Umaggiu à Gaspard Sini
Anzianu ghjucadore di l'ACA è di bucce,
Umaggiu à Gaspard Sini
Anzianu ghjucadore di l’ACA è di bucce, Gaspard Sini s’hè spentu à mezu à i soi quidenci ghjorni fà à l’età d’ottanta quattru anni. Issu mezu terrenu « biancu è rossu » ci permette di sfuglià qualchì pagina di a vita di a Cità Imperiale, di u ghjocu à ballò corsu è dinò, di u mondu di e bucce…
« Je vous parle d’un temps… » dicia u famosu Carlu Aznavour. Issu tempu quì, quellu di nanzu, sò pochi i zitelli à cunnoscelu. Eppuru, sapè d’induve ghjunghjemu ci permette d’avanzà in a vita d’oghje è di pudè sapè induve avemu da andà. Per furtuna-ma attenti hè in periculu !- stu filu quì s’hè sempre mantenutu è à tempu tramandatu ind’è noi, ch’ella sia in Pumonte o in Cismonte. In Aghjacciu, sò sempre parechje à avè lasciatu qualchì traccia- i so passi, u so stintu o a so passione- à i più ghjovani. È ghjè cusì ch’uni pochi sò sempre arrimbati à stu filu quì.
Zitellu di u vechju Aghjacciu
À l’ACA, ritratti d’anziani ghjucadori, libri, mostre, ecc…permettenu à i più ghjovani di cunnosce u passatu è d’avanzà nantu à a listessa strada.
S’ellu n’hà micca cunnisciutu u mondu prufessiunale è e carriere di i più più famosi « bianchi è rossi », Gaspard Sini, chì s’hè spentu duie settimane fà in Aghjacciu, hà purtatu a so petra è, à tempu, sulcatu a strada, masimu ch’ellu facia parte d’issa generazione di u cinquanta, forse una di e più maiò à mezu à ghjucadori ch’anu purtatu altu i culori di l’ACA cù i Borodine, Mimi « Banane », Antoine Federicci…
Zitellu di u vechju Aghjacciu, vicinu à u quartieru di u carrughju drittu, avia ghjucatu prestu à u ballò, u solu passatempu à l’epica. Natu in u 1936, face i so primi passi à l’ACA à l’età di…nove anni è cuntinueghja sin’à u 1965. Mezu terrenu, capighjucadore assai tecnicu, vince trè cuppe di Corsica (1955, 1961, 1966), dui campiunati di Corsica (1955, 1964) è duie cuppe « Air France ». I so dui fratelli Antoine (difensore) è sopratuttu « Fanfan » (mezu terrenu chì hà cunnisciutu a seconda divisione) anu purtatu, elli dinò a maglietta « bianca è rossa ». Ma ci vole à sapè, per i più ghjovani, chè vince a cuppa o u campiunatu di Corsica, masimu di fronte à u Sporting (dighjà à l’epica) riprisentava monda in sti tempi quì.
Chè certe volte, i macci si ghjucavanu davanti à più di 2000 spettatori…Gaspard Sini avaria forse cunnisciutu u mondu prufessiunale, s’è l’ACA era cullatu in seconda divisione unu o dui anni nanzu…
Da u ghjocu à ballò à e bucce
A so carriera l’hà cuntinuatu à u « Stade Ajaccien », creatu da anziani di l’ACA. Ma hà sempre avutu u core « biancu è rossu ». Per prove, ne fù educatore durante parechji anni.
