" L'attellu " di Livia Stromboni : teatru per chjuchi è maiò
Dopu à 20 anni di sperienza, Livia Stromboni hà apertu di settembre scorsu, a so structtura, " l'attellu" , ind'a stretta Fred Scamaroni
« L’attellu » di Livia Stromboni : teatru per chjuchi è maiò
Dopu à 20 anni di sperienza, Livia Stromboni hà apertu di settembre scorsu, a so struttura, « l’Attellu », ind’a stretta Fred Scamaroni. In tuttu, sò guasgi ottanta sculari, chjuchi è maiò, à ghjunghje u mercuri è u sabbatu, adattati, di sicuru, à e regule sanitarie. Hè quì chè tutte e squadre amparanu tutti i duminii di u teatru…
Impruvisà, ripete, travaglià l’emuzione, a spressione curpurale, fà ghjesti d’animali, pusà, corre, marchjà à passi di ghjattu, à branculera, straccinà briunà, parlà sottu voce...Eccu l’universu ch’ella prupone Livia Stromboni ind’a so struttura « L’attellu », stretta Fred Scamaroni in Aiacciu, ogni mercuri è sabbatu. Dopu à una sperienza di più di vinti anni (Le Bistrot du Cours, Scenina è d’altre strutture), l’artista hà fattu a scelta di settembre scorsu, d’apre a so struttura. « Una logica ch’u vulia mette a me sperienza à nivellu di i chjuchi è i maiò. »
Da quattru à sessanta anni
Un principiu appena duru per via di a crisa sanitaria. « Ci hè vulsutu à adattà si. Rispettemu e cundizione sanitarie (maschere, ghjesti barriera, distanza...) Avemu fattu dinò corsi in visio...Travagliemu à spessu fora quand’ella ci hè a pussibilità... »
In tuttu, Livia Stromboni pò cuntà nantu à ottanta « sculari » da quattru à sessanta anni. Ci hè vinti quattru maiò è sò zitelli o ghjovani per u restu.
À a scola, i sculari si spiccanu in parechji gruppi : svegliu unu, dui è trè, ghjovani unu è dui, maiò unu è dui. « Per ciò chì tocca à i prughjetti, circhemu à esse arrimbati nantu à l’attualità. »
Cusì, i più chjuchi travaglianu intornu à esercizii à mezu à, di tantu in tantu, musica. Per i ghjovani è i maiò, si travaglia dighjà l’impruvisazione. « Hè impurtante di fà sprime u corpu, ci vole à investisce u spaziu. Ci sèo ghjochi o circhemu à creà storia o travaglià nantu à scritti dighjà fatti. Oramai, si custruisce inseme. »
Questu annu, e squadre di « L’attellu » travaglianu nantu à prughjetti precisi.
« Contes à rebours » per i zitelli. Si tratta d’una piccula revuluzione nantu à u mondu d’oghje.
Un spettaculu di ghjugnu ?
I ghjovani, elli, sò à nantu à « Qui a tué Charles Perrault ? », una fole induve tutti i persunaghji di tutte e fole d’autori famosi, participeghjanu. Saria un spettaculu burlescu.
In fine, i maiò travaglianu nantu à E-Génér@tion induve si tratta, quì, di i cuntatti numerichi.
Fora di i corsi settimanali, Livia Stromboni urganizeghja, durante l’annata, stazii intornu à lettura, impruvazione, in Aiacciu è in altrò (Livia, Prupià…).
È ci hè dinò, un travagliu nantu à camera. « I zitelli amparanu à piglià un sonu, à quadrà o à ghjucà... »
Per a respunsevule di l’Attellu, tuttu l’impegnu di l’annu serà restituitu ind’un spettaculu di ghjugnu. « Ghjucheremu forse davanti à a sala, s’è e cundizione sanitarie a permettenu. »
Primi passi interessanti per una struttura da seguità.
Ph.P.
