà è anticipà
Di fattu, a CAPEB di u Pumonte, per via di Jean-Baptiste Michon, u so presidente, l’AUE (Stefanu Cardi, cuurdinatore tecnicu) anu messu in piazza, cù d’altri attore, u 7 di nuvembre scorsu, in i lucali di a merria annesse di Sarrula è Carcupinu, una ghjurnata induve s’hè trattatu di e sfide di a renuvazione energetica à mezu à attori di u mondu ecunomicu « U scopu, spiega u presidente di a CAPEB 2A, hè di sensibilizà a ghjente, particulari o capi d’impresa, nantu à a necessità di fà ecunumie d’energia, ameliurà u cutidianu di l’abitanti cù tutti i dispusitivi chì li ponu aiutà. D’altronde, a CAPEB2A accumpagna l’imprese nantu à stu puntu quì, per fà li entre in u dispusitivu RGE (ricunnisciutu garante di l’ambiente). »
À l’occasione d’issa ghjurnata, u scopu era dunque di risponde per u megliu à e primure di l’imprese di u settore di bastimentu, per a renuvazione energetica.
Cum’è a facenu a maiò parte di e merrie di l’isula, Sarrula è Carcupinu dinò, travaglia nantu à issa tematica quì cù azzione, ghjust’à puntu, in leia cù a transizione energetica. Ma unu di i punti i più impurtanti d’issa ghjurnata fù a presentazione, da Antonia Orsoni- incaricata di studii à l’AUE, di u dispusitivu Oreli, un inseme d’arnesi è un accumpagnamentu cù aiute finanziarii (sin’à 30000 euri) per ciò chì tocca à a renuvazione energetica. « Un dispusitivu, aghjusta u presidente di a CAPEB2A, chì hè messu in piazza per permette à e famiglie di fà ecunumie d’energia, ma dinò di stà in abitazione chì t’anu un’isulazione impurtante cù e norme chì cunvenenu. »
Ci vole à ricunnosce, oghje, per ghjustificà l’impurtanza d’anticipà, chè l’imprese di u bastimentu riprisentanu, in Francia, u secondu settore per ciò chì tocca à gasu à effettu serra cù 27 % d’emissione di CO2 è 45 % di a cunsimmazione d’energia. Tandu, i prufessiunali corsi d’issu settore anu pussutu sapè ne di più nantu à i dispusitivi, l’aiute, è, d’una manera generale, tutte l’imbusche di a renuvazione di manera, à pocu à pocu, à travaglià à nantu.
Privista dinò in u prugramma d’issu sette di nuvembre, e suluzione di finanzamenti per i prufessiunali è i particulari, prisentate da Jérôme Valdy (Socama Corsica). S’hè trattatu, in u dopu meziornu, d’una altra demarchja, Seize Corsica, da accumpagnà, sta volta, e cullettività. In fine, l’invitati anu prisentatu un disputivu novu, liatu à l’idromaretermia. S’agisce d’aduprà l’energia sottumarina da scaldà o climatizà l’abitazione. Una ghjurnata ricca di scambii induve, tutti, particulari o capimpresa a nu avutu qualchì risposta à e so dumande. Una altra ghjurnata hè privista l’annu chì vene.
F.P.
Photo : F.P
À l’iniziativa di a CAPEB di u Pumonte, in leia stretta cù l’AUE è d’altri partenarii, s’hè tenuta, a settimana scorsa in i scagni di a merria di Sarrula è Carcupinu, una ghjurnata dedicata à e sfide di a renuvazione energetica. Una manera, à traversu issu mumentu, di sapè ne di più nantu à issa tematica è d’appruntà, à cortu andà, l’avvene…
Sò avà qualchì tempu ch’ellu si tratta di transizione è renuvazione energetica in Corsica. Cù una data, l’orizonte 2050, per vede sbuccà una altru modu di cunsumazione più respettuosu di l’ambiente. Un inseme, à traversu l’imbusca di l’anticipazione ch’è noi t’avemu, frà tempu, vinticinque anni per mette tuttu in piazza. Cusì, ùn mancanu l’initiative da sensibilizà a pupulazione ma dinò accuncià tuttu cù l’attori cuncernati.
Sensibilizà è anticipà
Di fattu, a CAPEB di u Pumonte, per via di Jean-Baptiste Michon, u so presidente, l’AUE (Stefanu Cardi, cuurdinatore tecnicu) anu messu in piazza, cù d’altri attore, u 7 di nuvembre scorsu, in i lucali di a merria annesse di Sarrula è Carcupinu, una ghjurnata induve s’hè trattatu di e sfide di a renuvazione energetica à mezu à attori di u mondu ecunomicu « U scopu, spiega u presidente di a CAPEB 2A, hè di sensibilizà a ghjente, particulari o capi d’impresa, nantu à a necessità di fà ecunumie d’energia, ameliurà u cutidianu di l’abitanti cù tutti i dispusitivi chì li ponu aiutà. D’altronde, a CAPEB2A accumpagna l’imprese nantu à stu puntu quì, per fà li entre in u dispusitivu RGE (ricunnisciutu garante di l’ambiente). »
À l’occasione d’issa ghjurnata, u scopu era dunque di risponde per u megliu à e primure di l’imprese di u settore di bastimentu, per a renuvazione energetica.
Cum’è a facenu a maiò parte di e merrie di l’isula, Sarrula è Carcupinu dinò, travaglia nantu à issa tematica quì cù azzione, ghjust’à puntu, in leia cù a transizione energetica. Ma unu di i punti i più impurtanti d’issa ghjurnata fù a presentazione, da Antonia Orsoni- incaricata di studii à l’AUE, di u dispusitivu Oreli, un inseme d’arnesi è un accumpagnamentu cù aiute finanziarii (sin’à 30000 euri) per ciò chì tocca à a renuvazione energetica. « Un dispusitivu, aghjusta u presidente di a CAPEB2A, chì hè messu in piazza per permette à e famiglie di fà ecunumie d’energia, ma dinò di stà in abitazione chì t’anu un’isulazione impurtante cù e norme chì cunvenenu. »
Ci vole à ricunnosce, oghje, per ghjustificà l’impurtanza d’anticipà, chè l’imprese di u bastimentu riprisentanu, in Francia, u secondu settore per ciò chì tocca à gasu à effettu serra cù 27 % d’emissione di CO2 è 45 % di a cunsimmazione d’energia. Tandu, i prufessiunali corsi d’issu settore anu pussutu sapè ne di più nantu à i dispusitivi, l’aiute, è, d’una manera generale, tutte l’imbusche di a renuvazione di manera, à pocu à pocu, à travaglià à nantu.
Privista dinò in u prugramma d’issu sette di nuvembre, e suluzione di finanzamenti per i prufessiunali è i particulari, prisentate da Jérôme Valdy (Socama Corsica). S’hè trattatu, in u dopu meziornu, d’una altra demarchja, Seize Corsica, da accumpagnà, sta volta, e cullettività. In fine, l’invitati anu prisentatu un disputivu novu, liatu à l’idromaretermia. S’agisce d’aduprà l’energia sottumarina da scaldà o climatizà l’abitazione. Una ghjurnata ricca di scambii induve, tutti, particulari o capimpresa a nu avutu qualchì risposta à e so dumande. Una altra ghjurnata hè privista l’annu chì vene.
F.P.
Photo : F.P
