Sapé Fà : Cecile Casabianca : a "Manifatata"
Stallata in Pruprià è -da quì à pocu - in Aiacciu, issa creatrice cuncepisce dapoi trè anni vistiti di matrimonii o di ceremonie.
Sapè fà
Cecile Casabianca : a « Manifatata »
Stallata in Pruprià è -da quì à pocu - in Aiacciu, issa creatrice cuncepisce dapoi trè anni vistiti di matrimonii o di ceremonie. U so scopu hè travaglià intornu à un’ attività artisgianale di qualità è prupone à e donne, pezze uniche cuncepite, pè a maiò parte in seta à più fina…
Aldilà di tuttu ciò chì si pò dì, sente è leghje nantu à u mondu di l’artisgiani, avemu in Corsica omi è donne capace di purtà u so travagliu nantu à e cunfine di l’arte u più nobile...Cecile Casabiance, di ceppu prupianincu, ne face parte. Comu a dice d’altronde, da per ella, « s’edda hè par fà soldi è essa riccu, ùn ci voli micca à sceglia issu mondu quì. Si cerca altr’affari... »
A passione di creà
Un versu chì ci mostra l’andatura particulare d’una donna passiunata dapoi una vintena d’anni, da a creazione. U so travagliu ? Cuncepisce vistiti di matrimonii o di ceremonie in seta. Una logica chì s’hè prisentata qualchì annu fà dopu à una perioda dedicata à a so sperienza prufessiunale.
Furmata in Parrighji, ind’a famosa scola « Dupérré » è diplumata di a scola superiore (trè anni), Cecile Casabianca hà cuntinuatu in Milanu nanzu di creà, vultata in Corsica in u 2006 a so prima marca. Creazione di tenute di qualità maiò per e donne. « Circava a me spressioni artistica, aghjusta l’artisgiana, è di fattu, ùn vuliu parta in tutti i sensi. U fattu di travaddà nantu à visiti di matrimonii hè ghjuntu naturalmenti. »
A creazione di Cecile hè arradicata à dui mondi. Unu corsu è schiettu, quellu di Felice, a so minnana è l’altru di Brigitte (Lille), manichina. In u 2018, nasce a so marca : « Cecile Casabianca ». Subbitu, vince un primu premiu à u festivale design di Bastia. A strada hè sulcata. « Aghju veramenti vulsutu travaddà intornu à l’arti. Cuncepiscia un vistitu di matrimoniu hè un insemi chì và aldilà d’a vendita d’un pruduttu. Ci voli à scambià cù a donna, ci hè una relazioni chì nasci, passemi un mumenti è mi possu fà dopu, un’idea di u vistitu ch’aghju da fà. Sarà qualcosa chì currispondi à noi dui. Una ceremonia di matrimoniu dura dui o trè ori. Ma l’emuzioni, eddi, stani a vita sana. »
Seta intrecciata
Cecile travaglia a seta di qualità a più fina ma t’hà, à tempu, a so particularità. « A me zifra hè a treccia. Hè l’elementi principali di i me creazioni. Dopu, ci sò dinò i spaddi marcati, i ghjaletti o ancu i griscetti... »
Per travaglià, si pò arrembà nantu à u famosu libru di Petru Barboni « Custumi di Corsica », ciò chì li permette di creà vistiti muderni ma liati à d’altri più anziani. « Hè impurtanti d’avè un sguardu nantu à i sapè fà antichi per creà pezzi unichi...Ci hè un rapportu trà quiddu chì faci a creazioni è a so materia ch’ùn si pò definiscia...»
Tramandà
L’arte di a creatrice, vene à pocu à pocu, secondu à a so manera di tuccà, vede è « sente » u tissutu. A cuncipitura s’aghjusta è u travagliu principia, à tempu cù a mascina è e mani (cosge). Un travagliu, oghje, ricunniscitu chì li permette d’avè una cullezzione à l’annu (chì si pò vede nantu à u so situ) è a creazione di pezze uniche (e donne cumandanu)...Questu annu, a creatrice hà cuncepitu un vistitu neru per Noémie Leca, Miss Corsica 2021 per u cuncorsu naziunale. Una manera di misurà a nuturietà di a creatrice è di valutà, à tempu, u so travagliu. « U scopu saria, oghji, di pudè tramandà. Ma ùn sò ancu pronta. Mi tocca à aspittà appena è à truvà personi intaressati. Ùn ci voli micca à cuntà l’ori...»
Ancu s’è a crisa sanitaria hè ghjunta à cuntrarià appena u so percorsu, a creatrice cuntinueghja à tesse u so filu…
Ph.P.
