Sapè Fà : Ghjuvan Dumenicu Susini, cultellaghju à l'antica
Stallatu cù a so famiglia in Ville di Petrabugnu, iss' artisgiani s'hé specializatu in a cultella tradiziunale.
Ghjuvan Dumenicu Susini, cultellaghju à l’antica
Stallatu cù a so famiglia in Ville di Petrabugnu, iss’artisgiani s’hè specializatu in a cultella tradiziunale. Da a cima à u fondu (legnu, coghju è ancu certe volte l’aciaghju), face tuttu da per ellu…
U nostru « Sapè fà » ughjincu ci porta in Ville di Petrabugnu, subbitu da sopra à Bastia. Hè quì chè Ghjuvan Dumenicu Susini s’hè stallatu cù a so famiglia. A curtella ? Una passione da sempre. « Zitellu, conta l’artisgiani, andava ind’è Jo Antonini, ch’avia u so attellu in u carrughju drittu. A so manera di fà mi piacia. Facia stiletti. Hè cusì ch’aghju principiatu... »
Cascatu ind’a « paghjola » di u sapè fà nustrale, l’artisgianu ùn la cappierà mai più. « Di fattu, ripiglia, sò sempre statu interessatu da tuttu ciò chì tuccava à u tradiziunale. I curtelli, sicura, ma dinù u farru, i mobuli...Hè cusì ch’eu mi sò messu à stazzunà cù un amicu, avia u materiale. »
Curtelle 10 % nustrale
S’ellu face i so primi curtelli à a fine di l’anni novanta, Ghjuvan Dumenicu Susini ne vole fà u so mistieru. Tandu, seguita una furmazione ind’è Cristianu Moretti è cumencia à riflette à u so avvene prufessiunale. Parte in Saint-Etienne à amparà a frisgiatura, travaglia u legnu, u coghju grossu, u ramu...Strada facendu, u so sapè fà piglia forma. « Vulia purtà tutte isse tecniche ind’u mistieru di curtellaghju cù a vulintà di fà tuttu da per mè. «
tandu, semu in u 2008. L’artisgianu face, pian’ pianinu u so attellu. « Un baraccone cù pocu materiale... » À pocu à pocu, riesce à fà a so piazza è l’attellu hè da sottu à a so casa. « Hè di più a casa da sopra à l’attellu, aghjusta ridendu, u scopu hè statu subbitu di travaglià cum’è i mo vechji. Mi sò specializatu ind’i curtelli tradiziunali. »
Presidente di u sindicatu di i curtellaghji corsi
S’ellu compra l’aciaghju ind’un’ impresa famosa, face, à tempu a soia à partesi da petre pigliate in Fericuli. « Hè una materia particulare, un aciaghju più puru ma un’altra filusufia. Hè un sapè fà nustrale chì piglia e so radiche 2000 anni fà. Ci vole à accuncià tuttu da a petra à a terra rossa... »
Per fà i so manichi, l’artisgianu sceglie legni ch’ellu face siccà da per ellu : scopa, ghjinepparu, alivu, legni di frutti. L’aciaghju hè travagliatu è ribullitu di manera à sbuccà nantu à una fiamma di qualità.
« A qualità hè a zifra d’un artisgianu. Di sicura, ùn ci vole micca à cuntà l’ore. Hè un mistieru chì permette di stantà u so pane. »
Cusì, Ghjuvan Dumenicu hà fattu a so strada. Fendusi cunnosce, ma aldilà d’ellu stessu, hè so travagliu chì hè, oghje, ricunnisciutu. Curtell fatti à l’usu nustrale, ci n’hè pocu è micca ind’è noi. I face à modu soiu da a cima à u fondu, ciò chì li permette dapoi qualchì annu, d’avè una certa nuturietà. Oghje, in tantu chè presidente di u sindicatu di curtellaghji corsi, vole tramandà tuttu què. « U più impurtante hè di furmà ghjovani è di travaglià intornu à e trafile... »
U travagliu chì dumanderà u tempu. Aspettendu, l’omu ellu cerca à tramandà u so sapè fà à Ghjuvan Andria (12 anni) è Petru Simone (8 anni), i so dui masci. Una manera di mantene un filu anticu…
Ph.P.
