"INSITE" s'impegna in Corsica !
Natu in u 2018, iss'associu face a scelta d'impegnà si à prò di u mondu ruralme.
« Insite » s’impegna in Corsica !
Natu in u 2018, iss’associu face a scelta d’impegnà si à prò di u mondu rurale. Dighjà prisenta in parechji rughjoni di Francia, a struttura hè sbarcata in Corsica cù un primu prughjettu in Arghjusta è Muricciu. D’altre anu da seguità intornu à u listessu scopu : fà a prumuzione di a vita paisana è cuntribuisce à u rinnovu di a ruralità...
Quandu ellu piglia u capu di « Insite », trè anni fà, Thibault Renaudin, attuale presidente di l’associu ùn hà per scopu chè di sfidà u mondu citadinu è appughjà si nantu à a ricchezza di a ruralità per aitutà i so attori è mubilizà ghjovani chì si volenu impegnà arrimbati nantu à un ideale di sucetà novu.
In periculu ind’è noi, u mondu rurale avia, ghjustappuntu bisognu d’un arnese cusì par avè un aiutu in più. Masimu chè a struttura naziunale s’investisce monda è riprisentava dighjà, trè anni dopu à a so creazione, trenta cumune è duie regione (PACA, Uccitania). Cusì, un cuntattu hè statu pigliatu cu Paulu Ghjaseppu Caitucoli, merre d’Arghjusta è Muricciu per travaglià nantu à a ricchezza d’issu territoriu. Tandu Elodie Tesson, Direttrice Generale è Elsa Wadel (sviluppu in Corsica) sò ghjunte in u paese per mette in piazza un prughjettu. Di sicuru, i partenarii sò numerosi : A Cullettività di Corsica, u CUAE Corsica, l’Università di Corsica, u Fablab, l’uffiziu di l’ambiente, l’Uffiziu Naziunale di a Furesta, a Prifettura…
Intornu à un prughjettu natu in marzu 2020 è trè tematiche specifiche, a memoria di l’acqua, i chjassi di u Patrimoniu è i frazi, duie ghjovane, Laurie Greuzat (Tours) è Laura Regis (vicinu à Béziers) vuluntarie, anu passatu sei mesi nantu à a cumuna. Di fattu, Insite hà messu in piazza un « Erasmus » dedicatu à a ruralità induve ghjovani si ponu impegnà. « Sò ghjovani cuncernati da issi tematichi, spiega u merre d’Arghjusta, si sò impegnati monda in u nosciu tarritoriu dopu à una chjama à candidatura. » Sò ghjovane furmate ch’anu empiutu una scheda è rispostu à a dumanda.
Macà, Pitretu è Cristinacce
Laurie è Laura anu sviluppatu, cù l’aiutu di e respunsevule d’Insite, e trè tematiche : racolte di i bisogni di l’abitanti, distribuzzione di schede Syvadec, sensibilisazione, scambii, piazzà affissi (per i frazi), bestiame, flora di a natura, redazzione d’un pianu, d’un cartulare, partenariatu cù l’Uffizii di l’ambiente è di u turisimu (chjassi di u patrimoniu), ghjocu di pista (memoria di l’acqua). Inquadrate da Bastianu Caraccioli, aghjuntu municipale, anu campatu sopra piazza ind’è l’abitante, travagliatu durante sei mesi è datu u so resultattu qualchì tempu fà. « Ani rimessu un cartulari di quindeci pagini, precisa l’aghjuntu, un ducumentu assai cumplettu chì ci dà rinsignamenti nantu à i trè tematichi scelti…). Hè un arnesi ch’avemi da pudè sviluppà. »
Ma a squadra d’Insite ùn si vole micca piantà quì. Dopu à issu travagliu compiu, un secondu prughjettu hà da nasce d’ottobre. Sempre in Arghjusta ma spertutu in Macà è Pitretu è un altru in Cristinacce (Dui Sevi), una manera di sviluppà in altrò. E tematiche seranu scelte trà e cinque di l’associu : sviluppu eculogicu, invechjà bè, eculugia è ambiente, cultura è patrimoniu. Cusì, un percorsu novu cù d’altre persone (da quattru à sei) principierà da quì à sei mesi. Cù, speremu listessu resultatu…
Natu in u 2018, iss’associu face a scelta d’impegnà si à prò di u mondu rurale. Dighjà prisenta in parechji rughjoni di Francia, a struttura hè sbarcata in Corsica cù un primu prughjettu in Arghjusta è Muricciu. D’altre anu da seguità intornu à u listessu scopu : fà a prumuzione di a vita paisana è cuntribuisce à u rinnovu di a ruralità...