Ghjè à fine di u so percorsu ch’ellu si mette à e bucce, cù ci vole à dilla, a listessa riesciuta. À l’origine, cù d’altri, di a creazione di Grande Premiu di a Cità d’Aghjacciu, hè statu u primu educatore à mette in piazza una scola di bucce. Un ghjucadore famosu chì serà, à tempu, dirigente di « A buccia di Mezavia » à a fine di l’anni ottanta. Quì dinò, Gaspard si piglierà uni pochi di tituli di campione di Corsica ghjuchendu cù i so amichi è furmendu una bella squadra cù u so figliolu Joseph è Roland Gabillaud…
A so passione, ch’ella sia di u ballò o di e bucce, Gaspard hà pussutu tramandà la à u so figliolu, famosu ghjucadore di bucce è dinò anzianu di l’ACA. Una manera di mantene issu filu…
Anzianu ghjucadore di l’ACA è di bucce, Gaspard Sini s’hè spentu à mezu à i soi quidenci ghjorni fà à l’età d’ottanta quattru anni. Issu mezu terrenu « biancu è rossu » ci permette di sfuglià qualchì pagina di a vita di a Cità Imperiale, di u ghjocu à ballò corsu è dinò, di u mondu di e bucce…
« Je vous parle d’un temps… » dicia u famosu Carlu Aznavour. Issu tempu quì, quellu di nanzu, sò pochi i zitelli à cunnoscelu. Eppuru, sapè d’induve ghjunghjemu ci permette d’avanzà in a vita d’oghje è di pudè sapè induve avemu da andà. Per furtuna-ma attenti hè in periculu !- stu filu quì s’hè sempre mantenutu è à tempu tramandatu ind’è noi, ch’ella sia in Pumonte o in Cismonte. In Aghjacciu, sò sempre parechje à avè lasciatu qualchì traccia- i so passi, u so stintu o a so passione- à i più ghjovani. È ghjè cusì ch’uni pochi sò sempre arrimbati à stu filu quì.
Zitellu di u vechju Aghjacciu
À l’ACA, ritratti d’anziani ghjucadori, libri, mostre, ecc…permettenu à i più ghjovani di cunnosce u passatu è d’avanzà nantu à a listessa strada.
S’ellu n’hà micca cunnisciutu u mondu prufessiunale è e carriere di i più più famosi « bianchi è rossi », Gaspard Sini, chì s’hè spentu duie settimane fà in Aghjacciu, hà purtatu a so petra è, à tempu, sulcatu a strada, masimu ch’ellu facia parte d’issa generazione di u cinquanta, forse una di e più maiò à mezu à ghjucadori ch’anu purtatu altu i culori di l’ACA cù i Borodine, Mimi « Banane », Antoine Federicci…
Zitellu di u vechju Aghjacciu, vicinu à u quartieru di u carrughju drittu, avia ghjucatu prestu à u ballò, u solu passatempu à l’epica. Natu in u 1936, face i so primi passi à l’ACA à l’età di…nove anni è cuntinueghja sin’à u 1965. Mezu terrenu, capighjucadore assai tecnicu, vince trè cuppe di Corsica (1955, 1961, 1966), dui campiunati di Corsica (1955, 1964) è duie cuppe « Air France ». I so dui fratelli Antoine (difensore) è sopratuttu « Fanfan » (mezu terrenu chì hà cunnisciutu a seconda divisione) anu purtatu, elli dinò a maglietta « bianca è rossa ». Ma ci vole à sapè, per i più ghjovani, chè vince a cuppa o u campiunatu di Corsica, masimu di fronte à u Sporting (dighjà à l’epica) riprisentava monda in sti tempi quì.
Chè certe volte, i macci si ghjucavanu davanti à più di 2000 spettatori…Gaspard Sini avaria forse cunnisciutu u mondu prufessiunale, s’è l’ACA era cullatu in seconda divisione unu o dui anni nanzu…
Da u ghjocu à ballò à e bucce
A so carriera l’hà cuntinuatu à u « Stade Ajaccien », creatu da anziani di l’ACA. Ma hà sempre avutu u core « biancu è rossu ». Per prove, ne fù educatore durante parechji anni.
Ghjè à fine di u so percorsu ch’ellu si mette à e bucce, cù ci vole à dilla, a listessa riesciuta. À l’origine, cù d’altri, di a creazione di Grande Premiu di a Cità d’Aghjacciu, hè statu u primu educatore à mette in piazza una scola di bucce. Un ghjucadore famosu chì serà, à tempu, dirigente di « A buccia di Mezavia » à a fine di l’anni ottanta. Quì dinò, Gaspard si piglierà uni pochi di tituli di campione di Corsica ghjuchendu cù i so amichi è furmendu una bella squadra cù u so figliolu Joseph è Roland Gabillaud…
A so passione, ch’ella sia di u ballò o di e bucce, Gaspard hà pussutu tramandà la à u so figliolu, famosu ghjucadore di bucce è dinò anzianu di l’ACA. Una manera di mantene issu filu…
