Quandu Aiacciu si conta nantu à e rete suciale…
Nata in u 2014 da una voglia d’Alanu Peraldi è François Romei, una pagina facebook-tu es ajaccien et fier- permette à milia d abitanti di a Cità Imperiale è d’altrò, di sfuglià centu anni di a so storia…
Si sà, ch’in Aiacciu cum’è da per tuttu in Corsica, a memoria hè sculpita ind’e e petre ma dinò, à tempu, in qualcosa ch’ùn si pò micca materializà. Hè ghjè nantu à stu filu ch’ella si mantene a storia. À l’iniziu ci era una passione, ghjustamente di a cità d’Aiacciu, a so storia, a so memoria, i so quartieri. Alanu Peraldi, monda cunnisciutu in u mezu di e bucce è ancu di u ghjocu à ballò (eternu sustenidore di l’ACA !), face parte, cum’è d’altri, d’issa generazione, guasgi una di l’ultime, chì hà cunnisciuta l’anima diu vechju Aiacciu, chì hà vistu cresce i palazzi unu à unu, caccià tutti sti bastimenti unu apressu à l’altru, sparisce dinò ci vole à dilla, ciò chì facia l’anima di i lochi…Ma tenia sempre in core à ellu, un pocu-assai- d’issu stintu aiaccinu. Ghjè à partesi di a so memoria è cù uni pochi d’amichi passiunati quant’à ellu-Patrick Battini- chì hà publicatu libri è creatu a pagina « Aiacciu, una cità, una storia » o François Romei, chì porta a so manu à à pagina (filmetti è rittratti) ch’ellu hà avutu l’idea sei anni fà, di creà una pagina facebook dedicata à a so cità. « Quandu ellu hè sparitu u me ziu Jeannnot Schiavo, spiega l’Aiaccinu, primu guida, aviu uni pochi di rittrati. Ellu avia scrittu un libru « Mr Jeannot » induve mintuava e so cunniscenze di a Cità Imperiale, i so ricordi zitellini, è tanti altri. In sti tempi quì, Facebook ùn avia ancu u successu ch’è noi li cunniscemu oghje, ma a sapiu ch’ellu pudia esse un arnese impurtante per fà passà qualcosa. Masimu a memoria di a nostra cità… »
Sfuglià un seculu di a storia d’Aiacciu
Sicura chè d’altre pagine esistianu nantu à e rete suciale cum’è « Ajaccio, une ville, une histoire » cù ritratti ma dinò riporti anziani. Alanu, ellu, hà vulsutu fà lu à modu soiu. L’idea face a so strada per sbuccà, prestu, prestu, nantu à una dinamica chì li face piglià un’altra dimensione. « Aghju pigliatu ritratti ch’eu t’aviu, Aghjusta Alanu Peraldi, dopu aghju dumandatu à publicà ne d’altri, di Patrick Battini (hà scrittu libri nantu à Aiacciu), è l’affare hè statu principiatu… »
Cusì, si puderà, oghje, sfuglià à traversu centenaie di ritratti, un seculu di a storia d’Aiacciu cù primi ritratti in u 1902 nantu à a piazza à u Diamante (chì si chjamava à l’epica a Piazza Bonaparte). Da iss’epica quì sin’à d’avà, si pò scopre un vechju seminariu, l’uspidale militariu u vechju Aiacciu, a stretta Fesch, u corsu Napuliò (chì si chjamava u corsu Santa Lucia). U tuttu da i Sanguinari sin’à l’entrata d’Aiacciu (Dopu à u giratoghju di Castelvechju). « A pagina hà cunnisciutu subbitu un successu maiò chè a ghjente mettia i so cumenti, cuntava ricordi è tante sturiette. Avemu 4000 persone, d’Aiacciu, u circondu, di Corsica è ancu d’altrò. Ricevu cumenti di Corsi chì stanu in Tailanda, Austria, Madagascar… »
U più bellu ritrattu ? « Saria quellu di a statula di Napuliò, chì era à a merria è chì hè stata purtata à u Casone quandu ci hè statu l’inaugurazione di a piazza di u Casone in u 1938. »
In tantu chè sustenidore di l’ACA, l’Aiacciu hà dinò pustatu rittrati di u Jean Lluis (accessione in prima divisione) è di u Grisby induve in u 1910, fù creata a squadra bianca è rossa…
In fine, in tempi di u cunfinamentu, Alanu è i so amichi di l’altre « pagine » anu vulsutu rende umaggiu à Tino Rossi. Cusì, u 19 d’aprile, anniversariu di u famosu cantadore, un mazzulu di fiori hè statu messu davanti à a so porta à u 45 di a stretta Fesch. Dopu, ma rispettendu e cunsigne sanitarie.