Quandu ellu piglia u capu di « Insite », trè anni fà, Thibault Renaudin, attuale presidente di l’associu ùn hà per scopu chè di sfidà u mondu citadinu è appughjà si nantu à a ricchezza di a ruralità per aitutà i so attori è mubilizà ghjovani chì si volenu impegnà arrimbati nantu à un ideale di sucetà novu.
In periculu ind’è noi, u mondu rurale avia, ghjustappuntu bisognu d’un arnese cusì par avè un aiutu in più. Masimu chè a struttura naziunale s’investisce monda è riprisentava dighjà, trè anni dopu à a so creazione, trenta cumune è duie regione (PACA, Uccitania). Cusì, un cuntattu hè statu pigliatu cu Paulu Ghjaseppu Caitucoli, merre d’Arghjusta è Muricciu per travaglià nantu à a ricchezza d’issu territoriu. Tandu Elodie Tesson, Direttrice Generale è Elsa Wadel (sviluppu in Corsica) sò ghjunte in u paese per mette in piazza un prughjettu. Di sicuru, i partenarii sò numerosi : A Cullettività di Corsica, u CUAE Corsica, l’Università di Corsica, u Fablab, l’uffiziu di l’ambiente, l’Uffiziu Naziunale di a Furesta, a Prifettura…
Intornu à un prughjettu natu in marzu 2020 è trè tematiche specifiche, a memoria di l’acqua, i chjassi di u Patrimoniu è i frazi, duie ghjovane, Laurie Greuzat (Tours) è Laura Regis (vicinu à Béziers) vuluntarie, anu passatu sei mesi nantu à a cumuna. Di fattu, Insite hà messu in piazza un « Erasmus » dedicatu à a ruralità induve ghjovani si ponu impegnà. « Sò ghjovani cuncernati da issi tematichi, spiega u merre d’Arghjusta, si sò impegnati monda in u nosciu tarritoriu dopu à una chjama à candidatura. » Sò ghjovane furmate ch’anu empiutu una scheda è rispostu à a dumanda.
Macà, Pitretu è Cristinacce
Laurie è Laura anu sviluppatu, cù l’aiutu di e respunsevule d’Insite, e trè tematiche : racolte di i bisogni di l’abitanti, distribuzzione di schede Syvadec, sensibilisazione, scambii, piazzà affissi (per i frazi), bestiame, flora di a natura, redazzione d’un pianu, d’un cartulare, partenariatu cù l’Uffizii di l’ambiente è di u turisimu (chjassi di u patrimoniu), ghjocu di pista (memoria di l’acqua). Inquadrate da Bastianu Caraccioli, aghjuntu municipale, anu campatu sopra piazza ind’è l’abitante, travagliatu durante sei mesi è datu u so resultattu qualchì tempu fà. « Ani rimessu un cartulari di quindeci pagini, precisa l’aghjuntu, un ducumentu assai cumplettu chì ci dà rinsignamenti nantu à i trè tematichi scelti…). Hè un arnesi ch’avemi da pudè sviluppà. »
Ma a squadra d’Insite ùn si vole micca piantà quì. Dopu à issu travagliu compiu, un secondu prughjettu hà da nasce d’ottobre. Sempre in Arghjusta ma spertutu in Macà è Pitretu è un altru in Cristinacce (Dui Sevi), una manera di sviluppà in altrò. E tematiche seranu scelte trà e cinque di l’associu : sviluppu eculogicu, invechjà bè, eculugia è ambiente, cultura è patrimoniu. Cusì, un percorsu novu cù d’altre persone (da quattru à sei) principierà da quì à sei mesi. Cù, speremu listessu resultatu…
