Prima edizioni di u cuncorsu " Lingua Materna " à l'Università di Corsica
Purtà un prughjettu criativu da valurizà a lingua è a cultura corsa : eccu u scopu di u cuncorsu « Lingua Materna » prupostu da a Missioni Criatività di l’Università Pasquale Paoli à tutti i so studianti.
Prima edizioni di u cuncorsu « Lingua Materna » à l’Università di Corsica
Purtà un prughjettu criativu da valurizà a lingua è a cultura corsa : eccu u scopu di u cuncorsu « Lingua Materna » prupostu da a Missioni Criatività di l’Università Pasquale Paoli à tutti i so studianti.
« Sviluppà a creatività di i studienti è fà nasce a leia suciale trà tutti l’attori di u campus cù l’arte è a cultura » : hè cusì chì Davia Benedetti chì n’hè a rispunsevuli difinisci l’azzioni di a Missioni Criatività di l’Università di Corsica.
Una bella manera d’adduniscia tutti l’energii criativi sparti trà ogni facultà aiutenduli à rializà i so prughjetti.
U 14 di dicembri scorsu, a Missioni annunciava u principiu d’un’iniziativa di primura : u cuncorsu Lingua Materna apartu fin’è u 27 di ghjinnaghju.
Da participacci, vi tocca di sicuru à essa studianti à l’Università è à prupona un prughjettu criativu chì valurizessi a lingua è a cultura corsa.
Un cuncorsu chì dà à i ghjovani assai libertà di criazioni posta ch’ellu ùn ci hè nè un sughjettu impostu da rispittà nè una sola disciplina artistica pussibuli.
Da u spittaculu vivu à a valurizazioni patrimuniali è da a mostra artistica à l’appruntera d’un ivinimentu culturali criativu passendu pà a rializazioni di filmetti, di ghjochi pidagogichi o a criazioni d’un’opara litteraria, l’idei di campi di sprissioni pruposti sò belli numarosi !
In li criterii di silizzioni, ci truvemu di sicuru l’adopru di u corsu, a pussibulità di rializazioni in quattru mesi è po l’urighjinalità di u prughjettu da fà ch’elli s’intreccini i cumpitenzi è l’arti.
Com’ella a ci dici Davia Benedetti : « st’allarghera deve permette à tutti i studienti, cù i so percorsi belli diversi, artistichi o puru scentifichi, di truvà a so piazza di modu creativu.»
Aghjustaremu pà compia chì ogni prughjettu silizziunatu da a ghjuria sarà prisintatu di maghju à u Spaziu Natale Luciani cù un premiu di 1000€ è chì i criazioni, cù a so prisintazioni, sò da mandà pà mail à : creativité@univ-corse.fr.
Un bellu cuncorsu da valurizà a criazioni studiantina è da fà chì a più bella rima à lingua viva fussi lingua criativa.
Cari studianti, avà : tocca à voi !
Brandon Andreani
Purtà un prughjettu criativu da valurizà a lingua è a cultura corsa : eccu u scopu di u cuncorsu « Lingua Materna » prupostu da a Missioni Criatività di l’Università Pasquale Paoli à tutti i so studianti.
« Sviluppà a creatività di i studienti è fà nasce a leia suciale trà tutti l’attori di u campus cù l’arte è a cultura » : hè cusì chì Davia Benedetti chì n’hè a rispunsevuli difinisci l’azzioni di a Missioni Criatività di l’Università di Corsica.
Una bella manera d’adduniscia tutti l’energii criativi sparti trà ogni facultà aiutenduli à rializà i so prughjetti.
U 14 di dicembri scorsu, a Missioni annunciava u principiu d’un’iniziativa di primura : u cuncorsu Lingua Materna apartu fin’è u 27 di ghjinnaghju.
Da participacci, vi tocca di sicuru à essa studianti à l’Università è à prupona un prughjettu criativu chì valurizessi a lingua è a cultura corsa.
Un cuncorsu chì dà à i ghjovani assai libertà di criazioni posta ch’ellu ùn ci hè nè un sughjettu impostu da rispittà nè una sola disciplina artistica pussibuli.
Da u spittaculu vivu à a valurizazioni patrimuniali è da a mostra artistica à l’appruntera d’un ivinimentu culturali criativu passendu pà a rializazioni di filmetti, di ghjochi pidagogichi o a criazioni d’un’opara litteraria, l’idei di campi di sprissioni pruposti sò belli numarosi !
In li criterii di silizzioni, ci truvemu di sicuru l’adopru di u corsu, a pussibulità di rializazioni in quattru mesi è po l’urighjinalità di u prughjettu da fà ch’elli s’intreccini i cumpitenzi è l’arti.
Com’ella a ci dici Davia Benedetti : « st’allarghera deve permette à tutti i studienti, cù i so percorsi belli diversi, artistichi o puru scentifichi, di truvà a so piazza di modu creativu.»
Aghjustaremu pà compia chì ogni prughjettu silizziunatu da a ghjuria sarà prisintatu di maghju à u Spaziu Natale Luciani cù un premiu di 1000€ è chì i criazioni, cù a so prisintazioni, sò da mandà pà mail à : creativité@univ-corse.fr.
Un bellu cuncorsu da valurizà a criazioni studiantina è da fà chì a più bella rima à lingua viva fussi lingua criativa.
Cari studianti, avà : tocca à voi !
Brandon Andreani