A pagina d’Alanu Peraldi, ella cuntinueghja à fà a so strada…Per prova, un tiru à l’imbuscu serà fattu issu vennari per rigalà a 4000a parsona à entre nantu à a pagina. Per cuntinuà à sfuglià a storia di a cità Imperiale…
Sfuglià un seculu di a storia d’Aiacciu
Sicura chè d’altre pagine esistianu nantu à e rete suciale cum’è « Ajaccio, une ville, une histoire » cù ritratti ma dinò riporti anziani. Alanu, ellu, hà vulsutu fà lu à modu soiu. L’idea face a so strada per sbuccà, prestu, prestu, nantu à una dinamica chì li face piglià un’altra dimensione. « Aghju pigliatu ritratti ch’eu t’aviu, Aghjusta Alanu Peraldi, dopu aghju dumandatu à publicà ne d’altri, di Patrick Battini (hà scrittu libri nantu à Aiacciu), è l’affare hè statu principiatu… »
Cusì, si puderà, oghje, sfuglià à traversu centenaie di ritratti, un seculu di a storia d’Aiacciu cù primi ritratti in u 1902 nantu à a piazza à u Diamante (chì si chjamava à l’epica a Piazza Bonaparte). Da iss’epica quì sin’à d’avà, si pò scopre un vechju seminariu, l’uspidale militariu u vechju Aiacciu, a stretta Fesch, u corsu Napuliò (chì si chjamava u corsu Santa Lucia). U tuttu da i Sanguinari sin’à l’entrata d’Aiacciu (Dopu à u giratoghju di Castelvechju). « A pagina hà cunnisciutu subbitu un successu maiò chè a ghjente mettia i so cumenti, cuntava ricordi è tante sturiette. Avemu 4000 persone, d’Aiacciu, u circondu, di Corsica è ancu d’altrò. Ricevu cumenti di Corsi chì stanu in Tailanda, Austria, Madagascar… »
U più bellu ritrattu ? « Saria quellu di a statula di Napuliò, chì era à a merria è chì hè stata purtata à u Casone quandu ci hè statu l’inaugurazione di a piazza di u Casone in u 1938. »
In tantu chè sustenidore di l’ACA, l’Aiacciu hà dinò pustatu rittrati di u Jean Lluis (accessione in prima divisione) è di u Grisby induve in u 1910, fù creata a squadra bianca è rossa…
In fine, in tempi di u cunfinamentu, Alanu è i so amichi di l’altre « pagine » anu vulsutu rende umaggiu à Tino Rossi. Cusì, u 19 d’aprile, anniversariu di u famosu cantadore, un mazzulu di fiori hè statu messu davanti à a so porta à u 45 di a stretta Fesch. Dopu, ma rispettendu e cunsigne sanitarie.
A pagina d’Alanu Peraldi, ella cuntinueghja à fà a so strada…Per prova, un tiru à l’imbuscu serà fattu issu vennari per rigalà a 4000a parsona à entre nantu à a pagina. Per cuntinuà à sfuglià a storia di a cità Imperiale…
