U cunventu di Marcassu (Balagna) : cinque seculi di storia
Alzatu in u 1623, u cunventu di Marcassu ci permette di sfuglià cinque seculi di a nostra sto-ria. Micca cunnisciutu da tutti, fora di i Balanini, religiosi è specialisti, ...
U cunventu di Marcassu (Balagna) : cinque seculi di storia
Alzatu in u 1623, u cunventu di Marcassu ci permette di sfuglià cinque seculi di a nostra sto-ria. Micca cunnisciutu da tutti, fora di i Balanini, religiosi è specialisti, hè messu in lume dopu a so selezzione da a Missione Stéphane Bern dedicata à a salvezza di i patrimonii in periculu. L’occasione di sfuglià quattru centu anni di storia…
Cù i so 1500 m² è a so situazione geugrafica cunventu di Marcassu, nantu à a cumuna di di Cateri, supraneghja u rughjone è face parte, cù u cunventu di Corbara, forse di più cunnisciutu, d’issi lochi patrimuniali chì cuntribuiscenu à fà a ricchezza di a Balagna. Piglia, oghje, un’altra strada dapoi ch’ellu hè statu sceltu da a Missione Stéphane Bern, per l’edizione 2021. U scopu d’issa missione hè di travaglià à a salvezza di lochi patrimuniali di Francia, tutti minacciati. Issa missione permette di ricunnosce, prutegge è sviluppà siti in periculu. Ci ne saria più di 4000 spertuti nantu à tuttu u territoriu. Dapoi u 2018, 527 prughjetti sò stati scelti. Frà elli, a metà sò in fasa di reabilitazione. U tuttu per 127 milioni d’auri di spese. Quest’annu, 18 prughjetti sò stati ritenuti da a Missione.
Da i Franciscani à e sore di u Rusulaghju
Da Gradignan sin’à Saint-Malo passendu per Rupt... Una stazzona, un castellu, trè ghjesge, a casa di Louis Pasteur in Blois...È u cunventu di Marcassu. Una bona per un edifiziu appena abandunatu dapoi qualchì annu. Eppuru, ci permette di sfuglià, quattru seculi di a storia di a Corsica. Alzata in u 1623 nantu à ruine d’una cummandaria, a custruzzione si cumpone di quaranta sale, un chjostru è una ghjesgia chì fù, tempi fà, quella di Cateri. In u 1789, cunventu, accupatu da i preti Franciscani hè statu vendutu à galga è Ghjaseppu Nessa ne fù u pruprietariu. Ma una vintena d’anni dopu, ellu si vendò e duie campane, l’organu è l’altare stallata oghje in a ghjesgia di Cateri.
L’edifiziu stà quantunque abbastanza riccu à un nivellu patrimuniale cù a so sacristia tutta sculpita di legnu, u so chjostru fiuritu o sala à manghjà induve ci sò affreschi, senza cuntà i so orti. Dapoi a partanza di i Frati Benedittini, à a fine di l’anni 2010, u cunventu, minacciatu di sparisce, hè accuppatu da e sore di u Rusulaghju di a Nunziata. U fattu d’esse ritenutu da a Missione Stéphane Bern, li dà un soffiu novu. « Hè un fattu Divinu, spiega Madre Letitizia, a Superiore di u cunventu, è a cunferma chè u Celu vulia a nostra presenza quì. » Una scelta logica d’una certa manera cù assai travagli da fà à più o menu longu andà. S’è e sore ci ponu campà, u tettu, l’armatura è l’isulazione mettenu l’difiziu in periculu.