Ghjuvan Dumenicu Susini
20200 Ville di Petrabugnu
tel : 06-29-75-71-72
Stallatu cù a so famiglia in Ville di Petrabugnu, iss’artisgiani s’hè specializatu in a cultella tradiziunale. Da a cima à u fondu (legnu, coghju è ancu certe volte l’aciaghju), face tuttu da per ellu…
U nostru « Sapè fà » ughjincu ci porta in Ville di Petrabugnu, subbitu da sopra à Bastia. Hè quì chè Ghjuvan Dumenicu Susini s’hè stallatu cù a so famiglia. A curtella ? Una passione da sempre. « Zitellu, conta l’artisgiani, andava ind’è Jo Antonini, ch’avia u so attellu in u carrughju drittu. A so manera di fà mi piacia. Facia stiletti. Hè cusì ch’aghju principiatu... »
Cascatu ind’a « paghjola » di u sapè fà nustrale, l’artisgianu ùn la cappierà mai più. « Di fattu, ripiglia, sò sempre statu interessatu da tuttu ciò chì tuccava à u tradiziunale. I curtelli, sicura, ma dinù u farru, i mobuli...Hè cusì ch’eu mi sò messu à stazzunà cù un amicu, avia u materiale. »
Curtelle 10 % nustrale
S’ellu face i so primi curtelli à a fine di l’anni novanta, Ghjuvan Dumenicu Susini ne vole fà u so mistieru. Tandu, seguita una furmazione ind’è Cristianu Moretti è cumencia à riflette à u so avvene prufessiunale. Parte in Saint-Etienne à amparà a frisgiatura, travaglia u legnu, u coghju grossu, u ramu...Strada facendu, u so sapè fà piglia forma. « Vulia purtà tutte isse tecniche ind’u mistieru di curtellaghju cù a vulintà di fà tuttu da per mè. «
tandu, semu in u 2008. L’artisgianu face, pian’ pianinu u so attellu. « Un baraccone cù pocu materiale... » À pocu à pocu, riesce à fà a so piazza è l’attellu hè da sottu à a so casa. « Hè di più a casa da sopra à l’attellu, aghjusta ridendu, u scopu hè statu subbitu di travaglià cum’è i mo vechji. Mi sò specializatu ind’i curtelli tradiziunali. »
Presidente di u sindicatu di i curtellaghji corsi
S’ellu compra l’aciaghju ind’un’ impresa famosa, face, à tempu a soia à partesi da petre pigliate in Fericuli. « Hè una materia particulare, un aciaghju più puru ma un’altra filusufia. Hè un sapè fà nustrale chì piglia e so radiche 2000 anni fà. Ci vole à accuncià tuttu da a petra à a terra rossa... »
Per fà i so manichi, l’artisgianu sceglie legni ch’ellu face siccà da per ellu : scopa, ghjinepparu, alivu, legni di frutti. L’aciaghju hè travagliatu è ribullitu di manera à sbuccà nantu à una fiamma di qualità.
« A qualità hè a zifra d’un artisgianu. Di sicura, ùn ci vole micca à cuntà l’ore. Hè un mistieru chì permette di stantà u so pane. »
Cusì, Ghjuvan Dumenicu hà fattu a so strada. Fendusi cunnosce, ma aldilà d’ellu stessu, hè so travagliu chì hè, oghje, ricunnisciutu. Curtell fatti à l’usu nustrale, ci n’hè pocu è micca ind’è noi. I face à modu soiu da a cima à u fondu, ciò chì li permette dapoi qualchì annu, d’avè una certa nuturietà. Oghje, in tantu chè presidente di u sindicatu di curtellaghji corsi, vole tramandà tuttu què. « U più impurtante hè di furmà ghjovani è di travaglià intornu à e trafile... »
U travagliu chì dumanderà u tempu. Aspettendu, l’omu ellu cerca à tramandà u so sapè fà à Ghjuvan Andria (12 anni) è Petru Simone (8 anni), i so dui masci. Una manera di mantene un filu anticu…
Ph.P.
Ghjuvan Dumenicu Susini
20200 Ville di Petrabugnu
tel : 06-29-75-71-72
