Voce ventu : vinticinque anni di passione canterina
U gruppu di u rughjone aiaccinu festighjeghja quest’annu u so vinticinquesimu anniversariu. Per marcà lu, un dischettu nove escerà di dicembre. L’occasione di sfuglià una squadra chì hà fattu a so strada…
Eranu cinque à l’iniziu, sò oghje, guasgi una decina. Pertutu da una squadra d’animazione, u gruppu Voce Ventu, tutti « figlioli » di a scola di cantu di u tintu Natale Luciani è à tempu di u riacquistu, hà fattu a so strada in un quartu di seculu. Quattru dischetti sò esciuti : « Rughju di vita » (2005), « Tessi Tessi » (2010 cù l’artista giappunese Mieko Miyasaki), « Di culori è di sonnii » (2010) è u famosu « Ci serà sempre un cantu » (2016). Cù canzone ch’anu fattu u giru di l’isula è aldilà (« Rughju di vita », « Kyrie », « Da u sperà », « Corsica meia », « A moi bandera », « O generale »…Certi sò pertuti, d’altri ghjunti ma u spiritu ùn scambia micca…
Vinticinque canzone
Cusì, è quattru anni dopu à « Ci serà sempre un cantu », a squadra hà da esce un cinquesimu dischettu. « Hè per marcà i nostri vinticinque anni, spiega Fred Poggi, unu di l’ultimi à esse sempre quì dapoi u principiu cù Saveriu Tavera è Eric Ressouches, avemu vulsutu travaglià intornu à un altru prughjettu cù, sta volta vinticinque canzone… »
Peccatu chè u gruppu chì divia entre in studiò (ind’è Michele Tomei, membru di a squadra) di marzu, hè statu custrettu di mette tuttu da cantu per via di u siscu. « Avemu attaccatu u registramentu avà, ripiglia u cantadore, s’è tuttu và bè, u dischettu escerà di dicembre. Quindeci sò canzone nove è deci seranu riprese accunciate d’un’altra manera…. »
Fora di quelle di l’ultimu dischettu, ci seranu canzone ch’anu marcatu a strada di u gruppu (« Kyrie », « Rughju di vita », « A serva »…). « Lascemu a surpresa à u publicu per l’altre. »
Dapoi qualchì annu, a squadra ùn scambia micca. Arricchita da cantadore o musicanti chì sò ghjunti à purtà a so petra, da un’altra dimensione à l’inseme. Masimu à u nivelli di l’acconci musicali, a manera di travaglià… « Ci hè una certa maturità è travagliemu à spessu durante tuttu l’annu. U gruppu hà sceltu di fà duie « residenze » d’una settimana à l’annu per chjodesi è travaglià di manera prufessiunale. Ci simu tutti i ghjorni da nove ore di mane à sei ore di sera. Hè un pocu u segnu di u nostru percorsu novu. Ci hè statu un’evoluzione artistica cù musicanti chì s’impegnanu ind’e l’accunciamentu. Avemu una vera reflessione musicale. Travagliemu cusì dapoi u 2016. »
A fasa di registramentu di l’ultimu dischettu hè stata arrestata per via di a crisa sanitaria. « Diviamu fà duie altre residenze ma ùn avemu pussutu. » Ghjuvan Filippu Martini, Fred Poggi o Lionel Giacomini anu scrittu canzone nove, per u restu, ritruvemu autori ch’anu dighjà participatu (Petru Canon, Alanu di Megliu, Ghjacumu Fusina…). « Circhemu à fà un discu in u spiritu di l’altri… »
Aspettendu dicembre, u gruppu serà nantu à scene isulane iss’estatina. Ma cù un prugrama accurtatu. « Avemu avutu parechje annulazione. Per avà, trè cuncerti sò privisti in Santa Maria Sicchè (U 18 di lugliu), l’Isula Rossa (u 14 d’aostu) è in Pitrusella (u 29 d’aostu). Aspettemu a risposta per d’altre. »
L’occasione, per u so publicu, di ritruvà una squadra chì cuntinueghja a so strada dapoi vinticique anni. Sempre nantu à u listessu filu…
Vinticinque canzone
Cusì, è quattru anni dopu à « Ci serà sempre un cantu », a squadra hà da esce un cinquesimu dischettu. « Hè per marcà i nostri vinticinque anni, spiega Fred Poggi, unu di l’ultimi à esse sempre quì dapoi u principiu cù Saveriu Tavera è Eric Ressouches, avemu vulsutu travaglià intornu à un altru prughjettu cù, sta volta vinticinque canzone… »
Peccatu chè u gruppu chì divia entre in studiò (ind’è Michele Tomei, membru di a squadra) di marzu, hè statu custrettu di mette tuttu da cantu per via di u siscu. « Avemu attaccatu u registramentu avà, ripiglia u cantadore, s’è tuttu và bè, u dischettu escerà di dicembre. Quindeci sò canzone nove è deci seranu riprese accunciate d’un’altra manera…. »
Fora di quelle di l’ultimu dischettu, ci seranu canzone ch’anu marcatu a strada di u gruppu (« Kyrie », « Rughju di vita », « A serva »…). « Lascemu a surpresa à u publicu per l’altre. »
Dapoi qualchì annu, a squadra ùn scambia micca. Arricchita da cantadore o musicanti chì sò ghjunti à purtà a so petra, da un’altra dimensione à l’inseme. Masimu à u nivelli di l’acconci musicali, a manera di travaglià… « Ci hè una certa maturità è travagliemu à spessu durante tuttu l’annu. U gruppu hà sceltu di fà duie « residenze » d’una settimana à l’annu per chjodesi è travaglià di manera prufessiunale. Ci simu tutti i ghjorni da nove ore di mane à sei ore di sera. Hè un pocu u segnu di u nostru percorsu novu. Ci hè statu un’evoluzione artistica cù musicanti chì s’impegnanu ind’e l’accunciamentu. Avemu una vera reflessione musicale. Travagliemu cusì dapoi u 2016. »
A fasa di registramentu di l’ultimu dischettu hè stata arrestata per via di a crisa sanitaria. « Diviamu fà duie altre residenze ma ùn avemu pussutu. » Ghjuvan Filippu Martini, Fred Poggi o Lionel Giacomini anu scrittu canzone nove, per u restu, ritruvemu autori ch’anu dighjà participatu (Petru Canon, Alanu di Megliu, Ghjacumu Fusina…). « Circhemu à fà un discu in u spiritu di l’altri… »
Aspettendu dicembre, u gruppu serà nantu à scene isulane iss’estatina. Ma cù un prugrama accurtatu. « Avemu avutu parechje annulazione. Per avà, trè cuncerti sò privisti in Santa Maria Sicchè (U 18 di lugliu), l’Isula Rossa (u 14 d’aostu) è in Pitrusella (u 29 d’aostu). Aspettemu a risposta per d’altre. »
L’occasione, per u so publicu, di ritruvà una squadra chì cuntinueghja a so strada dapoi vinticique anni. Sempre nantu à u listessu filu…