« L’urgenza, ghjè u tettu, aghjusta a sora, avemu dinò penetrazione d’acqua. Dopu, ci serà u tempu d’accuncià d’altri travagli secundarii (elettricità, cantine…). » Fundata da a Sora dece anni fà, a cummunità di u Rusulaghju di a Nunziata, era prima vicina di quella di San Martinu, nanzu di piglià u so volu. S’hè stallata in Laval (2014), Lourdes (2016) è oghje in Marcassu dapoi trè anni. U so scopu hè, fora di a religione, d’esse vicinu à i più povari è i zitelli. E sore s’impegnanu in u rughjone (insignamentu di a duttrina Cristiana, aiutu in Calvi, Isula Rossa, Belgudè…) è facenu a so strada. « Festighjemu i nostri dece anni, U cunventu i so 400 anni. Hè un segnu divinu, masimu à l’epica di Pasqua. » Cù u sustegnu di a Missione Stéphane Bern, l’edifiziu hà da pudè, di sicuru, rinasce è diventà un munumentu patrimuniale maiò in Balagna è in Corsica…
• F.P
Alzatu in u 1623, u cunventu di Marcassu ci permette di sfuglià cinque seculi di a nostra sto-ria. Micca cunnisciutu da tutti, fora di i Balanini, religiosi è specialisti, hè messu in lume dopu a so selezzione da a Missione Stéphane Bern dedicata à a salvezza di i patrimonii in periculu. L’occasione di sfuglià quattru centu anni di storia…
Cù i so 1500 m² è a so situazione geugrafica cunventu di Marcassu, nantu à a cumuna di di Cateri, supraneghja u rughjone è face parte, cù u cunventu di Corbara, forse di più cunnisciutu, d’issi lochi patrimuniali chì cuntribuiscenu à fà a ricchezza di a Balagna. Piglia, oghje, un’altra strada dapoi ch’ellu hè statu sceltu da a Missione Stéphane Bern, per l’edizione 2021. U scopu d’issa missione hè di travaglià à a salvezza di lochi patrimuniali di Francia, tutti minacciati. Issa missione permette di ricunnosce, prutegge è sviluppà siti in periculu. Ci ne saria più di 4000 spertuti nantu à tuttu u territoriu. Dapoi u 2018, 527 prughjetti sò stati scelti. Frà elli, a metà sò in fasa di reabilitazione. U tuttu per 127 milioni d’auri di spese. Quest’annu, 18 prughjetti sò stati ritenuti da a Missione.
Da i Franciscani à e sore di u Rusulaghju
Da Gradignan sin’à Saint-Malo passendu per Rupt... Una stazzona, un castellu, trè ghjesge, a casa di Louis Pasteur in Blois...È u cunventu di Marcassu. Una bona per un edifiziu appena abandunatu dapoi qualchì annu. Eppuru, ci permette di sfuglià, quattru seculi di a storia di a Corsica. Alzata in u 1623 nantu à ruine d’una cummandaria, a custruzzione si cumpone di quaranta sale, un chjostru è una ghjesgia chì fù, tempi fà, quella di Cateri. In u 1789, cunventu, accupatu da i preti Franciscani hè statu vendutu à galga è Ghjaseppu Nessa ne fù u pruprietariu. Ma una vintena d’anni dopu, ellu si vendò e duie campane, l’organu è l’altare stallata oghje in a ghjesgia di Cateri.
L’edifiziu stà quantunque abbastanza riccu à un nivellu patrimuniale cù a so sacristia tutta sculpita di legnu, u so chjostru fiuritu o sala à manghjà induve ci sò affreschi, senza cuntà i so orti. Dapoi a partanza di i Frati Benedittini, à a fine di l’anni 2010, u cunventu, minacciatu di sparisce, hè accuppatu da e sore di u Rusulaghju di a Nunziata. U fattu d’esse ritenutu da a Missione Stéphane Bern, li dà un soffiu novu. « Hè un fattu Divinu, spiega Madre Letitizia, a Superiore di u cunventu, è a cunferma chè u Celu vulia a nostra presenza quì. » Una scelta logica d’una certa manera cù assai travagli da fà à più o menu longu andà. S’è e sore ci ponu campà, u tettu, l’armatura è l’isulazione mettenu l’difiziu in periculu.
« L’urgenza, ghjè u tettu, aghjusta a sora, avemu dinò penetrazione d’acqua. Dopu, ci serà u tempu d’accuncià d’altri travagli secundarii (elettricità, cantine…). » Fundata da a Sora dece anni fà, a cummunità di u Rusulaghju di a Nunziata, era prima vicina di quella di San Martinu, nanzu di piglià u so volu. S’hè stallata in Laval (2014), Lourdes (2016) è oghje in Marcassu dapoi trè anni. U so scopu hè, fora di a religione, d’esse vicinu à i più povari è i zitelli. E sore s’impegnanu in u rughjone (insignamentu di a duttrina Cristiana, aiutu in Calvi, Isula Rossa, Belgudè…) è facenu a so strada. « Festighjemu i nostri dece anni, U cunventu i so 400 anni. Hè un segnu divinu, masimu à l’epica di Pasqua. » Cù u sustegnu di a Missione Stéphane Bern, l’edifiziu hà da pudè, di sicuru, rinasce è diventà un munumentu patrimuniale maiò in Balagna è in Corsica…
• F.P