L’attellu
Svegliu 1 : mercuri (9.00-10.00)
Svegliu 2 : mercuri (10.00-11.00)
Svegliu 3 : mercuri (11.00-12.00)
Zitelli 1 : marti (17.00-19.00 è/0 19.00-21.00)
Zitelli 2 : mercuri (16.00-18-00) è/o ghjovi (19.30-21.30)
Ghjovani 1 : mercuri (14.00-16.00)
Ghjovani 2 : mercuri (18.00-20.00)
Maiò : marti (19.00-21.00)
Cuntattu : [email protected]
tel : 06-82-31-83-80
Dopu à 20 anni di sperienza, Livia Stromboni hà apertu di settembre scorsu, a so struttura, « l’Attellu », ind’a stretta Fred Scamaroni. In tuttu, sò guasgi ottanta sculari, chjuchi è maiò, à ghjunghje u mercuri è u sabbatu, adattati, di sicuru, à e regule sanitarie. Hè quì chè tutte e squadre amparanu tutti i duminii di u teatru…
Impruvisà, ripete, travaglià l’emuzione, a spressione curpurale, fà ghjesti d’animali, pusà, corre, marchjà à passi di ghjattu, à branculera, straccinà briunà, parlà sottu voce...Eccu l’universu ch’ella prupone Livia Stromboni ind’a so struttura « L’attellu », stretta Fred Scamaroni in Aiacciu, ogni mercuri è sabbatu. Dopu à una sperienza di più di vinti anni (Le Bistrot du Cours, Scenina è d’altre strutture), l’artista hà fattu a scelta di settembre scorsu, d’apre a so struttura. « Una logica ch’u vulia mette a me sperienza à nivellu di i chjuchi è i maiò. »
Da quattru à sessanta anni
Un principiu appena duru per via di a crisa sanitaria. « Ci hè vulsutu à adattà si. Rispettemu e cundizione sanitarie (maschere, ghjesti barriera, distanza...) Avemu fattu dinò corsi in visio...Travagliemu à spessu fora quand’ella ci hè a pussibilità... »
In tuttu, Livia Stromboni pò cuntà nantu à ottanta « sculari » da quattru à sessanta anni. Ci hè vinti quattru maiò è sò zitelli o ghjovani per u restu.
À a scola, i sculari si spiccanu in parechji gruppi : svegliu unu, dui è trè, ghjovani unu è dui, maiò unu è dui. « Per ciò chì tocca à i prughjetti, circhemu à esse arrimbati nantu à l’attualità. »
Cusì, i più chjuchi travaglianu intornu à esercizii à mezu à, di tantu in tantu, musica. Per i ghjovani è i maiò, si travaglia dighjà l’impruvisazione. « Hè impurtante di fà sprime u corpu, ci vole à investisce u spaziu. Ci sèo ghjochi o circhemu à creà storia o travaglià nantu à scritti dighjà fatti. Oramai, si custruisce inseme. »
Questu annu, e squadre di « L’attellu » travaglianu nantu à prughjetti precisi.
« Contes à rebours » per i zitelli. Si tratta d’una piccula revuluzione nantu à u mondu d’oghje.
Un spettaculu di ghjugnu ?
I ghjovani, elli, sò à nantu à « Qui a tué Charles Perrault ? », una fole induve tutti i persunaghji di tutte e fole d’autori famosi, participeghjanu. Saria un spettaculu burlescu.
In fine, i maiò travaglianu nantu à E-Génér@tion induve si tratta, quì, di i cuntatti numerichi.
Fora di i corsi settimanali, Livia Stromboni urganizeghja, durante l’annata, stazii intornu à lettura, impruvazione, in Aiacciu è in altrò (Livia, Prupià…).
È ci hè dinò, un travagliu nantu à camera. « I zitelli amparanu à piglià un sonu, à quadrà o à ghjucà... »
Per a respunsevule di l’Attellu, tuttu l’impegnu di l’annu serà restituitu ind’un spettaculu di ghjugnu. « Ghjucheremu forse davanti à a sala, s’è e cundizione sanitarie a permettenu. »
Primi passi interessanti per una struttura da seguità.
Ph.P.
L’attellu
Svegliu 1 : mercuri (9.00-10.00)
Svegliu 2 : mercuri (10.00-11.00)
Svegliu 3 : mercuri (11.00-12.00)
Zitelli 1 : marti (17.00-19.00 è/0 19.00-21.00)
Zitelli 2 : mercuri (16.00-18-00) è/o ghjovi (19.30-21.30)
Ghjovani 1 : mercuri (14.00-16.00)
Ghjovani 2 : mercuri (18.00-20.00)
Maiò : marti (19.00-21.00)
Cuntattu : [email protected]
tel : 06-82-31-83-80