Cuntattu :
Cecile Casabianca, Chemins des Plages
20110, Propriano
www.cecile-casabianca.fr
: 06-85-08-31-73
Cecile Casabianca : a « Manifatata »
Stallata in Pruprià è -da quì à pocu - in Aiacciu, issa creatrice cuncepisce dapoi trè anni vistiti di matrimonii o di ceremonie. U so scopu hè travaglià intornu à un’ attività artisgianale di qualità è prupone à e donne, pezze uniche cuncepite, pè a maiò parte in seta à più fina…
Aldilà di tuttu ciò chì si pò dì, sente è leghje nantu à u mondu di l’artisgiani, avemu in Corsica omi è donne capace di purtà u so travagliu nantu à e cunfine di l’arte u più nobile...Cecile Casabiance, di ceppu prupianincu, ne face parte. Comu a dice d’altronde, da per ella, « s’edda hè par fà soldi è essa riccu, ùn ci voli micca à sceglia issu mondu quì. Si cerca altr’affari... »
A passione di creà
Un versu chì ci mostra l’andatura particulare d’una donna passiunata dapoi una vintena d’anni, da a creazione. U so travagliu ? Cuncepisce vistiti di matrimonii o di ceremonie in seta. Una logica chì s’hè prisentata qualchì annu fà dopu à una perioda dedicata à a so sperienza prufessiunale.
Furmata in Parrighji, ind’a famosa scola « Dupérré » è diplumata di a scola superiore (trè anni), Cecile Casabianca hà cuntinuatu in Milanu nanzu di creà, vultata in Corsica in u 2006 a so prima marca. Creazione di tenute di qualità maiò per e donne. « Circava a me spressioni artistica, aghjusta l’artisgiana, è di fattu, ùn vuliu parta in tutti i sensi. U fattu di travaddà nantu à visiti di matrimonii hè ghjuntu naturalmenti. »
A creazione di Cecile hè arradicata à dui mondi. Unu corsu è schiettu, quellu di Felice, a so minnana è l’altru di Brigitte (Lille), manichina. In u 2018, nasce a so marca : « Cecile Casabianca ». Subbitu, vince un primu premiu à u festivale design di Bastia. A strada hè sulcata. « Aghju veramenti vulsutu travaddà intornu à l’arti. Cuncepiscia un vistitu di matrimoniu hè un insemi chì và aldilà d’a vendita d’un pruduttu. Ci voli à scambià cù a donna, ci hè una relazioni chì nasci, passemi un mumenti è mi possu fà dopu, un’idea di u vistitu ch’aghju da fà. Sarà qualcosa chì currispondi à noi dui. Una ceremonia di matrimoniu dura dui o trè ori. Ma l’emuzioni, eddi, stani a vita sana. »
Seta intrecciata
Cecile travaglia a seta di qualità a più fina ma t’hà, à tempu, a so particularità. « A me zifra hè a treccia. Hè l’elementi principali di i me creazioni. Dopu, ci sò dinò i spaddi marcati, i ghjaletti o ancu i griscetti... »
Per travaglià, si pò arrembà nantu à u famosu libru di Petru Barboni « Custumi di Corsica », ciò chì li permette di creà vistiti muderni ma liati à d’altri più anziani. « Hè impurtanti d’avè un sguardu nantu à i sapè fà antichi per creà pezzi unichi...Ci hè un rapportu trà quiddu chì faci a creazioni è a so materia ch’ùn si pò definiscia...»
Tramandà
L’arte di a creatrice, vene à pocu à pocu, secondu à a so manera di tuccà, vede è « sente » u tissutu. A cuncipitura s’aghjusta è u travagliu principia, à tempu cù a mascina è e mani (cosge). Un travagliu, oghje, ricunniscitu chì li permette d’avè una cullezzione à l’annu (chì si pò vede nantu à u so situ) è a creazione di pezze uniche (e donne cumandanu)...Questu annu, a creatrice hà cuncepitu un vistitu neru per Noémie Leca, Miss Corsica 2021 per u cuncorsu naziunale. Una manera di misurà a nuturietà di a creatrice è di valutà, à tempu, u so travagliu. « U scopu saria, oghji, di pudè tramandà. Ma ùn sò ancu pronta. Mi tocca à aspittà appena è à truvà personi intaressati. Ùn ci voli micca à cuntà l’ori...»
Ancu s’è a crisa sanitaria hè ghjunta à cuntrarià appena u so percorsu, a creatrice cuntinueghja à tesse u so filu…
Ph.P.
Cuntattu :
Cecile Casabianca, Chemins des Plages
20110, Propriano
www.cecile-casabianca.fr
